Virat Kohli Instagram: વિરાટ કોહલીના નામે નોંધાયો વધુ એક શાનદાર રેકોર્ડ, આવુ કરનાર પ્રથમ ભારતીય
ભારતીય ટીમના પૂર્વ કેપ્ટન વિરાટ કોહલી જ્યાં મેદાન પર પોતાના બેટથી નવા નવા રેકોર્ડ બનાવતા રહે છે. આ સાથે જ તેણે સોશિયલ મીડિયા પર પણ નવો રેકોર્ડ બનાવ્યો છે.
Virat Kohli Instagram Followers: ભારતીય ટીમના પૂર્વ કેપ્ટન વિરાટ કોહલી જ્યાં મેદાન પર પોતાના બેટથી નવા નવા રેકોર્ડ બનાવતા રહે છે. આ સાથે જ તેણે સોશિયલ મીડિયા પર પણ નવો રેકોર્ડ બનાવ્યો છે. વિરાટ કોહલીએ તાજેતરમાં ઇન્ડિયન પ્રીમિયર લીગ (IPL)ની 16મી સિઝનમાં પોતાના બેટનો પાવર બતાવ્યો હતો. હવે તેના સોશિયલ મીડિયા એકાઉન્ટ ઈન્સ્ટાગ્રામ પર ફોલોઅર્સની સંખ્યા પણ 250 મિલિયનને પાર પહોંચી ગઈ છે.
ઈન્સ્ટાગ્રામ એકાઉન્ટ પર ફોલોઅર્સની સંખ્યા 250 મિલિયનને પાર
વિરાટ કોહલીના ઈન્સ્ટાગ્રામ એકાઉન્ટ પર ફોલોઅર્સની સંખ્યા 250 મિલિયનને પાર થઈ જતાં તે આ મામલે પ્રથમ ભારતીય બની ગયો છે. વિરાટ કોહલી એશિયાનો આવો પહેલો ક્રિકેટર બન્યો છે. જેના ઇન્સ્ટાગ્રામ એકાઉન્ટ પર ફોલોઅર્સની સંખ્યા આ સ્થાન હાંસલ કરી છે. સ્પોર્ટ્સ જગતમાં વિરાટ કોહલી ઈન્સ્ટાગ્રામ પર ફોલોઅર્સની સંખ્યાના મામલે ત્રીજા નંબર પર છે.
ફૂટબોલ જગતના બે મહાન ખેલાડીઓના ઈન્સ્ટાગ્રામ પર વિરાટ કોહલી કરતા વધુ ફોલોઅર્સ છે. આમાં ક્રિસ્ટિયાનો રોનાલ્ડોનું નામ નંબર વન છે, જેના 585 મિલિયનથી વધુ ફોલોઅર્સ છે. બીજી તરફ લિયોનેલ મેસી છે જેના ફોલોઅર્સની સંખ્યા 462 મિલિયન છે. જણાવી દઈએ કે વિરાટ કોહલી સોશિયલ મીડિયા પોસ્ટ માટે પણ કરોડો કમાય છે. આમાં તેને એક પોસ્ટ માટે લગભગ 8 કરોડ રૂપિયા મળે છે.
IPLની આ સિઝનમાં 600થી વધુ રન બનાવ્યા છે
IPLની 16મી સિઝનમાં વિરાટ કોહલીનું ફોર્મ ઘણું સારું દેખાઈ રહ્યું હતું, તેમ છતાં તેની ટીમ પ્લેઓફ માટે ક્વોલિફાય ન થઈ શકી. કોહલીએ આ સિઝનમાં 14 ઇનિંગ્સમાં બેટિંગ કરતા 639 રન બનાવ્યા હતા. તેમાં સતત 2 સદીની ઇનિંગ્સનો પણ સમાવેશ થાય છે. આ સાથે હવે IPL ઈતિહાસમાં સૌથી વધુ સદી ફટકારવાના મામલે કોહલી 7 સદી સાથે પ્રથમ સ્થાને પહોંચી ગયો છે.
IPL વિજેતા ટીમને કેટલી ઈનામી રકમ મળશે?
આઈપીએલની આ સિઝનમાં વિજેતા ટીમને ઈનામી રકમ તરીકે 20 કરોડ રૂપિયા આપવામાં આવશે.
ફાઈનલ મેચમાં હારનાર ટીમને કેટલી ઈનામી રકમ મળશે?
આ સીઝનની ફાઈનલ મેચમાં હારનો સામનો કરી રહેલી ટીમને ઈનામી રકમ તરીકે 13 કરોડ રૂપિયા આપવામાં આવશે.
ઓરેન્જ કેપ વિજેતા ખેલાડીને કેટલી ઈનામી રકમ મળશે?
આ સિઝનમાં સૌથી વધુ રન બનાવીને ઓરેન્જ કેપ જીતનાર ખેલાડીને ઈનામી રકમ તરીકે 15 લાખ રૂપિયા આપવામાં આવશે.
પર્પલ કેપ વિજેતાને કેટલી ઈનામી રકમ મળશે?
આ સિઝનમાં પર્પલ કેપ જીતનાર ખેલાડી સૌથી વધુ વિકેટ લેનાર બોલરોની યાદીમાં પ્રથમ સ્થાને છે, તેને ઈનામી રકમ તરીકે 15 લાખ રૂપિયા આપવામાં આવશે.
સુપર સ્ટ્રાઈકર એવોર્ડ જીતનાર ખેલાડીની ઈનામી રકમ?
આ સિઝનમાં સુપર સ્ટ્રાઈક એવોર્ડ જીતનાર બેટ્સમેનને ઈનામી રકમ તરીકે 15 લાખ રૂપિયા આપવામાં આવશે.
ટોપ સ્ટોરી
ટ્રેન્ડિંગ સમાચાર
