IND VS ENG: અમદાવાદમાં શુભમન ગિલે અંગ્રેજ બોલર્સની કરી ધોલાઈ, સદી ફટકારી અમલાનો રેકોર્ડ પણ તોડ્યો

Shubman Gill:  શુભમન ગિલે અમદાવાદના નરેન્દ્ર મોદી સ્ટેડિયમમાં ઇંગ્લેન્ડ સામે સદી ફટકારી છે. શુભમન ગિલની વનડે કારકિર્દીની આ 7મી સદી છે. ભારતીય ઓપનરે 95 બોલમાં પોતાની સદી પૂર્ણ કરી.

શુભમન ગિલ

Source : https://www.bcci.tv/events/165/england-tour-of-india-odi-series-2025/match/1580/3rd-odi#images-3

Shubman Gill:  શુભમન ગિલે અમદાવાદના નરેન્દ્ર મોદી સ્ટેડિયમમાં ઇંગ્લેન્ડ સામે સદી ફટકારી છે. શુભમન ગિલની વનડે કારકિર્દીની આ 7મી સદી છે. ભારતીય ઓપનરે 95 બોલમાં પોતાની સદી પૂર્ણ કરી. ઉપરાંત, અત્યાર સુધીમાં તેણે પોતાની ઇનિંગમાં 14 ચોગ્ગા અને 2 છગ્ગા ફટકાર્યા છે.

પહેલી ODI મેચ નાગપુરમાં રમાઈ હતી, જેમાં ગિલે 87 રન બનાવ્યા હતા. અહીં તે સદી ફટકારવાની નજીક પહોંચ્યો પણ તે ચૂકી ગયો. આ પછી, બીજી વનડે કટકમાં રમાઈ, જ્યાં ગિલનું બેટ ફરીથી બોલ્યુ. આ મેચમાં તેણે 60 રનની મેચ વિનિંગ ઇનિંગ રમી. ભારતીય ટીમે આ બંને મેચ જીતી હતી.

ગિલે 95 બોલમાં પોતાની સદી પૂર્ણ કરી

હવે ઇંગ્લેન્ડ સામેની ત્રીજી અને શ્રેણીની છેલ્લી વનડે અમદાવાદના નરેન્દ્ર મોદી સ્ટેડિયમ ખાતે યોજાઈ હતી, જ્યાં ગિલે ફરી એકવાર જબરદસ્ત ફોર્મ બતાવ્યું હતું. ગિલ શ્રેણીની પહેલી બે મેચમાં સદી ફટકારી શક્યો ન હતો, પરંતુ તેણે ત્રીજી વનડેમાં સદી ફટકારી હતી.

અમદાવાદ વનડેમાં ટોસ હાર્યા બાદ ભારતીય ટીમ પહેલા બેટિંગ કરવા આવી હતી. આવી સ્થિતિમાં ગિલ પર સારી શરૂઆત આપવાનું દબાણ હતું. તેણે તે કરી બતાવ્યું અને 95 બોલમાં પોતાની સદી પૂરી કરી. આ દરમિયાન ગિલે 2 છગ્ગા અને 14 ચોગ્ગા ફટકાર્યા. ગિલની વનડેમાં આ 7મી સદી છે. આ ઉપરાંત, તેણે ટેસ્ટ ક્રિકેટમાં 5 સદી ફટકારી છે. જ્યારે ગિલે ટી20 આંતરરાષ્ટ્રીયમાં પણ સદી ફટકારી છે. આ રીતે, આ સ્ટાર ઓપનરે ત્રણેય ફોર્મેટમાં સદી ફટકારી છે.

ગિલે ઐતિહાસિક રેકોર્ડ બનાવ્યો

ભારત માટે પોતાની ૫૦મી ODI મેચ (૫૦મી ઇનિંગ) રમી રહી હતી, ત્યારે શુભમન ગિલે વધુ એક ઐતિહાસિક રેકોર્ડ બનાવ્યો છે. ગિલે દક્ષિણ આફ્રિકાના દિગ્ગજ ખેલાડી હાશિમ અમલાનો રેકોર્ડ તોડ્યો, જેમણે તેની 51મી ODI ઇનિંગ્સમાં 2500 રનનો આંકડો પાર કર્યો હતો. ઓપનર ગિલને વનડેમાં 2500 રન પૂરા કરવા માટે 25 રનની જરૂર હતી અને તેણે ગુસ એટકિન્સન દ્વારા ફેંકાયેલી ભારતીય ઇનિંગ્સની 10મી ઓવરના પાંચમા બોલ પર ચોગ્ગો ફટકારીને આ લક્ષ્ય પ્રાપ્ત કર્યું.

એક જ મેદાનમાં ત્રણેય ફોર્મેટમાં સદી ફટકારનાક ખેલાડી

• ફાફ ડુ પ્લેસિસ - વાન્ડરર્સ, જોહાનિસબર્ગ
• ડેવિડ વોર્નર - એડિલેડ ઓવલ
• બાબર આઝમ - નેશનલ સ્ટેડિયમ, કરાચી
• ક્વિન્ટન ડી કોક - સુપરસ્પોર્ટ પાર્ક, સેન્ચુરિયન
• શુભમન ગિલ - અમદાવાદ

આ પણ વાંચો...