Cricket Stats: સચિન તેંડુલકર અને રિકી પોન્ટિંગ કરતાં સવાયો સાબિત થયો કિંગ કોહલી, જોઈલો આ આંકડા

Virat Kohli Stats: તાજેતરમાં ભારત અને વેસ્ટ ઈન્ડિઝની ટીમો ટેસ્ટ શ્રેણીમાં આમને-સામને હતી. રોહિત શર્માની કપ્તાનીમાં ટીમ ઈન્ડિયાએ શ્રેણી 1-0થી જીતી લીધી હતી. ભારત અને વેસ્ટ ઈન્ડિઝ વચ્ચે ટેસ્ટ સીરીઝની બીજી મેચ પોર્ટ ઓફ સ્પેનમાં રમાઈ હતી.

વિરાટ કોહલી અને સચિન તેંડુલકર

Virat Kohli Stats: તાજેતરમાં ભારત અને વેસ્ટ ઈન્ડિઝની ટીમો ટેસ્ટ શ્રેણીમાં આમને-સામને હતી. રોહિત શર્માની કપ્તાનીમાં ટીમ ઈન્ડિયાએ શ્રેણી 1-0થી જીતી લીધી હતી. ભારત અને વેસ્ટ ઈન્ડિઝ વચ્ચે ટેસ્ટ સીરીઝની બીજી મેચ પોર્ટ ઓફ સ્પેનમાં રમાઈ હતી. પરંતુ શું તમે જાણો છો કે પોર્ટ ઓફ સ્પેન ટેસ્ટ વિરાટ કોહલીની 500મી આંતરરાષ્ટ્રીય મેચ હતી? હા.. વિરાટ કોહલીએ 500 આંતરરાષ્ટ્રીય મેચ રમી છે. વિરાટ કોહલીની આંતરરાષ્ટ્રીય કારકિર્દી શાનદાર રહી છે. ટેસ્ટ મેચ ઉપરાંત, આ ખેલાડીએ ODI અને T20 ફોર્મેટમાં શ્રેષ્ઠ રમતનો નજારો રજૂ કર્યો છે.

સચિન તેંડુલકર અને રિકી પોન્ટિંગ કરતાં વિરાટ કોહલી શ્રેષ્ઠ!

આંકડા દર્શાવે છે કે વિરાટ કોહલીનો રેકોર્ડ ભૂતપૂર્વ ભારતીય બેટ્સમેન સચિન તેંડુલકર અને ઓસ્ટ્રેલિયાના ભૂતપૂર્વ દિગ્ગજ ખેલાડી રિકી પોન્ટિંગ કરતા વધુ સારો છે. વિરાટ કોહલીએ 500 આંતરરાષ્ટ્રીય મેચ રમીને 25582 રન બનાવ્યા છે. તે જ સમયે, પૂર્વ કાંગારૂ કેપ્ટન રિકી પોન્ટિંગે 500 આંતરરાષ્ટ્રીય મેચ રમીને 25035 રન બનાવ્યા છે. જ્યારે માસ્ટર બ્લાસ્ટર સચિન તેંડુલકરે 500 આંતરરાષ્ટ્રીય મેચ રમીને 24874 રન બનાવ્યા હતા. આ રીતે, આંકડા દર્શાવે છે કે વિરાટ કોહલી બંને દિગ્ગજ ખેલાડીઓથી આગળ છે.

વિરાટ કોહલીએ 500મી મેચમાં સદી ફટકારી અનેક રેકોર્ડ તોડ્યા

કોહલીએ 500મી મેચમાં સદી ફટકારી હતી.  206 બોલમાં 11 ચોગ્ગાની મદદથી  121 રન બનાવ્યા હતા. આ તેની આંતરરાષ્ટ્રીય કારકિર્દીની 76મી સદી છે. કોહલીએ તેની મદદથી એક ખાસ રેકોર્ડ બનાવ્યો છે. વિદેશી ધરતી પર સૌથી વધુ સદી ફટકારવાના મામલે તે ભારતીય ખેલાડીઓની યાદીમાં બીજા નંબરે પહોંચી ગયો છે. હવે તે સચિન તેંડુલકરથી માત્ર એક સદી પાછળ છે. કોહલીએ વિદેશી ધરતી પર 28 સદી ફટકારી છે. જ્યારે સચિને 29 સદી ફટકારી છે.

રસપ્રદ વાત એ છે કે વેસ્ટ ઈન્ડિઝ સામે સૌથી વધુ સદી ફટકારવાના મામલે કોહલીએ એબી ડી વિલિયર્સને પાછળ છોડી દીધો છે. આ મામલે તે સુનીલ ગાવસ્કરની પાછળ છે. ગાવસ્કરે વેસ્ટ ઈન્ડિઝ સામે 13 સદી ફટકારી છે. કોહલીએ 12 સદી ફટકારી છે. જ્યારે કાલિસે પણ 12 સદી ફટકારી છે. ડી વિલિયર્સે 11 સદી ફટકારી છે. વિરાટ કોહલી કરિયરની 500મી ઇન્ટરનેશનલ મેચમાં ટ્રિપલ ડિજિટ સ્કોર સુધી પહોંચનાર પ્રથમ બેટ્સમેન બન્યો છે. અગાઉ કોઈ પ્લેયર પોતાની 500મી મેચમાં 50 રન પણ બનાવી શક્યો નહોતો.

વિરાટ કોહલીની કારકિર્દી આવી રહી 

વિરાટ કોહલીએ વર્ષ 2008માં આંતરરાષ્ટ્રીય ક્રિકેટમાં પ્રવેશ કર્યો હતો. જો વિરાટ કોહલીના કરિયર પર નજર કરીએ તો આ ખેલાડીએ 274 વનડેમાં 57.32ની એવરેજથી 13776 રન બનાવ્યા છે. વિરાટ કોહલીએ વનડે ફોર્મેટમાં 46 સદી ફટકારી છે. જ્યારે ODI ફોર્મેટમાં 65 વખત પચાસ રનનો આંકડો પાર કર્યો હતો. જ્યારે વિરાટ કોહલીએ 111 ટેસ્ટ મેચમાં 8676 રન બનાવ્યા છે. આ ખેલાડીએ ટેસ્ટ ફોર્મેટમાં 29 વખત સદીનો આંકડો પાર કર્યો છે.