IND vs NZ T20: કડવર્થ લૂઇસના હિસાબથી મેચ ટાઇ, હાર્દિકે સીલ કરી 1-0થી સીરીઝ
IND vs NZ 3rd T20: ભારત અને ન્યૂઝીલેન્ડ વચ્ચે આજે ત્રીજી અને અંતિમ ટી20 મેચ નેપિયર ગ્રાઉન્ડ પર રમાશે, ભારત સીરીઝમાં પહેલાથી 1-0ની લીડ બનાવી ચૂક્યુ છે.
LIVE
Background
IND vs NZ 3rd T20: ભારત અને ન્યૂઝીલેન્ડ વચ્ચે આજે ત્રીજી અને અંતિમ ટી20 મેચ નેપિયર ગ્રાઉન્ડ પર રમાશે, ભારત સીરીઝમાં પહેલાથી 1-0ની લીડ બનાવી ચૂક્યુ છે. આજે બન્ને માટે મેચ જીતવી જરૂરી છે.
ટાઇ થઇ મેચ, ભારતે જીતી 1-0થી સીરીઝ
IND vs NZ T20 Series: ભારત અને ન્યૂઝીલેન્ડ વચ્ચે રમાયેલી ત્રીજી ટી20 મેચમાં વરસાદી વિઘ્ન નડ્યુ હતુ, બીજી ઇનિંગમાં ભારતીય ટીમ મેદાન બેટિંગ માટે ઉતરી અને 9 ઓવરની રમત પુરી થઇ હતી ત્યારે મેદાન પર ધોધમાર વરસાદ તુટી પડ્યો હતો, આ પછી આઉટફિલ્ડ અને ગ્રાઉન્ડ રિપોર્ટ ખરાબ રહ્યો હતો, એમ્પાયરે આનુ ધ્યાન રાખતા ત્રીજી અને અંતિમ ટી20ને ટાઇ જાહેર કરી હતી. વરસાદના કારણે મેચ ફરીથી શરૂ ન હતી થઇ શકી. આ કારણે એમ્પાયરે ડકવર્થ લૂઇસના નિયમો પ્રમાણે આ મેચને ટાઇ જાહેર કરી હતી. આમ પણ સીરીઝની પહેલી મેચ વરસાદને ભેટ ચઢી ચૂકી હતી, અને આ બીજી મેચ પણ વરસાદના કારણે અડધેથી ધોવાઇ ગઇ હતી.
શું હતી મેચની સ્થિતિ
જ્યારે બીજી ઇનિંગમાં કીવી ટીમ તરફથી આપવામાં આવેલા 161 રનોના ટાર્ગેટનો પીછો કરવા ભારતીય ટીમ ઉતરી, તે સમયે વરસાદ નહતો, આ મેચમાં ભારતની શરૂઆત એકદમ ખરાબ રહી, અને 9 ઓવરની રમત બાદ વરસાદ તુટી પડ્યો હતો. ભારે વરસાદના કારણે મેચ 9 ઓવર બાદ 4 વિકેટના નુકશાને 75 રન પર પહોચી હતી, અને બાદમાં મેચ ફરી શરૂ થઇ શકી ન હતી, આ દરમિયાન ક્રિઝ પર કેપ્ટન હાર્દિક પંડ્યા 18 બૉલમાં 30 રન અને દીપક હુડ્ડા 9 બૉલમાં 9 રન બનાવીને રમી રહ્યાં હતા.
મેચમાં વરસાદી વિઘ્ન
ટાર્ગેટનો પીછો કરવા ઉતરેલી ભારતીય ટીમની હાલત વધુ ખરાબ થઇ ગઇ છે, એક પછી એક વિકેટો ગુમાવ્યા બાદ હવે વરસાદી વિઘ્ન નડ્યુ છે. 9 ઓવર બાદ ટીમ ઇન્ડિયાનો સ્કૉર 4 વિકેટના નુકશાને 75 રન પર પહોંચ્યો છે. અત્યારે ક્રિઝ પર કેપ્ટન હાર્દિક પંડ્યા 30 રન અને દીપક હુડ્ડા 9 રન બનાવીને છે.
ભારતની ત્રણ ઓવરમાં ત્રણ વિકેટો પડી
161 રનોના ટાર્ગેટનો પીછો કરતાં ભારતીય ટીમે નબળી શરૂઆત કરી છે, ટીમે પહેલી જ ત્રણ ઓવરમાં ત્રણ વિકેટો ગુમાવી દીધી છે. ભારતીય ટીમે ઇશાન કિશન 10 રન, ઋષભ પંત 11 રન અને શ્રેયસ અય્યરની વિકેટો ગુમાવી દીધી છે. કીવી ટીમ તરફથી કેપ્ટન ટિમ સાઉથીએ પંત અને અય્યરને આઉટ કર્યા છે, તો એડમ મિલ્નેએ ઇશાન કિશનને પેવેલિયન મોકલ્યો છે, અત્યારે 3 ઓવર બાદ ટીમનો સ્કૉર 3 વિકેટના નુકશાને 23 રન પર પહોંચ્યો છે, હાર્દિક પંડ્યા અને સૂર્યકુમાર યાદવ બન્ને શૂન્ય રન બનાવીને ક્રિઝ પર છે.
અર્શદીપ અને સિરાજનો કેર
ભારતીય ફાસ્ટ બૉલરોએ નેપિયરની પીચ કેર વર્તાવ્યો છે, અર્શદીપ સિંહ અને મોહમ્મદ સિરાજે તાબડતોડ બૉલિંગ કરતા 4-4 વિકેટો ઝડપીને કિવી ટીમને માત્ર 160 રન પર રોકી લીધી હતી. અર્શદીપ સિંહે 4 ઓવરમાં 37 રન આપીને 4 વિકેટો ઝડપી હતી, જ્યારે મોહમ્મદ સિરાજે 4 ઓવરમાં માત્ર 17 રન આપીને 4 વિકેટો પોતાના નામે કરી હતી. આ બન્ને બૉલરો સામનો કરવામાં કિવી બેટ્સમેનો નિષ્ફળ રહ્યાં હતા.
ટ્રેન્ડિંગ સમાચાર
ટોપ સ્ટોરી
