PAK vs NEP Asia Cup 2023: નેપાળને 238 રને હરાવી પાકિસ્તાને જીત સાથે કરી એશિયા કપની શરુઆત
PAK vs NEP Match Report: એશિયા કપની પ્રથમ મેચમાં પાકિસ્તાને નેપાળને 238 રનથી હરાવ્યું છે. નેપાળને જીતવા માટે 343 રનનો ટાર્ગેટ હતો, પરંતુ આખી ટીમ 23.4 ઓવરમાં માત્ર 104 રન પર જ ઓલ આઉટ થઈ ગઈ હતી.
PAK vs NEP Match Report: એશિયા કપની પ્રથમ મેચમાં પાકિસ્તાને નેપાળને 238 રનથી હરાવ્યું છે. નેપાળને જીતવા માટે 343 રનનો ટાર્ગેટ હતો, પરંતુ આખી ટીમ 23.4 ઓવરમાં માત્ર 104 રન પર જ ઓલ આઉટ થઈ ગઈ હતી. આ રીતે બાબર આઝમની આગેવાનીવાળી ટીમે મોટી જીત સાથે ટૂર્નામેન્ટની શરૂઆત કરી હતી. આ પહેલા પાકિસ્તાનના કેપ્ટન બાબર આઝમે ટોસ જીતીને બેટિંગ કરવાનો નિર્ણય લીધો હતો. પ્રથમ બેટિંગ કરવા ઉતરેલી પાકિસ્તાને 50 ઓવરમાં 6 વિકેટે 342 રન બનાવ્યા હતા. પાકિસ્તાન તરફથી બાબર આઝમ અને ઈફ્તિખાર અહેમદે શાનદાર સદી ફટકારી હતી.
પાકિસ્તાને નેપાળને આસાનીથી હરાવ્યું
પાકિસ્તાનના 342 રનના જવાબમાં બેટિંગ કરવા આવેલા નેપાળની શરૂઆત સારી રહી ન હતી. શાહીન આફ્રિદીએ પહેલી જ ઓવરમાં નેપાળને આંચકો આપ્યો હતો. નેપાળના 3 ખેલાડી 14 રનના સ્કોર પર પેવેલિયન પરત ફર્યા હતા. આ પછી આરીફ શેખ અને સોમપાલ કામીએ ચોક્કસપણે સંઘર્ષ બતાવ્યો, પરંતુ આ બંને બેટ્સમેન પાકિસ્તાની બોલરોનો વધુ સમય સુધી સામનો કરી શક્યા નહીં. પાકિસ્તાનના 8 બેટ્સમેન ડબલ ફિગર પાર કરી શક્યા ન હતા. નેપાળ માટે સોમપાલ કામીએ 46 બોલમાં સૌથી વધુ 28 રનની ઇનિંગ રમી હતી.
Pakistan register a massive victory to start off their Asia Cup campaign 💪#PAKvNEP | 📝: https://t.co/1gff7IhTyI pic.twitter.com/Q5RMdNchlB
— ICC (@ICC) August 30, 2023
પાકિસ્તાનના બોલરોની વાત કરીએ તો શાદાબ ખાને સૌથી વધુ 4 વિકેટ ઝડપી હતી. જ્યારે શાહીન આફ્રિદી અને હરિસ રઉફે 2-2 વિકેટ લીધી હતી. આ સિવાય નસીમ શાહ અને મોહમ્મદ નવાઝને 1-1 સફળતા મળી હતી. આ પહેલા પાકિસ્તાન તરફથી કેપ્ટન બાબર આઝમે 131 બોલમાં 151 રનની શાનદાર ઇનિંગ રમી હતી. તેણે પોતાની ઇનિંગમાં 14 ફોર અને 4 સિક્સર ફટકારી હતી. આ સિવાય ઈફ્તિખાર અહેમદે 71 બોલમાં અણનમ 109 રન બનાવ્યા હતા. તેણે પોતાની ઇનિંગમાં 11 ફોર અને 4 સિક્સર ફટકારી હતી. નેપાળ તરફથી સોમપાલ કામીએ સૌથી વધુ 2 વિકેટ લીધી હતી. જ્યારે કરણ કેસી અને સંદીપ લામિછાનેને 1-1 સફળતા મળી હતી.
પાકિસ્તાન પ્લેઈંગ ઈલેવન
ફખર ઝમાં, ઇમામ-ઉલ હક, બાબર આઝમ (કેપ્ટન), મોહમ્મદ રિઝવાન (વિકી), આગા સલમાન, ઇફ્તિખાર અહેમદ, શાદાબ ખાન, મોહમ્મદ નવાઝ, શાહીન આફ્રિદી, નસીમ શાહ, હરિસ રઉફ
નેપાળ પ્લેઈંગ ઈલેવન
કુશલ ભુર્ટેલ, આસિફ શેખ (વિકી), રોહિત પૌડેલ (કેપ્ટન), આરિફ શેખ, કુશલ મલ્લા, દીપેન્દ્ર સિંહ એરી, ગુલસન ઝા, સોમપાલ કામી, કરણ કેસી, સંદીપ લામિછાને, લલિત રાજવંશી
ટોપ સ્ટોરી
ટ્રેન્ડિંગ સમાચાર
