WPL 2024: મુંબઈ ઈન્ડિયન્સે રોમાંચક મેચમાં દિલ્હી કેપિટલ્સને 4 વિકેટે હરાવ્યું
મહિલા પ્રીમિયર લીગ આજથી શરૂ થઈ રહી છે. આ મેચ સંબંધિત તમામ લાઈવ અપડેટ તમે અહીં વાંચી શકો છો.
LIVE
Background
WPL 2024: મહિલા પ્રીમિયર લીગ આજથી શરૂ થઈ રહી છે. આ સીઝનની શરૂઆત મુંબઈ ઈન્ડિયન્સ અને દિલ્હી કેપિટલ્સ વચ્ચેની મેચથી થશે. હરમનપ્રીત કૌરની આગેવાની હેઠળની મુંબઈ ઈન્ડિયન્સ અને દિલ્હી કેપિટલ્સ વચ્ચેની મેચ બેંગ્લોરના એમ. ચિન્નાસ્વામી સ્ટેડિયમમાં રમાશે. મેચ ભારતીય સમય અનુસાર સાંજે 7.30 વાગ્યે શરૂ થશે. હરમનપ્રીત કૌરની કેપ્ટનશીપમાં મુંબઈ ઈન્ડિયન્સે પ્રથમ સિઝન જીતી હતી. જોકે, મુંબઈ ઈન્ડિયન્સ પોતાના ટાઈટલને બચાવવા મેદાનમાં ઉતરશે.
મુંબઈ ઈન્ડિયન્સે દિલ્હી કેપિટલ્સને 4 વિકેટે હરાવ્યું
મુંબઈ ઈન્ડિયન્સે રોમાંચક મેચમાં દિલ્હી કેપિટલ્સને 4 વિકેટે હરાવ્યું છે. છેલ્લા બોલે 5 રનની જરુર હતી ત્યારે એસ સજાનાએ સિક્સર ફટકારીને ટીમને જીત અપાવી હતી. મુંબઈ તરફથી યાસ્તિકા ભાટિયા અને કેપ્ટન હરમનપ્રિતે ફિફ્ટી ફટકારી હતી.
𝙐𝙉𝘽𝙀𝙇𝙄𝙀𝙑𝘼𝘽𝙇𝙀!
— Women's Premier League (WPL) (@wplt20) February 23, 2024
5 off 1 needed and S Sajana seals the game with a MAXIMUM very first ball🤯💥
A final-over thriller in the very first game of #TATAWPL Season 1 🤩🔥
Scorecard 💻📱 https://t.co/GYk8lnVpA8#TATAWPL | #MIvDC pic.twitter.com/Lb6WUzeya0
અમેલિયા કેર બાદ પૂજા વસ્ત્રાકર પણ પેવેલિયન પરત ફરી
મુંબઈ ઈન્ડિયન્સને આઠ બોલમાં બે ઝટકા લાગ્યા છે. ટીમને ચોથો ફટકો એમેલિયા કેરના રૂપમાં લાગ્યો હતો જેને શિખા પાંડેએ આઉટ કરી હતી. તે જ સમયે પૂજા વસ્ત્રાકર એક રન બનાવીને પેવેલિયન પરત ફરી હતી.
મુંબઈની બીજી વિકેટ પડી
સાતમી ઓવરના પહેલા બોલ પર મુંબઈ ઈન્ડિયન્સને બીજો ઝટકો લાગ્યો હતો. નતાલી સિવર બ્રન્ટ 19 રન બનાવીને પેવેલિયન પરત ફરી હતી. અરુંધતી રેડ્ડીએ તેને ક્લીન બોલ્ડ કરી હતી. હાલમાં યાસ્તિકા ભાટિયા 30 રને અણનમ અને કેપ્ટન હરમનપ્રીત કૌર પાંચ રને અણનમ રમી રહી છે. બે વિકેટ ગુમાવીને ટીમનો સ્કોર 50 રન છે.
મુંબઈને પહેલી જ ઓવરમાં મોટો ફટકો લાગ્યો
મુંબઈને પહેલી જ ઓવરમાં મોટો ફટકો પડ્યો છે. હેલી મેથ્યુઝ ખાતું ખોલાવ્યા વગર જ પેવેલિયન પરત ફરી છે.
દિલ્હીએ મુંબઈને 172 રનનો ટાર્ગેટ આપ્યો
દિલ્હીએ મુંબઈને 172 રનનો ટાર્ગેટ આપ્યો છે. વિમેન્સ પ્રીમિયર લીગની બીજી સિઝનની પ્રથમ મેચમાં દિલ્હીએ 20 ઓવરમાં પાંચ વિકેટ ગુમાવીને 171 રન બનાવ્યા છે.
ટ્રેન્ડિંગ સમાચાર
ટોપ સ્ટોરી
