વર્લ્ડ કપ માટે પાકિસ્તાનની ટીમ જાહેર, નસીમ શાહ ઈજાના કારણે વર્લ્ડ કપમાંથી બહાર, હસન અલીને મળી એન્ટ્રી

Naseem Shah World Cup 2023: નસીમ શાહને વર્લ્ડ કપ 2023 માટે પાકિસ્તાનની ટીમમાં સ્થાન મળ્યું નથી. તે ઈજાના કારણે બહાર છે.

પાકિસ્તાન ક્રિકેટ ટીમ (ફાઈલ ફોટો)

Naseem Shah World Cup 2023: પાકિસ્તાને વર્લ્ડ કપ 2023 માટે ટીમની જાહેરાત કરી દીધી છે. ફાસ્ટ બોલર નસીમ શાહને ટીમમાં સ્થાન મળ્યું નથી. નસીમ એશિયા કપ 2023 દરમિયાન ઈજાગ્રસ્ત થયો હતો અને હજુ સુધી ફિટ નથી. આ કારણોસર તેને ટીમની બહાર રાખવામાં આવ્યો હતો. નસીમ ટીમના શ્રેષ્ઠ બોલરોમાંથી એક છે. તેની ગેરહાજરીમાં હસન અલીનો ટીમમાં સમાવેશ કરવામાં આવ્યો છે. હસન લાંબા સમય બાદ વનડે ટીમમાં પરત ફર્યો છે.

પાકિસ્તાનના મુખ્ય પસંદગીકાર ઈંઝમામ ઉલ હકે કહ્યું, “નસીમ ઈજાગ્રસ્ત છે અને તે અમારો મહત્વનો બોલર છે. તે ટીમમાં નથી તે દુર્ભાગ્યપૂર્ણ છે. હસન અલીના LPL પ્રદર્શન પર નજર કરીએ તો તેણે શ્રેષ્ઠ પ્રદર્શન કર્યું છે. તે એક અનુભવી બોલર છે અને તેણે ઘણા મોટા પ્રસંગોમાં સારું પ્રદર્શન કર્યું છે. અમને એવા બોલરની પણ જરૂર છે જે નવા બોલથી બોલિંગ કરી શકે. તેની હાજરી ટીમમાં ઉત્સાહ જાળવી રાખશે.

એશિયા કપ 2023માં ભારત સામેની મેચ દરમિયાન નસીમ ઈજાગ્રસ્ત થયો હતો અને હજુ સુધી તે સાજો થઈ શક્યો નથી. આ કારણોસર તેને પાકિસ્તાનની ટીમમાંથી બહાર કરી દેવામાં આવ્યો હતો. નસીમે 14 ODI મેચમાં 32 વિકેટ લીધી છે. તેણે 17 ટેસ્ટ મેચમાં 51 વિકેટ લીધી છે. પીસીબીએ નસીમની ગેરહાજરીમાં હસન અલીનો ટીમમાં સમાવેશ કર્યો છે. હસન લાંબા સમય બાદ વનડે ટીમમાં પરત ફર્યો છે. તેણે તેની છેલ્લી વનડે જૂન 2022માં વેસ્ટ ઈન્ડિઝ સામે રમી હતી. હસને 60 ODI મેચમાં 91 વિકેટ લીધી છે.

Pakistan unveil squad for the World Cup campaign 🇵🇰💪

More details ➡️ https://t.co/hanhk17ACZ#WeHaveWeWill | #CWC23 pic.twitter.com/HY9cWDGnQn

— Pakistan Cricket (@TheRealPCB) September 22, 2023

પીસીબીના મુખ્ય પસંદગીકાર ઇન્ઝમામ-ઉલ-હકે શુક્રવારે પ્રેસ કોન્ફરન્સ દરમિયાન ટીમની જાહેરાત કરી હતી. ઈન્ઝમામે કહ્યું, અમને મળેલા અહેવાલો દર્શાવે છે કે નસીમ શાહ માત્ર વર્લ્ડ કપ માટે જ નહીં પરંતુ લાંબા સમય સુધી બહાર રહેશે. તે જે રીતે નવા બોલ સાથે તેમજ ડેથ ઓવરોમાં બોલિંગ કરી રહ્યો હતો તે પાકિસ્તાન માટે મોટો ફટકો છે.

વર્લ્ડ કપ 2023 માટે પાકિસ્તાનની ટીમ: બાબર આઝમ (કેપ્ટન), શાદાબ ખાન, ફખર ઝમાન, ઈમામ-ઉલ-હક, અબ્દુલ્લા શફીક, મોહમ્મદ રિઝવાન, સઈદ શકીલ, ઈફ્તિખાર અહેમદ, સલમાન અલી આગા, મોહમ્મદ નવાઝ, ઉસામા મીર, હરિસ. રઉફ , હસન અલી, શાહીન આફ્રિદી, મોહમ્મદ વસીમ

ટ્રાવેલિંગ રિઝર્વ: મોહમ્મદ હરિસ, અબરાર અહેમદ, જમાન ખાન