'ઇરાને મોટી ભૂલ કરી દીધી, તેની કિંમત ચૂકવવી પડશે', મિસાઇલ હુમલા બાદ ઇઝરાયલના PMનું નિવેદન

Iran Missile Attack: ઇઝરાયલની એર ડિફેન્સ સિસ્ટમ દુનિયાની સૌથી આધુનિક છે જેણે ઇરાનના હુમલાને નિષ્ફળ બનાવ્યો છે.

ઇઝરાયલના વડાપ્રધાન

Iran Missile Attack: ઈરાનના મિસાઈલ હુમલા બાદ ઈઝરાયલના વડાપ્રધાન બેન્જામિન નેતન્યાહુએ કહ્યું કે ઈરાને મિસાઈલ છોડીને મોટી ભૂલ કરી છે. જેરુસલેમમાં સુરક્ષા કેબિનેટની બેઠક દરમિયાન તેમણે કહ્યું કે ઈરાને તેની કિંમત ચૂકવવી પડશે. નેતન્યાહુએ કહ્યું કે સાંજે ઇઝરાયલ પરનો હુમલો "નિષ્ફળ" રહ્યો હતો. તેના સમર્થન માટે અમેરિકાનો આભાર માનતા તેમણે કહ્યું કે ઇઝરાયલની એર ડિફેન્સ સિસ્ટમ દુનિયાની સૌથી આધુનિક છે જેણે ઇરાનના હુમલાને નિષ્ફળ બનાવ્યો છે.

"Iran made a big mistake tonight and it will pay for it." Israel PM on Iran's attack on Israel

Read @ANI Story | https://t.co/dTHgeKTrs6#Iran #Israel #BenjaminNetanyahu pic.twitter.com/Qet9ZfRSlY

— ANI Digital (@ani_digital) October 2, 2024

ઈઝરાયલના અધિકારીઓના જણાવ્યા અનુસાર આ હુમલામાં લગભગ 181 મિસાઈલો છોડવામાં આવી હતી. ઇઝરાયલી સંરક્ષણ દળોએ જણાવ્યું હતું કે તેઓએ તેમાંથી "મોટા ભાગની" મિસાઇલોને અટકાવી દીધી હતી. જો કે, પશ્ચિમ કાંઠે એક પેલેસ્ટિનિયનનું મૃત્યુ થયું હતું અને બે ઇઝરાયલીઓ ઘાયલ થયા હતા.

વિસ્ફોટોનો અવાજ સમગ્ર ઈઝરાયલમાં સંભળાયો હતો. જેરુસલેમ અને જોર્ડન ખીણમાંથી લાઇવ રિપોર્ટિંગ દરમિયાન રાજ્ય ટેલિવિઝનના પત્રકારો જમીન પર પડી ગયા હતા. મધ્ય ઇઝરાયલના ગેડેરામાં એક શાળામાં રોકેટ પડ્યું હતું. જોકે આમાં કોઈને ઈજા થઈ નથી. હોમ ફ્રન્ટ કમાન્ડના વડા મેજર જનરલ રાફી મિલોએ અસરગ્રસ્ત સ્થળની મુલાકાત લીધી હતી.

ધ ટાઈમ્સ ઓફ ઈઝરાયલ અનુસાર, IDF એ કહ્યું કે ઈઝરાયલની ડિફેન્સ સિસ્ટમ અત્યંત અસરકારક છે. સૈન્યના જણાવ્યા અનુસાર, અમેરિકાએ સમય પહેલા ઈરાન તરફથી ખતરો હોવાની જાણ કરી કેટલીક મિસાઈલોને અટકાવીને ઈઝરાયલને સુરક્ષિત કરવામાં મદદ કરી હતી. IDFએ જણાવ્યું હતું કે મધ્ય ઇઝરાયલમાં અલગ-અલગ અસરો છે. દક્ષિણ ઇઝરાયલ વધુ અસરગ્રસ્ત છે. આ હુમલામાં ઈઝરાયલની એરફોર્સની ક્ષમતાને કોઈ નુકસાન થયું નથી. IAF એરક્રાફ્ટ, એર ડિફેન્સ અને એર ટ્રાફિક કંટ્રોલ સામાન્ય રીતે કામ કરી રહ્યા છે.

ઈરાને ઈઝરાયલને મદદ કરનારા દેશોને આપી ધમકી

આ દરમિયાન ઈરાનના વિદેશ મંત્રી અબ્બાસ અરાકચીએ સોશિયલ મીડિયા પ્લેટફોર્મ એક્સ પર એક પોસ્ટમાં કહ્યું કે ઇરાને ઇઝરાયલ સામે આત્મરક્ષા કરી છે. જ્યાં સુધી ઇઝરાયલની સરકાર જવાબી કાર્યવાહી કરવાનો નિર્ણય નથી લેતી ત્યાં સુધી અમે હુમલો કરીશું નહીં. આ સાથે ઈરાની સશસ્ત્ર દળોએ મિસાઈલ હુમલાના જવાબમાં ઈઝરાયલના સમર્થનમાં કોઈપણ પ્રત્યક્ષ સૈન્ય હસ્તક્ષેપ સામે ચેતવણી આપી હતી. સશસ્ત્ર દળોએ કહ્યું હતું કે ઇઝરાલના સમર્થન કરનારા દેશો દ્ધારા સીધા હસ્તક્ષેપની સ્થિતિમાં તેને ઈરાનના સશસ્ત્ર દળો દ્વારા એક શક્તિશાળી હુમલાનો સામનો કરવો પડશે.