ચેમ્પિયન્સ ટ્રોફી પહેલા ICC એ નવું ODI રેન્કિંગ લિસ્ટ જાહેર કર્યું, જાણો ભારત અને પાકિસ્તાનનું રેન્કિંગ
ચેમ્પિયન્સ ટ્રોફી પહેલા ICC દ્વારા જાહેર કરાયેલી નવી રેન્કિંગમાં પાકિસ્તાન ત્રીજા સ્થાને ધકેલાયું, ઓસ્ટ્રેલિયા બીજા ક્રમે પહોંચ્યું
Pakistan ICC ODI ranking 2025: ICC ચેમ્પિયન્સ ટ્રોફી 2025 શરૂ થવાને હવે ગણતરીના દિવસો બાકી છે, ત્યારે આંતરરાષ્ટ્રીય ક્રિકેટ કાઉન્સિલ (ICC) દ્વારા નવીનતમ ODI ટીમ રેન્કિંગ જાહેર કરવામાં આવી છે. આ રેન્કિંગમાં પાકિસ્તાન ક્રિકેટ ટીમને મોટો ફટકો પડ્યો છે અને તેઓ એક સ્થાન નીચે સરકી ગયા છે, જ્યારે ભારતીય ટીમ ટોચનું સ્થાન જાળવી રાખવામાં સફળ રહી છે.
હાલમાં, ચેમ્પિયન્સ ટ્રોફીની તૈયારીના ભાગરૂપે ઘણી ટીમો દ્વિપક્ષીય અને ત્રિકોણીય ODI શ્રેણી રમી રહી છે. તાજેતરમાં પાકિસ્તાનમાં સમાપ્ત થયેલી ત્રિ-રાષ્ટ્રીય શ્રેણીમાં પાકિસ્તાન, ન્યુઝીલેન્ડ અને દક્ષિણ આફ્રિકાએ ભાગ લીધો હતો. આ ઉપરાંત ભારત અને ઇંગ્લેન્ડ વચ્ચે ત્રણ મેચની ODI શ્રેણી અને ઓસ્ટ્રેલિયા અને શ્રીલંકા વચ્ચે બે મેચની ODI શ્રેણી પણ સંપન્ન થઈ છે. આ પરિણામોના આધારે ICCએ નવી રેન્કિંગ જાહેર કરી છે.
નવી રેન્કિંગમાં પાકિસ્તાનને એક સ્થાનનું નુકસાન થયું છે. 13 ફેબ્રુઆરી સુધી બીજા ક્રમે રહેલી પાકિસ્તાની ટીમ ત્રિકોણીય શ્રેણીની ફાઇનલમાં હાર્યા બાદ હવે ત્રીજા સ્થાને આવી ગઈ છે. પાકિસ્તાનનું રેટિંગ 107 પોઈન્ટ થયું છે.
બીજી તરફ, ન્યુઝીલેન્ડની ટીમે પાકિસ્તાનને હરાવીને પોતાની સ્થિતિ સુધારી છે. તેમનું રેટિંગ 100 થી વધીને 105 થયું છે, પરંતુ તેઓ ચોથા ક્રમે યથાવત છે. મહત્વની વાત એ છે કે, શ્રીલંકા સામે 0-2થી શ્રેણી ગુમાવ્યા છતાં ઓસ્ટ્રેલિયાને રેન્કિંગમાં ફાયદો થયો છે. પાકિસ્તાનના નીચે સરકવાનો સીધો લાભ ઓસ્ટ્રેલિયાને મળ્યો છે અને હવે 110 રેટિંગ પોઈન્ટ સાથે ઓસ્ટ્રેલિયા બીજા ક્રમે પહોંચી ગયું છે.
ભારતીય ટીમ ODI ક્રિકેટમાં પોતાનું વર્ચસ્વ જાળવી રાખવામાં સફળ રહી છે. ટીમ ઇન્ડિયા 119 રેટિંગ પોઈન્ટ સાથે ટોચના સ્થાને યથાવત છે. તાજેતરમાં ભારતે ઇંગ્લેન્ડને ત્રણ મેચની ODI શ્રેણીમાં 3-0થી ક્લીન સ્વીપ કર્યું હતું, જે તેમની રેન્કિંગમાં મજબૂત સ્થિતિનું કારણ છે.
ચેમ્પિયન્સ ટ્રોફી ૨૦૨૫ નો કાર્યક્રમ
| તારીખ | મેચ | સ્થળ | સમય (IST) |
| ૧૯ ફેબ્રુઆરી | પાકિસ્તાન વિ. ન્યુઝીલેન્ડ | નેશનલ સ્ટેડિયમ, કરાચી | ૧૪:૩૦ |
| ૨૦ ફેબ્રુઆરી | બાંગ્લાદેશ વિ. ભારત | દુબઈ ઇન્ટરનેશનલ ક્રિકેટ સ્ટેડિયમ, દુબઈ | ૧૪:૩૦ |
| ૨૧ ફેબ્રુઆરી | અફઘાનિસ્તાન વિ. દક્ષિણ આફ્રિકા | નેશનલ સ્ટેડિયમ, કરાચી | ૧૪:૩૦ |
| ૨૨ ફેબ્રુઆરી | ઓસ્ટ્રેલિયા વિ. ઇંગ્લેન્ડ | ગદ્દાફી સ્ટેડિયમ, લાહોર | ૧૪:૩૦ |
| ૨૩ ફેબ્રુઆરી | પાકિસ્તાન વિ. ભારત | દુબઈ ઇન્ટરનેશનલ ક્રિકેટ સ્ટેડિયમ, દુબઈ | ૧૪:૩૦ |
| ૨૪ ફેબ્રુઆરી | બાંગ્લાદેશ વિ. ન્યુઝીલેન્ડ | રાવલપિંડી ક્રિકેટ સ્ટેડિયમ, રાવલપિંડી | ૧૪:૩૦ |
| ૨૫ ફેબ્રુઆરી | ઓસ્ટ્રેલિયા વિ. દક્ષિણ આફ્રિકા | રાવલપિંડી ક્રિકેટ સ્ટેડિયમ, રાવલપિંડી | ૧૪:૩૦ |
| ૨૬ ફેબ્રુઆરી | અફઘાનિસ્તાન વિ. ઇંગ્લેન્ડ | ગદ્દાફી સ્ટેડિયમ, લાહોર | ૧૪:૩૦ |
| ૨૭ ફેબ્રુઆરી | પાકિસ્તાન વિ. બાંગ્લાદેશ | રાવલપિંડી ક્રિકેટ સ્ટેડિયમ, રાવલપિંડી | ૧૪:૩૦ |
| ૨૮ ફેબ્રુઆરી | અફઘાનિસ્તાન વિ. ઓસ્ટ્રેલિયા | ગદ્દાફી સ્ટેડિયમ, લાહોર | ૧૪:૩૦ |
| ૧ માર્ચ | દક્ષિણ આફ્રિકા વિ. ઇંગ્લેન્ડ | નેશનલ સ્ટેડિયમ, કરાચી | ૧૪:૩૦ |
| ૨ માર્ચ | ન્યુઝીલેન્ડ વિ. ભારત | દુબઈ ઇન્ટરનેશનલ ક્રિકેટ સ્ટેડિયમ, દુબઈ | ૧૪:૩૦ |
| ૪ માર્ચ | સેમી-ફાઇનલ ૧* | --- | ૧૪:૩૦ |
| ૫ માર્ચ | સેમી-ફાઇનલ ૨** | --- | ૧૪:૩૦ |
| ૯ માર્ચ | ફાઇનલ*** | --- | ૧૪:૩૦ |
આ પણ વાંચો....
ટોપ સ્ટોરી
ટ્રેન્ડિંગ સમાચાર
