VIDEO: સૂર્યકુમાર યાદવે કર્યો શાનદાર કેચ, વીડિયોમાં જુઓ કઈ રીતે વિકેટ ગુમાવી બેઠો Finn Allen
અમદાવાદના નરેન્દ્ર મોદી સ્ટેડિયમમાં ભારત અને ન્યુઝીલેન્ડ વચ્ચે T20 શ્રેણીની ત્રીજી અને નિર્ણાયક મેચ રમાઈ હતી. આ મેચમાં ભારતીય ટીમે ટોસ જીતીને પ્રથમ બેટિંગ કરવાનો નિર્ણય લીધો હતો.
Suryakumar Yadav's Catch: અમદાવાદના નરેન્દ્ર મોદી સ્ટેડિયમમાં ભારત અને ન્યુઝીલેન્ડ વચ્ચે T20 શ્રેણીની ત્રીજી અને નિર્ણાયક મેચ રમાઈ હતી. આ મેચમાં ભારતીય ટીમે ટોસ જીતીને પ્રથમ બેટિંગ કરવાનો નિર્ણય લીધો હતો અને 20 ઓવરમાં 4 વિકેટ ગુમાવીને 234 રન બનાવ્યા હતા. જવાબમાં રનનો પીછો કરવા ઉતરેલી કીવી ટીમ શરૂઆતથી ખરાબ રહી હતી અને મહેમાન ટીમે પહેલી જ ઓવરમાં પોતાની પ્રથમ વિકેટ ગુમાવી દીધી હતી. ફિન એલનના રૂપમાં ન્યૂઝીલેન્ડે આ વિકેટ ગુમાવી હતી.
સૂર્યાએ કર્યો જોરદાર કેચ, VIDEO
ન્યુઝીલેન્ડની પ્રથમ વિકેટ બીજી ઇનિંગની પ્રથમ ઓવરના ચોથા બોલ પર પડી હતી. હાર્દિક પંડ્યાએ આ વિકેટ લીધી હતી. આ વિકેટમાં કેપ્ટન હાર્દિક પંડ્યા અને સૂર્યકુમાર યાદવે પણ યોગદાન આપ્યું હતું. સૂર્યાએ સ્લિપમાં ફિન એલનનો કેચ લીધો અને તેને પેવેલિયન પરત મોકલ્યો હતો. સૂર્યાએ આ કેચ શાનદાર રીતે પકડ્યો હતો.
તેનો વીડિયો BCCIએ સોશિયલ મીડિયા પર શેર કર્યો છે. આ વીડિયોમાં તમે જોઈ શકો છો કે આ કેચ લેવા માટે સૂર્યા હવામાં ખૂબ જ ઊંચે કૂદ્યો હતો. કેચ લીધા બાદ તે જમીન પર પડી ગયો હતો. ફિન એલનની ઇનિંગ્સનો આ શાનદાર અંત આવ્યો. તેણે 4 બોલમાં 3 રન બનાવ્યા હતા.
ICYMI - WHAT. A. CATCH 🔥🔥#TeamIndia vice-captain @surya_14kumar takes a stunner to get Finn Allen 👏#INDvNZ | @mastercardindia pic.twitter.com/WvKQK8V67b
— BCCI (@BCCI) February 1, 2023
ભારત માટે ત્રણેય ફોર્મેટમાં સદી ફટકારનાર પાંચમો બેટ્સમેન બન્યો
ટી20 ઈન્ટરનેશનલમાં સદી ફટકારીને ગિલ ખાસ ક્લબમાં પ્રવેશી ગયો છે. ત્રણેય ફોર્મેટમાં સદી ફટકારનાર ગિલ ભારતમાંથી પાંચમો બેટ્સમેન બની ગયો છે. સુરેશ રૈનાએ ભારત માટે આ કારનામું પ્રથમ કર્યું હતું. આ પછી રોહિત શર્મા, કેએલ રાહુલ અને વિરાટ કોહલીએ ભારત માટે ત્રણેય ફોર્મેટમાં સદી ફટકારી હતી. હવે આ લિસ્ટમાં ગિલ પણ જોડાઈ ગયો છે.
ગિલની અત્યાર સુધીની આંતરરાષ્ટ્રીય કારકિર્દી આવી રહી છેશુભમન ગિલે ભારતીય ટીમ માટે અત્યાર સુધીમાં કુલ 13 ટેસ્ટ, 21 વનડે અને 6 ટી20 આંતરરાષ્ટ્રીય મેચ રમી છે. ટેસ્ટ મેચોની કુલ 25 ઇનિંગ્સમાં તેણે 32ની એવરેજથી 736 રન બનાવ્યા છે. જેમાં તેણે એક સદી અને 4 અડધી સદી ફટકારી છે. આ સિવાય ગિલે 21 ODI ઇનિંગ્સમાં 73.76ની એવરેજથી 1254 રન બનાવ્યા છે. જેમાં તેણે 4 સદી અને 5 અડધી સદી ફટકારી છે. તે જ સમયે, તેણે 6 T20 આંતરરાષ્ટ્રીય ઇનિંગ્સમાં 40.40ની સરેરાશ અને 165.57ની સ્ટ્રાઇક રેટથી કુલ 202 રન બનાવ્યા છે. આમાં તેણે સદી ફટકારી છે.
ટ્રેન્ડિંગ સમાચાર
ટોપ સ્ટોરી
