Cricket News: સચિન તેંડુલકરના રેકોર્ડને લઈને ઘમાસાણ,ઈંગ્લેન્ડના ક્રિકેટરે BCCIને લઈને આપ્યું વિવાદિત નિવેદન

Joe Root to Break Sachin Tendulkar Record: ટેસ્ટ ક્રિકેટમાં સૌથી વધુ રન બનાવવાનો રેકોર્ડ સચિન તેંડુલકરના નામે છે. ઇંગ્લેન્ડના દિગ્ગજ ખેલાડીએ જો રૂટના આગળ થવાના વિષય પર વિવાદિત નિવેદન આપ્યું છે.

સચિન તેંડુલકર અને જો રૂટ

Source : Abp LIVE

Sachin Tendulkar Most Test Runs Record:  ઈંગ્લેન્ડનો બેટ્સમેન જો રૂટ હાલમાં જ પોતાના ફોર્મને લઈને ચર્ચામાં છે. એવી અટકળો શરૂ થઈ રહી છે કે તે ટેસ્ટ ક્રિકેટમાં સૌથી વધુ રન બનાવવાના મામલે સચિન તેંડુલકરને પાછળ છોડી શકે છે. તેંડુલકરના રેકોર્ડ સુધી પહોંચવા માટે રૂટને હજુ 3,533 રન બનાવવાના છે. આ દરમિયાન, ઈંગ્લેન્ડના દિગ્ગજ ક્રિકેટર માઈકલ વોને ભારતીય ક્રિકેટ કંટ્રોલ બોર્ડ (BCCI) પર ગંભીર આરોપો લગાવ્યા છે અને કહ્યું છે કે તેઓ ચોક્કસપણે એ સુનિશ્ચિત કરવાનો પ્રયાસ કરશે કે કોઈ ભારતીય પ્રથમ સ્થાને રહે.

માઈકલ વોને કહ્યું, "રુટ ચોક્કસપણે સચિન તેંડુલકરનો રેકોર્ડ તોડી નાખશે. મારા મતે તે લગભગ સાડા ત્રણ હજાર રનથી પાછળ છે. હું માનું છું કે તે પહેલા તેની કમર જવાબ આપી દેશે, તે વધુ 3 વર્ષ સુધી ક્રિકેટ ચાલુ રાખી શકે છે. તેને રમત પ્રત્યે ઘણો પ્રેમ છે અને મને નથી લાગતું કે તેને હાલમાં ક્રિકેટ છોડવાની કોઈ ઈચ્છા હોય અને તે કેપ્ટન નથી તે કોઈ પણ દબાણ વગર રમી શકશે. જો તેમણે રેકોર્ડ ન તોડ્યો તો તે મારા માટે નવાઈની વાત હશે.

બીસીસીઆઈ અંગે આપ્યું વિવાદિત નિવેદન
ઈંગ્લેન્ડના દિગ્ગજ ખેલાડીએ બીસીસીઆઈ માટે આકરા શબ્દોનો ઉપયોગ કરતા કહ્યું, "જો, જો રૂટ સચિન તેંડુલકરના રેકોર્ડને તોડીને આગળ વધે છે, તો તે ક્રિકેટમાં બનેલી શ્રેષ્ઠ વસ્તુઓમાંથી એક હશે. કારણ કે હું નથી માનતો કે બીસીસીઆઈ એવું ઈચ્છશે કે કોઈ અન્ય ખેલાડી સચિનને ​​પાછળ છોડીને ટોચ પર પહોંચે. BCCI ચોક્કસપણે એવું ઈચ્છશે કે, કોઈ એક ભારતીય જ ટોચ પર રહે, જેથી ટેસ્ટ ક્રિકેટને બચાવી શકાય કારણ કે સચિનને ​​પાછળ છોડવામાં કેટલો સમય લાગશે તે કોણ જાણે છે.

જો રૂટ વિરુદ્ધ સચિન તેંડુલકર
જો રૂટે તેની પ્રથમ આંતરરાષ્ટ્રીય ટેસ્ટ મેચ વર્ષ 2012માં રમી હતી. તે પછી તેણે 145 મેચની 265 ઇનિંગ્સમાં 12,377 રન બનાવ્યા છે. તેની સરેરાશ 50.93 રહી છે અને આ સમયગાળા દરમિયાન તેણે 34 સદી અને 64 અડધી સદી ફટકારી છે.

બીજી તરફ, સચિન તેંડુલકરે તેની 200 ટેસ્ટ મેચોની ઐતિહાસિક કારકિર્દીમાં કુલ 329 ઇનિંગ્સ રમીને 15,921 રન બનાવ્યા હતા. 53.78ની શાનદાર એવરેજથી રમતા તેણે 51 સદી અને 68 અર્ધસદી ફટકારવાની સિદ્ધિ પણ હાંસલ કરી હતી. જો કે જો રૂટ રનના મામલામાં સચિનની નજીક આવી રહ્યો છે, પરંતુ સદીના મામલામાં તે ઘણો દૂર લાગે છે.

આ પણ વાંચો...