Rohit Sharma: 'રિટાયર આઉટ કે રિટાયર હર્ટ'? સુપર ઓવરમાં રોહિત શર્માના નિર્ણયથી ક્રિકેટ પંડિતો ચડ્યા ગોથે

Rohit Sharma Retired Hurt Of Retired Out Debate: ભારત અને અફઘાનિસ્તાન વચ્ચે રમાયેલી ત્રીજી T20 બે સુપર ઓવર બાદ પૂર્ણ થઈ હતી. બે સુપર ઓવર સહિત મેચમાં ઘણો ડ્રામા થયો હતો.

( Image Source : PTI )

Source : PTI

Rohit Sharma Retired Hurt Of Retired Out Debate: ભારત અને અફઘાનિસ્તાન વચ્ચે રમાયેલી ત્રીજી T20 બે સુપર ઓવર બાદ પૂર્ણ થઈ હતી. બે સુપર ઓવર સહિત મેચમાં ઘણો ડ્રામા થયો હતો. પરંતુ આ દરમિયાન એક સવાલ ઝડપથી ઉઠી રહ્યો છે કે પ્રથમ સુપર ઓવર દરમિયાન રોહિત શર્મા છેલ્લા બોલ પહેલા મેદાનની બહાર કેમ અને કેવી રીતે ગયો? શું રોહિત શર્મા રિટાયર આઉટ થયો હતો કે રિટાયર હર્ટ? છેલ્લા બોલે રોહિત શર્માની જગ્યાએ રિંકુ સિંહ મેદાન પર આવ્યો હતો.

જો કે, રોહિત શર્મા રિટાયર્ડ હર્ટ થયો હતો કે રિટાયર આઉટ થયો હતો તે સંપૂર્ણ રીતે સ્પષ્ટ થયું ન હતું, કારણ કે ભારતીય કેપ્ટન આગામી સુપર ઓવરમાં બેટિંગ કરવા મેદાનમાં આવ્યો હતો. મેન્સ ટી20 ઈન્ટરનેશનલમાં ICCની પ્લેઈંગ કન્ડીશન અનુસાર, જો કોઈ બેટ્સમેન પાછલી સુપર ઓવરમાં આઉટ થઈ જાય છે, તો તે આગામી સુપર ઓવરમાં બેટિંગ કરવા માટે લાયક રહેતો નથી. આવી સ્થિતિમાં, જો રોહિત શર્મા આઉટ થયો હોત, તો તે આગામી સુપર ઓવરમાં ફરીથી બેટિંગ કરવા આવ્યો ન હોત. જો કે, રોહિત શર્મા મેદાનની બહાર કેવી રીતે ગયો તે અંગે અમ્પાયરો દ્વારા હજુ સુધી સ્પષ્ટતા કરવામાં આવી નથી.

રોહિતના નિર્ણય અંગે હજુ સુધી કોઈ સત્તાવાર માહિતી જાહેર કરવામાં આવી નથી, પરંતુ 'ESPNcricinfo'એ રોહિત શર્માને 'રિટાયર આઉટ' ગણાવ્યો છે. એવું પણ શક્ય છે કે રોહિત શર્માએ છેલ્લા બોલે ઝડપી રન દોડવા માટે રિંકુ સિંહને મોકલ્યો હોય, પરંતુ આ માત્ર અનુમાન છે. તો બીજી તરફ રોહિત શર્માએ મેચ બાદ વાત કરતા કહ્યું, "મને યાદ નથી કે છેલ્લી વખત આવું ક્યારે બન્યું હતું. મને લાગે છે કે મેં IPL મેચમાં ત્રણ વખત બેટિંગ કરી હતી."

સુપર ઓવરના નિયમો

• સુપર ઓવરમાં ટીમમાંથી વધુમાં વધુ ત્રણ ખેલાડીઓ બેટિંગ કરી શકે છે.
• બંને ટીમોએ એક-એક ઓવર રમવાની હોય છે.
• મેચની બીજી ઇનિંગમાં બેટિંગ કરનારી ટીમ સુપર ઓવરમાં પ્રથમ બેટિંગ કરવા આવે છે.
• કોઈ એક ખેલાડી બેટિંગ અને બોલિંગ બંને કરી શકતો નથી.
• સુપર ઓવરમાં, કોઈપણ ટીમ 2 વિકેટ ગુમાવતાની સાથે જ દાવ સમાપ્ત થાય છે.
• બોલિંગ ટીમ પસંદ કરે છે કે તે કયા છેડેથી બોલિંગ કરશે.
• જો સુપર ઓવર પણ ટાઈ થાય તો ફરી એકવાર સુપર ઓવર રમાય છે. આ સુપર ઓવરમાં, ટીમ પ્રથમ બેટિંગ કરે છે જે પ્રથમ સુપર ઓવરમાં પાછળથી બેટિંગ કરે છે.
• સુપર ઓવરમાં બનાવેલા રન અને વિકેટ રેકોર્ડમાં સામેલ નથી.