T20 World Cup: ‘5 મિનિટમાં તો મારી અંગ્રેજી પૂરી થઈ જશે ભાઈ’, જાણો ક્યા ક્રિકેટરે આવું કહેતા જ બધા હસવા લાગ્યા....
વીડિયોમાં નબી એમ કહેતા જોવા મળે છે કે આ તેના માટે સૌથી મુશ્કેલ કામ છે.
T20 World Cup: અફઘાનિસ્તાન ક્રિકેટ ટીમના કેપ્ટન મોહમ્મદ નબીનો એક વીડિયો છેલ્લા 2 દિવસથી ખૂબ વાયરલ થઈ રહ્યો છે. હવે આ વીડિયો પર ઘણા બધા મીમ્સ પણ બનાવવામાં આવી રહ્યા છે. આ વીડિયો એક પ્રેસ કોન્ફરન્સનો છે, જેમાં નબીને અંગ્રેજી બોલવાનું સૌથી મુશ્કેલ કામ કહેતા જોવા મળે છે. પ્રેસ કોન્ફરન્સની શરૂઆત જ કંઈક રમુજી રીતે થાય છે. અહીં મોહમ્મદે પોતાની સામે બેઠેલા અંગ્રેજ પત્રકારોને જોયાની સાથે જ સૌથી પહેલા પૂછ્યું કે ભાઈ, અંગ્રેજીના અંતમાં કેટલા પ્રશ્નો હશે? તેમનો આ સવાલ સાંભળીને પત્રકારો હસવા લાગે છે.
વીડિયોમાં નબી એમ કહેતા જોવા મળે છે કે આ તેના માટે સૌથી મુશ્કેલ કામ છે. તે વધુમાં કહે છે કે માત્ર 5 મિનિટમાં તેની તમામ અંગ્રેજી પૂરી થઈ જશે. આ વીડિયો સોમવારે અફઘાનિસ્તાન-સ્કોટલેન્ડ મેચ પહેલા યોજાયેલી પ્રેસ કોન્ફરન્સનો છે. હવે તે સોશિયલ મીડિયા પ્લેટફોર્મ પર જોરદાર વાયરલ થઈ રહ્યો છે. અંગ્રેજીને પોતાના માથાનો દુખાવો ગણાવનાર નબીને સોશિયલ મીડિયા યુઝર્સ તરફથી પણ પ્રશંસા મળી રહી છે.
વર્લ્ડ કપમાં અફઘાનિસ્તાનની મજબૂત શરૂઆત
અફઘાનિસ્તાને આ વર્લ્ડ કપની ધમાકેદાર શરૂઆત કરી છે. પોતાની પ્રથમ મેચમાં અફઘાનિસ્તાને સ્કોટલેન્ડને 130 રનના વિશાળ અંતરથી હરાવ્યું હતું. પ્રથમ બેટિંગ કરતા અફઘાનિસ્તાને સ્કોટલેન્ડ સામે 191 રનનો ટાર્ગેટ આપ્યો હતો. જવાબમાં સ્કોટલેન્ડની ટીમ માત્ર 60 રનના સ્કોર પર સમેટાઈ ગઈ હતી. હવે અફઘાનિસ્તાનની આગામી મેચ 29 ઓક્ટોબરે પાકિસ્તાન સાથે થવાની છે.
"5 mint main meri English Khatam hojye gi"😂#T20WorldCup2021 pic.twitter.com/ugbmHFLeL4
— Abdul Wahab (@abdulwahabdr02) October 26, 2021
રાષ્ટ્રગીત વાગતાની સાથે જ અફઘાનિસ્તાનના ખેલાડીઓ ભાવુક થઈ ગયા હતા
અફઘાન ટીમનો વધુ એક વીડિયો સોશિયલ મીડિયા પર વાયરલ થઈ રહ્યો છે. પણ તે થોડો લાગણીશીલ છે. વાસ્તવમાં જ્યારે મેચ પહેલા અફઘાનિસ્તાનનું રાષ્ટ્રગીત વગાડવામાં આવ્યું હતું, તે દરમિયાન કેટલાક ખેલાડીઓ અને પ્રશંસકો રડતા જોવા મળ્યા હતા. દેશના રાષ્ટ્રગીતએ તેમને ભાવુક બનાવી દીધા હતા. વીડિયોમાં કેપ્ટન નબી પોતાના આંસુ લૂછતો જોવા મળ્યો હતો.