બીજી ટેસ્ટમાં અશ્વિને બનાવ્યો નવો રેકોર્ડ, ઓસ્ટ્રેલિયાના ગ્લેન મેકગ્રા અને અનિલ કુંબલેને પાછળ છોડ્યા
Ashwin surpasses McGrath: રવિચંદ્રન અશ્વિને કાનપુર ટેસ્ટના પહેલા જ દિવસે બાંગ્લાદેશના કેપ્ટન નજમુલ હસન શાંતોને આઉટ કરવાની સાથે જ કીર્તિમાન રચ્યો છે.
Ashwin Breaks Record: કાનપુરના ગ્રીન પાર્ક સ્ટેડિયમમાં ભારત અને બાંગ્લાદેશ વચ્ચે બીજી ટેસ્ટ મેચ રમાઈ રહી છે. ભારતીય કેપ્ટન રોહિત શર્માએ ટોસ જીતીને પ્રથમ બોલિંગ કરવાનો નિર્ણય કર્યો. પ્રથમ સેશન બાંગ્લાદેશના પક્ષમાં વધુ રહ્યો. ભારતીય ટીમ બાંગ્લાદેશના માત્ર 2 બેટ્સમેનોને પ્રથમ સેશનમાં આઉટ કરી શકી. બંને વિકેટ આકાશદીપના ખાતામાં ગઈ. લંચ બ્રેક સુધી બાંગ્લાદેશે 2 વિકેટ ગુમાવીને 74 રન સ્કોરબોર્ડ પર લગાવ્યા હતા.
લંચ બ્રેકમાં વરસાદને કારણે થોડો વિલંબ થયો પરંતુ થોડી રાહ જોયા પછી મેચ ફરીથી શરૂ થઈ ગઈ. બીજા સેશનની શરૂઆત સાથે જ ભારતીય કેપ્ટને આર અશ્વિનને બોલ સોંપ્યો અને તેનું પરિણામ તરત જ જોવા મળ્યું. લંચ પછી પોતાનો બીજો ઓવર ફેંકતા અશ્વિને બાંગ્લાદેશના કેપ્ટન નજમુલ હસન શાંતોને 31 રનના વ્યક્તિગત સ્કોર પર પેવેલિયનનો રસ્તો બતાવ્યો. આ રીતે સ્પિનર આર અશ્વિને નવો ઇતિહાસ રચ્યો. નજમુલને આઉટ કરતાં જ આર અશ્વિન એશિયામાં બીજા સૌથી વધુ વિકેટ લેનાર બોલર બની ગયા. તેમણે દેશના અનિલ કુંબલેને પાછળ છોડ્યા જેમણે એશિયામાં 419 વિકેટ ટેસ્ટમાં ઝડપી હતી.
એશિયામાં સૌથી વધુ ટેસ્ટ વિકેટ
- 612 એમ મુરલીધરન
- 420 આર અશ્વિન *
- 419 અનિલ કુંબલે
- 354 રંગના હેરાથ
- 300 હરભજન સિંહ
આર અશ્વિને નજમુલને LBW આઉટ કર્યો અને આની સાથે જ તે ટેસ્ટ ક્રિકેટમાં સૌથી વધુ LBW વિકેટ લેનાર 5મા બોલર બની ગયા. તેમણે ઓસ્ટ્રેલિયાના મહાન બોલર ગ્લેન મેકગ્રાને પાછળ છોડ્યો. ટેસ્ટ ક્રિકેટના ઇતિહાસમાં સૌથી વધુ LBW વિકેટ લેવાનો રેકોર્ડ અનિલ કુંબલેના નામે છે.
ટેસ્ટ ક્રિકેટના ઇતિહાસમાં સૌથી વધુ LBW વિકેટ લેનાર બોલર
- 156 અનિલ કુંબલે
- 149 મુરલીધરન
- 138 શેન વોર્ન
- 119 વસીમ અકરમ
- 114 આર અશ્વિન
- 113 ગ્લેન મેકગ્રા
- 112 કપિલ દેવ
ભારતીય સ્ટાર ઓલરાઉન્ડર બાંગ્લાદેશ સામે રમાઈ રહેલી શ્રેણી દરમિયાન શાનદાર ફોર્મમાં જોવા મળી રહ્યો છે. જ્યારે ભારતે બાંગ્લાદેશ સામે પ્રથમ ટેસ્ટ જીતી હતી ત્યારે તેમાં આર.અશ્વિનની ભૂમિકા ઘણી મહત્વની હતી. ચેન્નાઈમાં રમાયેલી તે મેચની પ્રથમ ઈનિંગ દરમિયાન તેણે શાનદાર સદી ફટકારી હતી. તેણે છેલ્લી ઇનિંગ્સમાં 6 વિકેટ પણ લીધી હતી. તેના શાનદાર પ્રદર્શનના કારણે ટીમ ઈન્ડિયાએ તે મેચમાં બાંગ્લાદેશને 280 રનથી હરાવ્યું હતું. આ મેચમાં તેને પ્લેયર ઓફ ધ મેચ પણ પસંદ કરવામાં આવ્યો હતો.
આ પણ વાંચોઃ
BCCI એ ટીમની જાહેરાત કરી દીધી, ઋતુરાજ ગાયકવાડ બન્યા કેપ્ટન; ઈશાન કિશનને પણ મળ્યો મોકો
ટ્રેન્ડિંગ સમાચાર
ટોપ સ્ટોરી
