T20 World Cup 2024: અફઘાનિસ્તાન સામે નિકોલસ પૂરનની વિસ્ફોટક ઇનિંગ, એક ઓવરમાં ફટકાર્યા 36 રન
નિકોલસ પૂરને ટીમ માટે સૌથી મોટી ભૂમિકા ભજવી હતી અને તેણે 53 બોલમાં 6 ચોગ્ગા અને 8 છગ્ગાની મદદથી 98 રન બનાવ્યા હતા.
WI vs AFG T20 World Cup 2024 Innings Highlights: ટી-20 વર્લ્ડ કપ 2024માં વેસ્ટ ઇન્ડિઝની ટીમ તેના જૂના અંદાજમાં જોવા મળી હતી. અફઘાનિસ્તાન સામે પ્રથમ બેટિંગ કરતા બે વખતની T20 વર્લ્ડ કપ ચેમ્પિયન વેસ્ટ ઈન્ડિઝે 20 ઓવરમાં 5 વિકેટે 218 રન બનાવ્યા હતા. આ વર્લ્ડ કપનો આ સૌથી મોટો સ્કોર હતો. નિકોલસ પૂરને ટીમ માટે સૌથી મોટી ભૂમિકા ભજવી હતી અને તેણે 53 બોલમાં 6 ચોગ્ગા અને 8 છગ્ગાની મદદથી 98 રન બનાવ્યા હતા. અફઘાનિસ્તાનના બોલરો પૂરન સામે સંપૂર્ણપણે લાચાર દેખાતા હતા.
WATCH: Nicholas Pooran in devastating touch as Azmatullah Omarzai concedes 36 runs from one over 🤯#WIvAFG | #T20WorldCuphttps://t.co/gM4irgJnLb
— ICC (@ICC) June 18, 2024
વેસ્ટ ઈન્ડિઝની શરૂઆત નબળી રહી હતી, પરંતુ પછી ટીમે ગતિ પકડી અને શાનદાર બેટિંગ કરી અને બોર્ડ પર મોટો સ્કોર બનાવ્યો હતો. પ્રથમ વિકેટ ગુમાવ્યા બાદ જોન્સન ચાર્લ્સ અને નિકોલસ પૂરને બીજી વિકેટ માટે 80 રનની ભાગીદારી કરી અને ટીમને 200 રનનો આંકડો પાર કરવામાં મદદ કરી હતી. આ મેચમાં વેસ્ટ ઈન્ડિઝે પાવર પ્લેમાં T20 વર્લ્ડ કપનો સૌથી મોટો સ્કોરનો રેકોર્ડ પણ બનાવ્યો હતો. આ સમયગાળા દરમિયાન અફઘાનિસ્તાન તરફથી ગુલબદ્દીન નાયબે સૌથી વધુ 2 વિકેટ લીધી હતી.
A record-packed innings from the West Indies 🎉#T20WorldCup | #WIvAFGhttps://t.co/kDcQ0PNzhG
— ICC (@ICC) June 18, 2024
આવી જ હતી વેસ્ટ ઈન્ડિઝની ઈનિંગ્સ
ટોસ હાર્યા બાદ પ્રથમ બેટિંગ કરવા આવેલી વેસ્ટ ઈન્ડિઝની શરૂઆત ખાસ રહી ન હતી. ટીમે બીજી ઓવરના પાંચમા બોલ પર બ્રેન્ડન કિંગના રૂપમાં પ્રથમ વિકેટ ગુમાવી હતી. કિંગે 1 ફોરની મદદથી 6 બોલમાં 7 રન બનાવ્યા હતા. આ પછી જોન્સન ચાર્લ્સ અને નિકોલસ પૂરને બીજી વિકેટ માટે 80 રન (38 બોલ)ની ભાગીદારી કરી હતી. આ વિસ્ફોટક ભાગીદારીનો અંત 8મી ઓવરના છેલ્લા બોલ પર ચાર્લ્સની વિકેટ સાથે થયો હતો. ચાર્લ્સે 27 બોલમાં 8 ચોગ્ગાની મદદથી 43 રન બનાવ્યા હતા.
ત્યારબાદ ટીમને ત્રીજો ફટકો શાઈ હોપના રૂપમાં લાગ્યો હતો જે 13મી ઓવરના પહેલા બોલ પર પેવેલિયન પરત ફર્યો. હોપે 17 બોલમાં 2 સિક્સરની મદદથી 25 રન બનાવ્યા હતા. ત્યારબાદ ચોથી વિકેટ માટે નિકોલસ પૂરન અને રોવમેન પોવેલે 64 રન (38 બોલ)ની ભાગીદારી કરી હતી. 19મી ઓવરના ત્રીજા બોલ પર પોવેલની વિકેટ સાથે આ ભાગીદારીનો અંત આવ્યો હતો. પોવેલે 15 બોલમાં 1 ફોર અને 2 સિક્સરની મદદથી 26 રન કર્યા હતા. ત્યારબાદ ટીમને પાંચમો ફટકો 20મી ઓવરના ચોથા બોલ પર નિકોલસ પૂરનના રૂપમાં લાગ્યો હતો. પૂરન રનઆઉટ થયો હતો. પૂરને 53 બોલમાં 6 ચોગ્ગા અને 8 છગ્ગાની મદદથી 98 રન બનાવ્યા હતા.
પૂરને એક ઓવરમાં 36 રન ફટકાર્યા
અફઘાન ટીમ માટે ત્રીજી ઓવર અઝમતુલ્લાહ ઓમરઝાઈએ ફેંકી હતી. આ ઓવરના પહેલા બોલ પર નિકોલસ પૂરને સિક્સર ફટકારી હતી. ત્યારપછી બીજો બોલ નો બોલ આવ્યો હતો જેના પર ચોગ્ગો મળ્યો હતો. આના કારણે અઝમતુલ્લાહે ત્રીજો બોલ વાઈડ ફેંક્યો હતો અને તેમાં પણ ચાર રન મળ્યા હતા. આ રીતે ઓવરમાં માત્ર એક જ લીગલ ડિલિવરી થઈ હતી અને અઝમતુલ્લાએ 16 રન આપ્યા હતા. ફ્રી હિટ હોવા છતાં ઓવરના બીજા બોલ પર કોઈ રન થયો ન હતો. ત્યારબાદ ત્રીજા અને ચોથા બોલ પર ચોગ્ગા ફટકાર્યા હતા. ત્રીજા બોલ પર જે ચોગ્ગો માર્યો હતો તે લેગ બાયથી આવ્યો હતો. બેટ્સમેન નિકોલસ પૂરને પાંચમા અને છઠ્ઠા બોલ પર સિક્સર ફટકારી હતી. આ રીતે આ ઓવરમાં કુલ 36 રન થયા હતા.
ટોપ સ્ટોરી
ટ્રેન્ડિંગ સમાચાર
