આ સ્ટાર ખેલાડી થયો ઈજાગ્રસ્ત! લોર્ડ્સ ટેસ્ટમાં ભારતની ચિંતા વધી, શું ત્રીજી ટેસ્ટમાંથી બહાર થશે?
લોર્ડ્સમાં ભારત-ઇંગ્લેન્ડ ટેસ્ટ દરમિયાન પંતને આંગળીમાં ઇજા, જુરેલ બન્યો વિકેટકીપર, ટીમ ઇન્ડિયાને ટેન્શન!
Rishabh Pant injury update: ભારત ને ઇંગ્લેન્ડ વચ્ચે લોર્ડ્સ ગ્રાઉન્ડ પર રમાઈ રહેલી ત્રીજી ટેસ્ટ મેચમાં ટીમ ઇન્ડિયાની ચિંતા વધી ગઈ છે! મેચના પહેલા દિવસે, બીજા સત્રમાં એક એવો મોકો આવ્યો કે જ્યારે આપણા સ્ટાર વિકેટકીપર-બેટ્સમેન ઋષભ પંતને મેદાન છોડીને બહાર જવું પડ્યું. એની જગ્યાએ ધ્રુવ જુરેલ વિકેટકીપિંગ કરતો જોવા મળ્યો. આ જોઈને સોશિયલ મીડિયા પર સવાલોનો ઢગલો થઈ ગયો: શું પંત ઈજાગ્રસ્ત છે? શું એ પાછો ફરશે કે નહીં? તો ચાલો, જાણીએ પંત મેદાનની બહાર કેમ ગયો હતો.
પંતને કઈ રીતે ઈજા થઈ? આંગળીમાં વાગ્યું!
આ મામલો 34 મી ઓવરના પહેલા બોલ સાથે જોડાયેલો છે. સ્ટાર ફાસ્ટ બોલર જસપ્રીત બુમરાહે ફેંકેલા આ ઓવરના પહેલા બોલને પંત સાફ પકડી શક્યો નહોતો, ને એ પછી એ દર્દથી કણસતો જોવા મળ્યો. તરત જ મેડિકલ ટીમ મેદાનમાં આવી ને એમણે ધ્રુવ જુરેલને કંઈક ઈશારો કર્યો. પંત એ જ ઓવરમાં બહાર ગયો ને જુરેલ વિકેટકીપિંગ સંભાળવા માટે મેદાનમાં આવ્યો.
પંતને બોલ પકડતી વખતે ડાબા હાથની આંગળીમાં ઈજા થઈ હતી. જોકે, એ ક્યારે પાછો ફરી શકશે, એ હજુ સ્પષ્ટ નથી. ટીમ ઇન્ડિયા ઈચ્છે છે કે પંતની ઈજા ખુબ ગંભીર ના હોય, કેમ કે એણે આ સિરીઝની ચાર ઇનિંગ્સમાં અત્યાર સુધી 342 રન બનાવ્યા છે. એણે પહેલી ટેસ્ટ મેચની બંને ઇનિંગ્સમાં સદી ફટકારીને ઇતિહાસ રચ્યો હતો ને ટેસ્ટ મેચની બંને ઇનિંગ્સમાં સદી ફટકારનાર ભારતનો પહેલો વિકેટકીપર બેટ્સમેન બન્યો હતો. બીજી ટેસ્ટમાં પણ એણે 25 ને 65 રનની ઇનિંગ્સ રમી હતી. તમને જણાવી દઈએ કે ટેસ્ટ ટીમના ઉપ-કેપ્ટન બન્યા પછી, પંતની બેટિંગ એવરેજમાં મોટો ઉછાળો જોવા મળ્યો છે.
ગંભીર પણ ચિંતામાં, BCCI એ કોઈ માહિતી આપી નથી!
બોલ રોકવાનો પ્રયાસ કરતી વખતે જસપ્રીત બુમરાહની 34 મી ઓવરના પહેલા બોલ પર જ પંત ઈજાગ્રસ્ત થયો હતો. બોલ લેગ સ્ટમ્પની બહાર હતો, જેને પંતે ડાબી બાજુ ડાઈવ કરીને રોકવાનો પ્રયાસ કર્યો. પણ એનો પ્રયાસ નિષ્ફળ ગયો ને બોલ 4 રન માટે ગયો. બીજી જ ક્ષણે બધાનું ધ્યાન 4 રન પર નહીં, પણ પંત પર હતું, કેમ કે એ દર્દથી ચીસો પાડવા લાગ્યો. ડાઈવ કરવાના કારણે એના ડાબા હાથની આંગળી વળી ગઈ ને એ ખુબ જ પરેશાન થઈ ગયો.
ટીમ ઇન્ડિયાના ડોક્ટર તરત જ મેદાનમાં પહોંચ્યા ને 'મેજિક સ્પ્રે' લગાવીને દર્દ ઓછું કરવાનો પ્રયાસ કર્યો. આના કારણે પંતે ફરીથી વિકેટકીપિંગ શરૂ કર્યું, પણ એ ગ્લોવ્સ પહેરીને પણ દર્દમાં જોવા મળ્યો. પંતે એ ઓવરના બાકીના 5 બોલમાં પણ વિકેટકીપિંગ કર્યું, પણ ઓવર પૂરી થતા જ પેવેલિયન પાછો ફર્યો. એટલે ધ્રુવ જુરેલને એના સ્થાને વિકેટકીપિંગ માટે લાવવામાં આવ્યો.
બીજી તરફ, પંત ડ્રેસિંગ રૂમમાં પહોંચતાની સાથે જ લોર્ડ્સની બાલ્કનીમાંથી ટીમ ઇન્ડિયાના પ્રદર્શન પર નજર રાખી રહેલા મુખ્ય કોચ ગૌતમ ગંભીર પણ ઊભા થયા ને પંતની હાલત જાણવા ગયા. BCCI એ હજુ સુધી પંતની ઈજા કેટલી ગંભીર છે ને એને હોસ્પિટલમાં જવું પડશે કે કેમ, એ અંગે કોઈ માહિતી આપી નથી. હવે જોવાનું એ રહ્યું કે પંત ત્રીજી ટેસ્ટમાં પાછો ફરશે કે નહીં.
ટોપ સ્ટોરી
ટ્રેન્ડિંગ સમાચાર
