વિરાટ કોહલીનું ખરાબ કમબૅક: ઑસ્ટ્રેલિયા સામે પ્રથમ ODI માં બનાવ્યો શરમજનક રેકોર્ડ; માત્ર 8 બોલમાં...
ભૂતપૂર્વ કેપ્ટન કોહલી મિશેલ સ્ટાર્ક દ્વારા ફેંકવામાં આવેલી સાતમી ઓવરના પહેલા બોલ પર જ પોતાનું ખાતું ખોલાવ્યા વગર કેચ આઉટ થયો.
ઑસ્ટ્રેલિયા સામેની પ્રથમ ODI માં સ્ટાર બેટ્સમેન વિરાટ કોહલીનું આંતરરાષ્ટ્રીય ક્રિકેટમાં પુનરાગમન નિરાશાજનક રહ્યું. કોહલી મિશેલ સ્ટાર્કની ઓવરના પહેલા જ બોલ પર શૂન્ય રને આઉટ થયો. 8 બોલમાં શૂન્ય રન બનાવનાર આ ઇનિંગ કોહલીના વનડે કરિયરનો બીજો સૌથી લાંબો ડક ઇનિંગ બની ગયો છે. આ સાથે જ, ઑસ્ટ્રેલિયાની ધરતી પર 30 ODI ઇનિંગ્સમાં આ પ્રથમ વખત છે જ્યારે કોહલી પોતાનું ખાતું ખોલાવવામાં નિષ્ફળ રહ્યો છે. આ કોહલીની કારકિર્દીનો 39મો આંતરરાષ્ટ્રીય ડક છે, જે તેને સૌથી વધુ આંતરરાષ્ટ્રીય શૂન્ય રન બનાવનારા ભારતીયોની યાદીમાં ઝહીર ખાન (43) અને ઈશાંત શર્મા (40) પછી ત્રીજા સ્થાને મૂકે છે. મેચમાં વરસાદના કારણે બે વખત વિક્ષેપ પડ્યો હતો, જેના કારણે રમતને 35-35 ઓવરની કરી દેવામાં આવી હતી.
કોહલી-રોહિતનું ફ્લોપ કમબૅક: મિશેલ સ્ટાર્કનો તરખાટ
વરસાદની આગાહીને ધ્યાનમાં રાખીને ઑસ્ટ્રેલિયાના કેપ્ટન મિશેલ માર્શે ટોસ જીતીને પ્રથમ બોલિંગ કરવાનો નિર્ણય લીધો હતો, જે ભારતીય બેટિંગ માટે ઘાતક સાબિત થયો. 224 દિવસ પછી આંતરરાષ્ટ્રીય મેચમાં પરત ફરેલા રોહિત શર્મા (8 રન) હેઝલવુડના બોલ પર ચોથી ઓવરમાં આઉટ થયો.
જોકે, સૌથી નિરાશાજનક પર્ફોર્મન્સ વિરાટ કોહલીનો રહ્યો. ભૂતપૂર્વ કેપ્ટન કોહલી મિશેલ સ્ટાર્ક દ્વારા ફેંકવામાં આવેલી સાતમી ઓવરના પહેલા બોલ પર જ પોતાનું ખાતું ખોલાવ્યા વગર કેચ આઉટ થયો. કોહલીએ વિકેટ ગુમાવતા પહેલા 8 બોલનો સામનો કર્યો હતો. આ વનડેમાં કોહલીના શૂન્ય રને આઉટ થવાને કારણે ભારતીય ટીમની શરૂઆત અત્યંત નબળી રહી હતી.
અનિચ્છનીય રેકોર્ડ: ઑસ્ટ્રેલિયામાં પ્રથમ ડક અને 39મું શૂન્ય
મિશેલ સ્ટાર્ક સામે 8 બોલમાં શૂન્ય રને આઉટ થતાં, વિરાટ કોહલીએ એક અનિચ્છનીય રેકોર્ડ પોતાના નામે કર્યો છે.
- વનડે કરિયર: વનડે ક્રિકેટમાં કોહલી 17મી વખત શૂન્ય રને આઉટ થયો છે. આ 8 બોલની ડક ઇનિંગ તેના વનડે કરિયરનો બીજો સૌથી લાંબો ડક ઇનિંગ છે. તેનો સૌથી લાંબો ડક ઇનિંગ 2023માં ઇંગ્લેન્ડ સામે 9 બોલનો હતો.
- ઑસ્ટ્રેલિયાની ધરતી પર: આશ્ચર્યજનક રીતે, ઑસ્ટ્રેલિયામાં રમાયેલી 30 ODI ઇનિંગ્સમાં આ પ્રથમ વખત છે જ્યારે કોહલી શૂન્ય રને આઉટ થયો હોય. આ પહેલા તેણે ક્યારેય ખાતું ખોલાવવામાં નિષ્ફળતા જોઈ નહોતી.
- આંતરરાષ્ટ્રીય ડક: આંતરરાષ્ટ્રીય ક્રિકેટના ત્રણેય ફોર્મેટમાં કોહલીનો આ 39મો ડક છે. આંતરરાષ્ટ્રીય ક્રિકેટમાં તેના કરતાં વધુ વખત ફક્ત ઝહીર ખાન (43) અને ઈશાંત શર્મા (40) જ શૂન્ય રને આઉટ થયા છે, જે એક શરમજનક રેકોર્ડ છે.
મેચમાં વરસાદને કારણે બે વખત રમત અટકાવાઈ હતી. નિયમોમાં વધારાનો સમય (Extra Time) ન હોવાથી, પ્રથમ વખત 10 મિનિટ રોકાયા બાદ પણ એક ઓવર કાપવામાં આવી, અને પછી રમતને 35-35 ઓવર સુધી ઘટાડી દેવામાં આવી હતી.
ટોપ સ્ટોરી
ટ્રેન્ડિંગ સમાચાર
