PAK vs OMAN: પાકિસ્તાનના નામે એશિયા કપ 2025 ની બીજી મોટી જીત, ઓમાનને 93 રનથી હરાવ્યું

એશિયા કપ 2025માં આજે પાકિસ્તાન અને ઓમાન વચ્ચે મુકાબલો હતો. આ મેચમાં  પાકિસ્તાને ઓમાનને 93 રનથી હરાવ્યું છે.

પાકિસ્તાનની ઓમાન સામે જીત

Source : તસવીર સોશિયલ મીડિયા

Pakistan beats oman: એશિયા કપ 2025માં આજે પાકિસ્તાન અને ઓમાન વચ્ચે મુકાબલો હતો. આ મેચમાં  પાકિસ્તાને ઓમાનને 93 રનથી હરાવ્યું છે. એશિયા કપ 2025માં રનની દ્રષ્ટિએ આ બીજી સૌથી મોટી જીત છે. આ મેચમાં, પાકિસ્તાની ટીમે પહેલા રમત રમતા 160 રન બનાવ્યા હતા, પરંતુ તેના જવાબમાં આખી ઓમાન ટીમ ફક્ત 67 રનમાં ઓલઆઉટ થઈ ગઈ હતી. એશિયા કપ 2025માં પાકિસ્તાનની આ પહેલી જીત છે અને હવે તેને 14 સપ્ટેમ્બરે ભારત સામે મેચ રમવાની છે.

મોટાભાગના પાકિસ્તાની ખેલાડીઓ બેટિંગમાં નિષ્ફળ ગયા પરંતુ મોહમ્મદ હારિસે 63 રનની શાનદાર ઇનિંગ રમી.  તેના સિવાય, ફખર ઝમાને અણનમ 23 અને સાહિબજાદા ફરહાને 29 રનનું યોગદાન આપ્યું. બીજી તરફ, ઓમાન માટે ફક્ત 3 બેટ્સમેન રનની દ્રષ્ટિએ બે આંકડાને સ્પર્શી શક્યા હતા. આમિર કલીમે 13 રન અને હમ્મદ મિર્ઝાએ 27 રન બનાવ્યા.  9મા ક્રમે બેટિંગ કરવા આવેલા શકીલ અહેમદે 10 રન બનાવ્યા.

A dominant display from Pakistan against Oman to get off the mark at the Asia Cup 💪#PAKvOMN 📝: https://t.co/pP4Offjxem pic.twitter.com/qk3pOA3kmw

— ICC (@ICC) September 12, 2025

એશિયા કપ 2025 ની બીજી સૌથી મોટી જીત

એશિયા કપ 2025 માં રનની દ્રષ્ટિએ પાકિસ્તાને બીજી સૌથી મોટી જીત નોંધાવી છે. આ યાદીમાં અફઘાનિસ્તાન ટોચ પર છે, જેણે ટુર્નામેન્ટની પહેલી જ મેચમાં હોંગકોંગને 94 રનથી હરાવ્યું હતું. જ્યારે પાકિસ્તાને ઓમાનને 93 રનથી હરાવ્યું હતું.

ઓમાન ટીમે 51 રનમાં પોતાની 9 વિકેટ ગુમાવી દીધી હતી. શકીલ અહેમદ અને સમય શ્રીવાસ્તવે છેલ્લી વિકેટ માટે લગભગ 4 ઓવર સુધી પાકિસ્તાની બોલરોને પરેશાન કર્યા. બંનેએ 16 રન ઉમેર્યા પરંતુ નબળી બેટિંગને કારણે ઓમાનની હાર નિશ્ચિત હતી. પાકિસ્તાન તરફથી 6 બોલરો બોલિંગ કરી અને દરેકને ઓછામાં ઓછી એક વિકેટ મળી.

ગ્રુપ A પોઈન્ટ ટેબલ

ઓમાન પર 93 રનની મોટી જીત બાદ પણ પાકિસ્તાન ગ્રુપ A પોઈન્ટ ટેબલમાં બીજા સ્થાને છે. ભારત પ્રથમ સ્થાને છે, જેણે UAE ને 9 વિકેટથી હરાવ્યું. ઓમાન અને UAE અનુક્રમે ત્રીજા અને ચોથા સ્થાને છે. તમને જણાવી દઈએ કે ગ્રુપમાં પ્રથમ બે સ્થાન મેળવનાર ટીમોને સુપર-4 તબક્કામાં પ્રવેશ મળશે. 

એશિયા કપ 2025માં 14 સપ્ટેમ્બરે પાકિસ્તાન અને ભારત વચ્ચે મેચ રમવાની છે. ક્રિકેટ ચાહકો આ મેચની આતુરતાથી રાહ જોઈ રહ્યા છે.