Ravi Shastri એ કોચ પદેથી હટવાની કરી પુષ્ટિ, કહ્યું- જે મેળવવું હતું તે મેળવી લીધું

2017 માં ચેમ્પિયન્સ ટ્રોફી બાદ રવિ શાસ્ત્રી ટીમ ઇન્ડિયાના મુખ્ય કોચ બન્યા હતા.

રવિ શાસ્ત્રીની ફાઈલ તસવીર

યુએઈમાં યોજાનારા ટી 20 વર્લ્ડ કપ બાદ ટીમ ઈન્ડિયાને નવો કોચ મળવાનો છે. ટીમ ઈન્ડિયાના મુખ્ય કોચ રવિ શાસ્ત્રીએ પુષ્ટિ કરી છે કે હવે તેઓ ટી 20 વર્લ્ડ કપ બાદ ટીમ ઈન્ડિયાના કોચ રહેશે નહીં. રવિ શાસ્ત્રીએ આ અંગે ખુશી વ્યક્ત કરી છે, તેથી તેઓ કોચ તરીકે જે પ્રાપ્ત કરવા માંગતા હતા તે પ્રાપ્ત કરવામાં સફળ થયા છે.

ઈંગ્લેન્ડના ટેલિગ્રાફને આપેલા ઈન્ટરવ્યુમાં રવિ શાસ્ત્રીએ કોચ પદ પર ચાલુ ન રહેવાની વાત કરી હતી. રવિ શાસ્ત્રીએ કહ્યું કે, ટીમ ઈન્ડિયા માટે હું છેલ્લા પાંચ વર્ષમાં જે પણ હાંસલ કરવા માંગતો હતો તે હાંસલ કર્યું છે. અમે નંબર વન ટેસ્ટ ટીમ છીએ. એવો કોઈ દેશ નથી જ્યાં આપણે જીત્યા નથી.

જોકે રવિ શાસ્ત્રીએ ટીમ ઈન્ડિયાના કોચ પર દબાણ અંગે પણ વાત કરી હતી. તેમણે કહ્યું, "ભારતના કોચ બનવું એટલે કે જાણે એક ગોળીની સામે બેઠવા જેવું છે જે કોઈપણ સમયે તમારી ઉપર છૂટી શકે છે. તમે શ્રેણી જીતતા રહો. પછી એક દિવસ તમે 36 માં ઓલઆઉટ થઈ ગયા, પછી તમારી પાસે જીતવા સિવાય બીજો કોઈ વિકલ્પ નથી રહેતો.”

વર્લ્ડ કપ બાદ કરાર સમાપ્ત થશે

2017 માં ચેમ્પિયન્સ ટ્રોફી બાદ રવિ શાસ્ત્રી ટીમ ઇન્ડિયાના મુખ્ય કોચ બન્યા હતા. રવિ શાસ્ત્રીનો કાર્યકાળ યુએઈમાં યોજાનારા ટી20 વર્લ્ડકપ સુધીનો છે. એવા અહેવાલો છે કે BCCI એ રવિ શાસ્ત્રીને દક્ષિણ આફ્રિકા પ્રવાસ માટે કોચ તરીકે ચાલુ રાખવાની ઓફર કરી હતી પરંતુ તેમણે ના પાડી દીધી હતી.

ટીમ ઇન્ડિયાના કોચ બનવાની રેસમાં અનિલ કુંબલેનું નામ સામે આવી રહ્યું છે. આ સિવાય એવી ચર્ચા છે કે BCCI VVS લક્ષ્મણને કોચ પદ માટે અરજી કરવા માટે પણ કહી શકે છે.