PSLની લાઇવ મેચમાં ફોન પર IPL જોતો જોવા મળ્યો પાકિસ્તાની ક્રિકેટ ફેન, વીડિયો વાયરલ
વાસ્તવમાં પાકિસ્તાન સુપર લીગની મેચ દરમિયાન સ્ટેન્ડમાં બેઠેલો એક દર્શક તેના ફોન પર ઇન્ડિયન પ્રીમિયર લીગની મેચ જોઈ રહ્યો હતો
Pakistan Fan Watching IPL Match: દરેક વ્યક્તિ ઇન્ડિયન પ્રીમિયર લીગ એટલે કે IPLનો ફેન છે. જ્યારે આખી દુનિયા આ મહાન ક્રિકેટ ટુનામેન્ટ જોઈ રહી છે તો પાકિસ્તાની ક્રિકેટ ચાહકો કેવી રીતે પાછળ રહી શકે. આવા જ એક પાકિસ્તાની ક્રિકેટ ફેનનો વીડિયો ઇન્ટરનેટ પર વાયરલ થયો છે.
"If we play well in PSL, viewers will leave the IPL to watch us." pic.twitter.com/fCRH5peTZk
— Out Of Context Cricket (@GemsOfCricket) April 19, 2025
વાસ્તવમાં પાકિસ્તાન સુપર લીગની મેચ દરમિયાન સ્ટેન્ડમાં બેઠેલો એક દર્શક તેના ફોન પર ઇન્ડિયન પ્રીમિયર લીગની મેચ જોઈ રહ્યો હતો. તેમનો આ વીડિયો હવે વાયરલ થઈ ગયો છે.
સોશિયલ મીડિયા પર વાયરલ થયેલા આ વીડિયોમાં એક ફેન પીએસએલ મેચ દરમિયાન દર્શકોની વચ્ચે બેઠો છે અને તેના ફોન પર દિલ્હી કેપિટલ્સ મેચ જોઈ રહ્યો છે. તેનો વીડિયો વાયરલ થયા પછી લોકો તેને એક સાચો ક્રિકેટ પ્રેમી કહી રહ્યા છે જે એક જ સમયે બંને ટુર્નામેન્ટ જુએ છે.
કેટલાક સોશિયલ મીડિયા યુઝર્સે કોમેન્ટ કરી કે તેમણે ફક્ત IPLનો આનંદ માણવા માટે PSL ટિકિટ ખરીદી છે. એક યુઝરે લખ્યું કે રમતના સાચા ચાહક હોવાનો અર્થ આ જ છે. બીજા એક યુઝરે લખ્યું કે કોઈની મનપસંદ લીગ પ્રત્યેની વફાદારી સીમાઓ સુધી મર્યાદિત નથી.
આ વીડિયો એવા સમયે વાયરલ થયો છે જ્યારે તાજેતરમાં પાકિસ્તાની ફાસ્ટ બોલર હસન અલીએ કહ્યું હતું કે જો ક્રિકેટનું સ્તર વધતું રહેશે તો PSL દર્શકોની સંખ્યા IPL કરતા વધી શકે છે. તેમણે કહ્યું કે ચાહકો સ્વાભાવિક રીતે જ એવી ટુર્નામેન્ટ તરફ આકર્ષિત થશે જે ગુણવત્તાયુક્ત મનોરંજન પૂરું પાડે છે.
ઇંગ્લેન્ડના ક્રિકેટર સેમ બિલિંગ્સે ફ્રેન્ચાઇઝી લીગ અંગે ચાલી રહેલી ચર્ચા પર પોતાનો મત વ્યક્ત કર્યો હતો. તેમણે કહ્યું કે IPL સિવાય અન્ય કોઈ પણ ટુર્નામેન્ટને વિશ્વની ટોચની ટુર્નામેન્ટ તરીકે જોવી મુશ્કેલ છે.
ટોપ સ્ટોરી
ટ્રેન્ડિંગ સમાચાર
