TikTok બેન થતાં જ ઓસ્ટ્રેલિયાના આ સ્ટાર ક્રિકેટરને લોકોએ લીધો આડેહાથ, ઉડાવી જોરદાર મજાક

વોર્નરના વીડિયો ટિકટૉક પર ખુબ પૉપ્યુલર છે. વોર્નરના ટિકટૉક પર 46 લાખ ફેન્સ છે જેમાંથી સૌથી વધુ ઇન્ડિયન્સ જ છે. એટલે વોર્નર પોતાના પરિવારની સાથે હિન્દી, તામિલ અને તેલુગુ ગીતો પર જ વીડિયો બનાવતો હતો. પણ સનરાઇઝર્સ હૈદરાબાદના કેપ્ટન ડેવિડ વોર્નરને સોમવારે ટ્વીટર યૂઝર્સે જબરદસ્ત ટ્રૉલ કર્યો અને મજાક ઉડાવી હતી

નવી દિલ્હીઃ ભારત સરકાર દ્વારા સોમવારે ટિકટૉક સહિત ચીનની 59 એપ પર પ્રતિબંધ લગાવવાનો નિર્ણય લેવાયો. પરંતુ સરકારના આ નિર્ણયના કારણે લોકોએ ઓસ્ટ્રેલિયાના સ્ટાર ક્રિકેટર ડેવિડ વોર્નરને ભારતમાં ટ્રૉલનો શિકાર થવુ પડ્યુ હતુ. ખરેખરમાં, લૉકડાઉન દરમિયાન ડેવિડ વોર્નર ક્રિકેટરમાંથી ટિકટૉક સ્ટાર બની ગયો હતો. એટલું જ નહી ટીમ ઇન્ડિયાના સ્ટાર સ્પિનર અશ્વિને પણ વોર્નરને ટ્રૉલ કર્યો હતો. વોર્નરના વીડિયો ટિકટૉક પર ખુબ પૉપ્યુલર છે. વોર્નરના ટિકટૉક પર 46 લાખ ફેન્સ છે જેમાંથી સૌથી વધુ ઇન્ડિયન્સ જ છે. એટલે વોર્નર પોતાના પરિવારની સાથે હિન્દી, તામિલ અને તેલુગુ ગીતો પર જ વીડિયો બનાવતો હતો. પણ સનરાઇઝર્સ હૈદરાબાદના કેપ્ટન ડેવિડ વોર્નરને સોમવારે ટ્વીટર યૂઝર્સે જબરદસ્ત ટ્રૉલ કર્યો અને મજાક ઉડાવી હતી.

વોર્નરને ટ્રૉલ કરવા માટે અશ્વિને જે ટ્વીટ કર્યુ છે, કલાકોની અંદર જ સાત હજારથી વધુ લાઇક્સ આવી ગયા. એટલુ જ નહીં આ ટ્વીટને એક હજારથી વધુવાર રીટ્વીટ પણ કરવામાં આવી ચૂક્યુ છે.

હિતેશ નામના યૂઝરે પણ વોર્નરને જબરદસ્ત ટ્રૉલ કર્યો છે. આ યૂઝરને વોર્નરની એક તસવીર શેર કરતા લખ્યું જ્યારે એક દિવસમાં બધા ફેન ઉડી જાય તો આવો હાલ થઇ જાય છે.

મિત્રોએ કહ્યું કે તે ઓસ્ટ્રેલિયન સરકાર દ્વારા ટિકટૉક બેન કરવાની રાહ જોઇ રહ્યાં છે.

નજીબે તો વોર્નરને લઇને એક સવાલ ઉભો કરી દીધો, તેને કહ્યું કે ભારત સરકારે ટિકટૉક બેન કરી દીધી છે, વોર્નર હવે શું કરશો?

માન્યા નામના યૂઝરે લખ્યું કે હવે વોર્નરને બે વર્ષની અંદર બીજીવાર પોતાની કેરિયરને અલવિદા કહેવુ પડશે.