IND vs WI 2nd ODI: એક બદલાવ કરી શકે છે ટીમ ઈન્ડિયા, આ સ્ટાર ખેલાડીનું ડેબ્યુ નક્કી, આવી હશે પ્લેઈંગ 11
ભારત અને વેસ્ટ ઈન્ડીઝની ટીમો આજે સાંજે 7 વાગ્યે એક વાર ફરીથી ત્રિનિદાદના ક્વીંસ પાર્કમાં ટકરાશે.
India vs West Indies 2nd ODI, Playing XI: ભારત અને વેસ્ટ ઈન્ડીઝની ટીમો આજે સાંજે 7 વાગ્યે એક વાર ફરીથી ત્રિનિદાદના ક્વીંસ પાર્કમાં ટકરાશે. પહેલી વનડે મેચમાં ત્રણ રનોથી રોમાંચક જીત મેળવનાર ધવન બ્રિગેડ આજે સિરીઝ જીતવાના ઈરાદા સાથે મેદાનમાં ઉતરશે. તો મેજબાન ટીમની નજર સિરીઝ હારથી બચાવ ઉપર રહશે. જાણો આજની મેચમાં ટીમ ઈન્ડિયાની પ્લેઈંગ 11માં કયા ખેલાડીઓને સ્થાન મળી શકે છે.
ડેબ્યુ કરી શકે છે અર્શદીપ સિંહઃ
ભારતે ભલે પ્રથમ વન ડે મેચમાં જીત મેળવી ચુક્યું હોય પરંતુ આજે ટીમ ઈન્ડિયા એક બદલાવ સાથે રમવા ઉતરી શકે છે. ભારત માટે આજે યુવા ફાસ્ટ બોલર અર્શદીપ સિંહ (Arshdeep singh) અથવા આવેશ ખાન (Avesh khan) ડેબ્યુ કરી શકે છે.
અક્ષર પટેલને ઈજા થઈ હતીઃ
ઓલરાઉન્ડર રવિન્દ્ર જાડેજાને ઘૂંટણમાં ઈજા થઈ હોવાથી ટીમ ઈન્ડિયાને મોટો ઝટકો લાગ્યો હતો. આ ઈજાના કારણે જાડેજા બીજી વનડેમાંથી પણ બહાર થઈ ગયો છે. જાડેજાની ગેરહાજરીમાં અક્ષર પટેલને પ્લેઇંગ ઇલેવનમાં તક મળી હતી, પરંતુ તે સારુ પ્રદર્શન કરી શક્યો નહીં અને હેમસ્ટ્રિંગની ઈજાને કારણે અક્ષર પટેલે મેદાન છોડવું પડ્યું હતું, તેથી તે રમવા માટે ફિટ છે કે નહીં તે જોવાનું રહેશે.
ભારતે 3 રનથી મેચ જીતી હતીઃ
શુક્રવારે પહેલી વનડે મેચ આ જ મેદાન પર રમાઈ હતી. જેમાં ભારતે 3 રનથી મેચ જીતી હતી. ભારતીય ટીમ આ મેચમાં પહેલાં બેટિંગ કરતાં 308 રન બનાવ્યા હતા. જેના જવાબમાં વેસ્ટ ઈન્ડીઝની ટીમ 305 રન જ બનાવી શકી હતી.
ભારતની સંભવિત પ્લેઈંગ ઈલેવનઃ
શિખર ધવન (કેપ્ટન), શુભમન ગિલ, શ્રેયસ અય્યર, સૂર્યકુમાર યાદવ, સંજૂ સેમસન (વિકેટકીપર), દીપક હુડ્ડા, શાર્દુલ ઠાકુર, અર્શદીપ સિંહ/ આવેશ ખાન, પ્રસિદ્ધ ક્રિષ્ના, યુઝવેન્દ્ર ચહલ અને મોહમ્મદ સિરાજ.
ટ્રેન્ડિંગ સમાચાર
ટોપ સ્ટોરી
