Team India New Coach: રાહુલ દ્રવિડે ટીમ ઈન્ડિયાના હેડ કોચ બનવા કર્યું એપ્લાઈ

ટી-20 વર્લ્ડ કપ 2021 બાદ ભારતીય ટીમને નવા મુખ્ય કોચ મળવા જઈ રહ્યા છે અને રાહુલ દ્રવિડે પણ આ પદ માટે અરજી કરી છે.

ટી-20 વર્લ્ડ કપ 2021 બાદ ભારતીય ટીમને નવા મુખ્ય કોચ મળવા જઈ રહ્યા છે અને રાહુલ દ્રવિડે પણ આ પદ માટે અરજી કરી છે. રાહુલ દ્રવિડે મંગળવારે ભારતીય મુખ્ય કોચ પદ માટે અરજી કરી હતી. તમને જણાવી દઈએ કે T20 વર્લ્ડ કપ 2021 પછી વર્તમાન મુખ્ય કોચ રવિ શાસ્ત્રીનો કાર્યકાળ સમાપ્ત થઈ રહ્યો છે અને માનવામાં આવે છે કે રાહુલ દ્રવિડ તેમની જગ્યા લેશે. 

હાલમાં જ રાહુલ દ્રવિડ ટીમ ઈન્ડિયા સાથે શ્રીલંકાના પ્રવાસે ગયો હતો. જ્યાં તેણે મુખ્ય કોચની જવાબદારી નિભાવી હતી. રાહુલ દ્રવિડના કોચિંગ હેઠળ ભારતીય ટીમે શ્રીલંકાને વનડે શ્રેણીમાં હરાવ્યું હતું. જો કે, T20 સિરીઝમાં ભારતના ઘણા મહત્વપૂર્ણ ખેલાડીઓ કોરોનાની ઝપેટમાં આવ્યા હતા, જેના કારણે ટીમ ઈન્ડિયાને હાર મળી હતી. 

તમને જણાવી દઈએ કે ટી-20 વર્લ્ડ કપ પછી ટીમ ઈન્ડિયાને ન્યૂઝીલેન્ડ સામે ઘરેલું  સિરીઝ રમવાની છે અને ત્યારથી રાહુલ દ્રવિડ ટીમની કમાન સંભાળી શકે છે. એવા પણ અહેવાલો છે કે રાહુલ દ્રવિડની ભૂમિકા મુખ્ય કોચ કરતા વધુ હોઈ શકે છે. વાસ્તવમાં રાહુલ દ્રવિડે ઘણા વર્ષોથી ભારતના જુનિયર ખેલાડીઓ માટે કામ કર્યું છે. તેણે અંડર-19 ટીમ માટે વર્લ્ડ કપ જીત્યો છે અને ઈન્ડિયા Aમાં ખેલાડીઓના વિકાસ માટે ઘણું કામ કર્યું છે. માનવામાં આવે છે કે ટીમ ઈન્ડિયાના મુખ્ય કોચ બનવા છતાં રાહુલ દ્રવિડ ઈન્ડિયા-A અને અંડર-19 ટીમો પર નજર રાખશે. તે આ ટીમોના કોચના વડા બની શકે છે.

જો દ્રવિડની ભૂમિકા મુખ્ય કોચ કરતા મોટી હશે તો તેનો પગાર પણ વધારે હશે. BCCI ટીમ ઈન્ડિયાના વર્તમાન મુખ્ય કોચ રવિ શાસ્ત્રીને સાડા આઠ કરોડ રૂપિયા આપે છે, પરંતુ દ્રવિડને તેમના કરતા વધુ પગાર મળવાની વાત સામે આવી છે.  BCCI દ્રવિડને 10 કરોડ રૂપિયા સુધી આપી શકે છે.