Virat Kohli Record: હવે કોહલી પાસે ટેસ્ટમાં ઈતિહાસ રચવાની તક, તેને સચિન-પોન્ટિંગની યાદીમાં મળી શકે છે એન્ટ્રી
IND vs BAN Test Series: વિરાટ કોહલી પાસે ટેસ્ટ ક્રિકેટમાં ઈતિહાસ રચવાની તક છે. તે સચિન તેંડુલકર અને રિકી પોન્ટિંગ સાથે જોડાયેલી ખાસ યાદીમાં જગ્યા બનાવી શકે છે.
IND vs BAN Test Series: ટીમ ઈન્ડિયા શ્રીલંકા પ્રવાસથી બ્રેક પર છે. ભારતે હવે સપ્ટેમ્બરમાં બાંગ્લાદેશ સામે ટેસ્ટ શ્રેણી રમવાની છે. આ પછી ન્યુઝીલેન્ડ અને ઓસ્ટ્રેલિયા સામે પણ સ્પર્ધા થશે. વિરાટ કોહલી પાસે આ વર્ષે એક ખાસ રેકોર્ડ બનાવવાની તક છે. તે 10 હજાર ટેસ્ટ રન પૂરા કરી શકે છે. કોહલી મહાન ખેલાડીઓ સચિન તેંડુલકર અને રિકી પોન્ટિંગની યાદીમાં જગ્યા બનાવી શકે છે. જો કોહલી 10 હજાર રન બનાવશે તો તે ઘણા દિગ્ગજોને પાછળ છોડી દેશે.
વિરાટે અત્યાર સુધી 113 ટેસ્ટ મેચ રમી છે. આ દરમિયાન 8848 રન બનાવ્યા છે. તેણે આ ફોર્મેટમાં 29 સદી અને 30 અડધી સદી ફટકારી છે. કોહલીએ બેવડી સદી પણ ફટકારી છે. તેનો સર્વશ્રેષ્ઠ ટેસ્ટ સ્કોર અણનમ 254 રન રહ્યો છે. હવે કોહલીને 10 હજાર રન પૂરા કરવા માટે 1152 રનની જરૂર છે. જો તે આવું કરશે તો તે ટેસ્ટમાં 10,000 રન બનાવનાર ખેલાડીઓની યાદીમાં સામેલ થઈ જશે. આ યાદીમાં સચિન ટોપ પર છે.
ટેસ્ટ ક્રિકેટમાં સૌથી વધુ રન બનાવવાનો રેકોર્ડ સચિનના નામે છે. તેણે 200 મેચમાં 15921 રન બનાવ્યા છે. સચિને આ ફોર્મેટમાં 51 સદી અને 68 અડધી સદી ફટકારી છે. સચિનનો સર્વશ્રેષ્ઠ ટેસ્ટ સ્કોર અણનમ 248 રન રહ્યો છે. રિકી પોન્ટિંગ બીજા નંબર પર છે. પોન્ટિંગે 168 મેચમાં 13378 રન બનાવ્યા છે. તેણે 41 સદી અને 62 અડધી સદી ફટકારી છે. જેક કાલિસ ત્રીજા નંબર પર છે. કાલિસે 166 મેચમાં 13289 રન બનાવ્યા છે. તેણે 45 સદી અને 58 અડધી સદી ફટકારી છે.
તમને જણાવી દઈએ કે તાજેતરમાં જ ટીમ ઈન્ડિયા શ્રીલંકાથી પરત ફરી છે. અહીં ODI અને T20 સિરીઝ રમાઈ હતી. ભારતે ટી20 શ્રેણી જીતી લીધી છે. પરંતુ વનડે શ્રેણીમાં 2-0થી હારનો સામનો કરવો પડ્યો હતો. હવે ભારત અને બાંગ્લાદેશ વચ્ચે ટેસ્ટ સિરીઝ રમાશે. આ પછી T20 સિરીઝનું પણ આયોજન કરવામાં આવશે.
ટ્રેન્ડિંગ સમાચાર
ટોપ સ્ટોરી
