AUS vs SA: સાઉથ આફ્રિકાએ 5 વખતના વિશ્વ ચેમ્પિયન ઓસ્ટ્રેલીયાને 134 રને હરાવ્યું
AUS vs SA Match Report: ભારત બાદ ઓસ્ટ્રેલિયાની દક્ષિણ આફ્રિકા સામે પણ હાર થઈ છે. પેટ કમિન્સની ટીમને 134 રનના વિશાળ અંતરથી હારનો સામનો કરવો પડ્યો છે. ઓસ્ટ્રેલિયાને જીતવા માટે 312 રનનો ટાર્ગેટ હતો.
AUS vs SA Match Report: ભારત બાદ ઓસ્ટ્રેલિયાની દક્ષિણ આફ્રિકા સામે પણ હાર થઈ છે. પેટ કમિન્સની ટીમને 134 રનના વિશાળ અંતરથી હારનો સામનો કરવો પડ્યો છે. ઓસ્ટ્રેલિયાને જીતવા માટે 312 રનનો ટાર્ગેટ હતો. પરંતુ કાંગારૂ ટીમ 40.5 ઓવરમાં 177 રન પર જ સિમિત રહી હતી. આ રીતે ટેમ્બા બાવુમાની ટીમને મોટી જીત મળી છે.
A second successive #CWC23 ton helps Quinton de Kock win the @aramco #POTM ⚡#AUSvSA pic.twitter.com/eK1iogZQ6n
— ICC (@ICC) October 12, 2023
સાઉથ આફ્રિકાના બોલરો સામે ઓસ્ટ્રેલિયાનો ટોપ ઓર્ડર ધરાશાયી
દક્ષિણ આફ્રિકાના 311 રનના જવાબમાં કાંગારૂ ટીમની શરૂઆત ખૂબ જ ખરાબ રહી હતી. ઓસ્ટ્રેલિયાનો ઓપનર મિચેલ માર્શ 7 રન બનાવીને આઉટ થયો હતો. આ પછી ડેવિડ વોર્નર 27 બોલમાં 13 રન બનાવીને પેવેલિયન ગયો હતો. આ સિલસિલો અહીં અટક્યો ન હતો… આ પછી જોશ ઇંગ્લિશ, ગ્લેન મેક્સવેલ અને માર્કસ સ્ટોઇનિસ પણ સસ્તામાં આઉટ થયા હતા. ઓસ્ટ્રેલિયાના 5 બેટ્સમેન 65 રન બનાવીને પેવેલિયન પરત ફર્યા હતા. આ ટીમને 70 રનના સ્કોર પર છઠ્ઠો ઝટકો લાગ્યો હતો. જો કે માર્નસ લાબુશેન અને મિશેલ સ્ટાર્ક વચ્ચે 69 રનની ભાગીદારી થઈ હતી. બંને ખેલાડીઓએ હારના માર્જિનને ઘટાડવાનો પૂરો પ્રયાસ કર્યો હતો, પરંતુ મિચેલ સ્ટાર્ક 51 બોલમાં 27 રન બનાવીને આઉટ થયો હતો. આ પછી માર્નસ લાબુશેન પણ કેશવ મહારાજના બોલ પર આઉટ થયો હતો.
આવી રહીકાંગારૂ બેટ્સમેનની હાલત...
મિશેલ માર્શને માર્કો યોન્સેને આઉટ કર્યો હતો. તો બીજી તરફ, ડેવિડ વોર્નર લુંગી એનગિડીના બોલ પર આઉટ થયો હચો. કાગિસો રબાડાના બોલ પર સ્ટીવ સ્મિથ પેવેલિયન પરત ફર્યો હતો. જોશ ઈંગ્લિશને કાગીસો રબાડાએ બોલ્ડ આઉટ કર્યો હતો. કેશવ મહારાજના બોલ પર ઓસ્ટ્રેલિયાનો ઓલરાઉન્ડર ગ્લેન મેક્સવેલ પણ આસાન કેચ આપી બેઠો હતો. જો કે ઓસ્ટ્રેલિયન ટીમને માર્કસ સ્ટોઈનિસને જે રીતે આઉટ આપવામાં આવ્યો તે પસંદ ન આવ્યું.
માર્કસ સ્ટોઇનિસને આઉટ આપ્યા બાદ થયો વિવાદ
વાસ્તવમાં, કાગિસો રબાડાના બોલ પર આઉટ થયા બાદ માર્કસ સ્ટોઇનિસ ખૂબ જ નાખુશ દેખાતો હતો. માર્કસ સ્ટોઇનિસ અમ્પાયર સાથે વાત કરતો રહ્યો, પરંતુ થર્ડ અમ્પાયરે માન્યું કે બોલ ઓસ્ટ્રેલિયન ઓલરાઉન્ડરના ગ્લોવ્ઝમાં વાગીને ગયો હતો. આ રીતે માર્કસ સ્ટોઈનિસને પેવેલિયન પરત ફરવું પડ્યું હતું. દક્ષિણ આફ્રિકા માટે કાગિસો રબાડા સૌથી સફળ બોલર રહ્યો હતો. કાગિસો રબાડાએ 10 ઓવરમાં 23 રન આપીને 3 વિકેટ લીધી હતી. માર્કો યોન્સેન, કેશવ મહારાજ અને તબરેઝ શમ્સીને 1-1 સફળતા મળી. લુંગી એનગિડીએ ડેવિડ વોર્નરને આઉટ કર્યો હતો.
ઓસ્ટ્રેલિયાના કેપ્ટન પેટ કમિન્સે ટોસ જીત્યો હતો
આ પહેલા ઓસ્ટ્રેલિયાના કેપ્ટન પેટ કમિન્સે ટોસ જીતીને બોલિંગ કરવાનો નિર્ણય લીધો હતો. દક્ષિણ આફ્રિકાએ 50 ઓવરમાં 7 વિકેટે 311 રન બનાવ્યા હતા. દક્ષિણ આફ્રિકા તરફથી ક્વિન્ટન ડી કોકે 106 બોલમાં 109 રન બનાવ્યા હતા. એડન માર્કરમે 44 બોલમાં 56 રન બનાવ્યા હતા. ઓસ્ટ્રેલિયા તરફથી મિચેલ સ્ટાર્ક અને ગ્લેન મેક્સવેલે 2-2 વિકેટ ઝડપી હતી. આ સિવાય જોશ હેઝલવુડ, પેટ કમિન્સ અને એડમ ઝમ્પાને 1-1 સફળતા મળી હતી.
ટ્રેન્ડિંગ સમાચાર
ટોપ સ્ટોરી
