![ABP Premium](https://cdn.abplive.com/imagebank/Premium-ad-Icon.png)
IPL: હવે વિશ્વની સૌથી ધનાઢ્ય લીગ IPL પર છે ક્રાઉન પ્રિન્સની નજર, સાઉદી અરેબિયાએ આપી અબજોની ઓફર
Indian Premier League: સાઉદી અરેબિયા હવે આંતરરાષ્ટ્રીય રમતોમાં પોતાને સ્થાપિત કરવાનો પ્રયાસ કરી રહ્યું છે. આ દિશામાં સાઉદી અરેબિયાના પ્રિન્સે ઈન્ડિયન પ્રીમિયર લીગમાં અબજોનું રોકાણ કરવાની ઈચ્છા વ્યક્ત કરી છે.
![IPL: હવે વિશ્વની સૌથી ધનાઢ્ય લીગ IPL પર છે ક્રાઉન પ્રિન્સની નજર, સાઉદી અરેબિયાએ આપી અબજોની ઓફર Saudi Arabia can buy stake worth 30 billion dollar in Indian Premier League IPL: હવે વિશ્વની સૌથી ધનાઢ્ય લીગ IPL પર છે ક્રાઉન પ્રિન્સની નજર, સાઉદી અરેબિયાએ આપી અબજોની ઓફર](https://feeds.abplive.com/onecms/images/uploaded-images/2023/11/03/34de1f0f6e2c77dc8d5def3e4e62a80d1699010298631397_original.jpg?impolicy=abp_cdn&imwidth=1200&height=675)
Indian Premier League: સાઉદી અરેબિયા હવે આંતરરાષ્ટ્રીય રમતોમાં પોતાને સ્થાપિત કરવાનો પ્રયાસ કરી રહ્યું છે. આ દિશામાં સાઉદી અરેબિયાના પ્રિન્સે ઈન્ડિયન પ્રીમિયર લીગમાં અબજોનું રોકાણ કરવાની ઈચ્છા વ્યક્ત કરી છે. ન્યૂઝ એજન્સી રોયટર્સે બ્લૂમબર્ગ ન્યૂઝને ટાંકીને કહ્યું કે સાઉદી અરેબિયાએ વિશ્વની સૌથી ધનિક ક્રિકેટ લીગ ઈન્ડિયન પ્રીમિયર લીગ (આઈપીએલ)માં અબજો ડોલરનો હિસ્સો ખરીદવામાં રસ દાખવ્યો છે.
ક્રાઉન પ્રિન્સે સપ્ટેમ્બરમાં પ્રસ્તાવ મૂક્યો હતો
રિપોર્ટ અનુસાર, સાઉદી અરેબિયાના ક્રાઉન પ્રિન્સ મોહમ્મદ બિન સલમાનના સલાહકારોએ આ અંગે ભારત સરકારના અધિકારીઓ સાથે વાત કરી છે. પ્લાનિંગ મુજબ ઈન્ડિયન પ્રીમિયર લીગને કોઈ કંપનીમાં ટ્રાન્સફર કરી શકાય છે. જેની કિંમત 30 અબજ ડોલર હશે. ક્રાઉન પ્રિન્સ સપ્ટેમ્બરમાં ભારતની મુલાકાતે આવ્યા ત્યારે આ વાતચીત થઈ હતી. જેમાં એવું કહેવામાં આવ્યું હતું કે રાજ્યએ લીગમાં $5 બિલિયનનું રોકાણ કરવાની અને તેને અન્ય દેશોમાં વિસ્તરણ કરવામાં મદદ કરવાનો પ્રસ્તાવ મૂક્યો છે.
Saudi Arabia eyes stake in $30 bln Indian Premier League - Bloomberg News https://t.co/4DoFHZ59ES pic.twitter.com/jqnsS9bxqs
— Reuters (@Reuters) November 3, 2023
ફૂટબોલ લીગની તર્જ પર વિસ્તરણ કરવાની દરખાસ્ત
સાઉદી અરેબિયાએ ફૂટબોલ અને ગોલ્ફમાં મોટું રોકાણ કર્યું છે. રોનાલ્ડો અને નેમાર જેવા દિગ્ગજ ખેલાડીઓ કરોડોની ફી લઈને સ્થાનિક ક્લબ માટે રમે છે. રિપોર્ટ અનુસાર, ક્રાઉન પ્રિન્સ ઈન્ડિયન પ્રીમિયર લીગને ફૂટબોલ લીગની જેમ અન્ય દેશોમાં વિસ્તારવા માંગે છે. જોકે, ભારત સરકાર અને BCCIએ આ અંગે કોઈ નિર્ણય લીધો નથી. સૂત્રએ જણાવ્યું હતું કે, મોટા રોકાણ કરવાની દરખાસ્ત કરી છે અને ફૂટબોલ લીગની તર્જ પર તેને અન્ય દેશોમાં વિસ્તરણ કરવાની પણ યોજના છે. સાઉદી અરેબિયા આ સમજૂતીને ટૂંક સમયમાં પૂર્ણ કરવાનો પ્રયાસ કરી રહ્યું છે પરંતુ આશા છે કે ભારત સરકાર અને બીસીસીઆઈ સંપૂર્ણ ચર્ચા કર્યા પછી જ આ અંગે કોઈ નિર્ણય લેશે. સૂત્રોના જણાવ્યા અનુસાર, રમતગમતમાં અન્ય રોકાણોની જેમ આઈપીએલમાં પણ સાઉદી અરેબિયાના સોવરિન વેલ્થ ફંડ દ્વારા રોકાણ કરવામાં આવશે. જોકે, સૂત્રોએ સ્પષ્ટતા કરી હતી કે હાલમાં આ મામલે કોઈ અંતિમ નિર્ણય લેવામાં આવ્યો નથી. આ સમાચાર અંગે હજુ સુધી કોઈ પુષ્ટિ થઈ નથી અને ન તો કોઈ પક્ષે પ્રતિક્રિયા આપી છે.
IPL વિશ્વની સૌથી ધનાઢ્ય લીગમાની એક છે
IPL વિશ્વની સૌથી ધનાઢ્ય લીગમાંની એક છે અને તેનું ઉદ્ઘાટન 2008માં થયું હતું. IPLએ તેના ઉદઘાટનથી જ વિશ્વના ખેલાડીઓ અને કોચને ભારત તરફ આકર્ષિત કર્યા છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)