IND vs AUS: પર્થ ટેસ્ટમાં બીજા દિવસે ટીમ ઈન્ડિયાનો દબદબો, યશસ્વી-રાહુલના દમ પર 218 રનની લીડ

India vs Australia 1st Test Day 2: ભારતે ઓસ્ટ્રેલિયા સામે બીજા દિવસની રમતના અંત સુધીમાં 218 રનની લીડ મેળવી હતી. રાહુલ અને યશસ્વીએ આ ઇનિંગમાં જોરદાર પ્રદર્શન કર્યું હતું.

યશસ્વી જયસ્વાલ અને કેએલ રાહુલ

Source : BCCI

India vs Australia 1st Test Day 2: ઓસ્ટ્રેલિયા સામે પર્થ ટેસ્ટના બીજા દિવસના અંતે ભારતે 218 રનની લીડ મેળવી લીધી છે. આ દરમિયાન યશસ્વી જયસ્વાલ અને કેએલ રાહુલે શાનદાર પ્રદર્શન કર્યું હતું. યશસ્વી 90 રન બનાવીને અણનમ છે. રાહુલ 62 રન બનાવીને અણનમ છે. આ બંનેએ ઓસ્ટ્રેલિયન બોલરોની હાલત ખરાબ કરી દીધી છે. ઓસ્ટ્રેલિયાએ પ્રથમ દાવમાં 104 રન બનાવ્યા હતા.

ટીમ ઈન્ડિયાએ બીજી ઈનિંગમાં કોઈપણ નુકશાન વિના 172 રન બનાવ્યા હતા. ભારતે પ્રથમ દાવમાં 150 રન બનાવ્યા હતા. આ દરમિયાન રાહુલ અને યશસ્વી ઓપનિંગ કરવા આવ્યા હતા. રાહુલે 153 બોલનો સામનો કર્યો અને અણનમ 62 રન બનાવ્યા. તેણે 4 ચોગ્ગા ફટકાર્યા હતા. યશસ્વીએ 193 બોલનો સામનો કર્યો અને અણનમ 90 રન બનાવ્યા. તે સદીની નજીક છે. યશસ્વીએ આ ઇનિંગમાં 7 ફોર અને 2 સિક્સર ફટકારી હતી.

ઓસ્ટ્રેલિયન ઇનિંગ્સ પત્તાના પોટલાની જેમ વેરવિખેર -

ઓસ્ટ્રેલિયા તરફથી મિચેલ સ્ટાર્કે સૌથી વધુ 26 રન બનાવ્યા હતા. આખી ટીમ 104 રનના સ્કોર પર સમેટાઈ ગઈ હતી. ઓપનર ઉસ્માન ખ્વાજા 8 રન બનાવીને પેવેલિયન પરત ફર્યો હતો. મેકસ્વીન 10 રન બનાવીને આઉટ થયો હતો. લાબુશેન 2 રન બનાવીને પેવેલિયન પરત ફર્યો હતો. સ્ટીવ સ્મિથ ખાતું પણ ખોલાવી શક્યો નહોતો. ટ્રેવિસ હેડ 11 રન બનાવીને આઉટ થયો હતો. મિચેલ માર્શ 6 રન બનાવીને પેવેલિયન પરત ફર્યો હતો.       

ભારતીય બોલરોએ તબાહી મચાવી દીધી -

બુમરાહે ભારત માટે ઘાતક બોલિંગ કરી. તેણે 5 વિકેટ લીધી હતી. બુમરાહે 18 ઓવરમાં 30 રન આપ્યા અને 6 મેડન ઓવર લીધી. હર્ષિત રાણાએ 3 વિકેટ લીધી હતી. તેણે 15.2 ઓવરમાં 48 રન આપ્યા હતા. મોહમ્મદ સિરાજે 2 વિકેટ લીધી હતી. તેણે 13 ઓવરમાં 20 રન આપ્યા હતા. નીતીશ રેડ્ડી અને વોશિંગ્ટન સુંદરને એક પણ વિકેટ મળી ન હતી.         

 યશસ્વી જયસ્વાલ અને કેએલ રાહુલે પર્થ ટેસ્ટમાં ઈતિહાસ રચ્યો હતો. ઓસ્ટ્રેલિયા સામેની પ્રથમ ટેસ્ટમાં રાહુલ અને યશસ્વી વચ્ચે સદીની ભાગીદારી થઈ હતી. 2004 બાદ આ પ્રથમ વખત છે જ્યારે ભારતીય ઓપનરોએ ઓસ્ટ્રેલિયામાં સદીની ભાગીદારી કરી છે. રાહુલ અને યશસ્વીએ જોરદાર પ્રદર્શન કર્યું અને અડધી સદી પણ ફટકારી.      

આ પણ વાંચો......