WTC Final 2023: ઓસ્ટ્રેલિયાની શાનદાર જીતમાં આ 5 ખેલાડીની રહી મુખ્ય ભૂમિકા, જાણો કોણ-કોણ છે લિસ્ટમાં
વર્લ્ડ ટેસ્ટ ચેમ્પિયનશિપ (WTC) ફાઇનલમાં ભારતને 209 રનથી હરાવીને ઓસ્ટ્રેલિયાએ વધુ એક ICC ટ્રોફી જીતી લીધી છે.
WTC Final 2023, India vs Australia: વર્લ્ડ ટેસ્ટ ચેમ્પિયનશિપ (WTC) ફાઇનલમાં ભારતને 209 રનથી હરાવીને ઓસ્ટ્રેલિયાએ વધુ એક ICC ટ્રોફી જીતી લીધી છે. ફાઈનલ મેચમાં ઓસ્ટ્રેલિયન ટીમ રમતના તમામ પાંચ દિવસ મેચ પર સંપૂર્ણ રીતે પોતાની પકડ જાળવી રાખવામાં સફળ રહી હતી. આ મહત્વની મેચમાં કાંગારૂ ટીમ તરફથી બોલ અને બેટ બંને ક્ષેત્રે શાનદાર પ્રદર્શન જોવા મળ્યું હતું.
જ્યાં ટ્રેવિસ હેડ અને સ્ટીવ સ્મિથે ઓસ્ટ્રેલિયા માટે બેટથી મહત્વની ભૂમિકા ભજવી હતી. ત્યાંરે બોલ સાથે સ્કોટ બોલેન્ડ ઉપરાંત નાથન લિયોને પણ કમાલ કરી હતી. અમે તમને એવા 5 ખેલાડીઓ વિશે જણાવવા જઈ રહ્યા છીએ જેમણે આ મેચમાં બોલ અથવા બેટથી ટીમને જીત અપાવવામાં મુખ્ય ભૂમિકા ભજવી હતી.
1 – ટ્રેવિસ હેડ (163 અને 18 રન)
આ ટાઈટલ મેચમાં પ્લેયર ઓફ ધ મેચનો ખિતાબ જીતનાર ટ્રેવિસ હેડની ઈનિંગ્સે ઓસ્ટ્રેલિયન ટીમની જીતમાં મહત્વની ભૂમિકા ભજવી હતી. હેડે ટીમની પ્રથમ ઇનિંગ દરમિયાન 163 રનની ઝડપી ઇનિંગ રમી, જેના આધારે ટીમ 469ના સ્કોર સુધી પહોંચાડવામાં સફળ રહી. જોકે હેડ બીજી ઇનિંગ દરમિયાન માત્ર 18 રન જ બનાવી શક્યો હતો. પરંતુ આ મેચ પહેલા તેની સદીએ મોટો ફરક પાડ્યો હતો.
2 – સ્ટીવ સ્મિથ (121 અને 34 રન)
સ્ટીવ સ્મિથે ફાઈનલ મેચમાં પોતાના બેટથી બીજી શાનદાર સદી ફટકારીને બધાને કહ્યું કે શા માટે તે ટેસ્ટ ક્રિકેટના દિગ્ગજ બેટ્સમેનોમાંનો એક છે. સ્મિથે માત્ર 121 રનની શાનદાર ઈનિંગ્સ જ નહીં રમી પરંતુ હેડ સાથે 285 રનની મહત્વપૂર્ણ ભાગીદારી પણ કરી હતી. બીજી ઈનિંગમાં સ્મિથના બેટમાં 34 રન આવ્યા હતા.
3 – એલેક્સ કેરી (48 અને 66 અણનમ)
આ મેચમાં ટીમ માટે નીચલા ક્રમના બેટ્સમેનોની સાથે ઓસ્ટ્રેલિયાના વિકેટકીપર બેટ્સમેન એલેક્સ કેરીએ મહત્વની ભૂમિકા ભજવી હતી. કેરીના બેટથી આ મેચની પ્રથમ ઇનિંગમાં 48 અણનમ રન જ્યારે બીજી ઇનિંગમાં 66 રન અણનમ રહ્યા હતા. ભારતને 444 રનનો ટાર્ગેટ આપવામાં કેરીએ પણ પોતાના બેટથી ખૂબ મહત્વની ભૂમિકા ભજવી હતી.
4 – સ્કોટ બોલેન્ડ (કુલ 5 વિકેટ)
આ મેચની શરૂઆત પહેલા ઓસ્ટ્રેલિયન કેપ્ટન પેટ કમિન્સે સ્કોટ બોલેન્ડને બોલિંગમાં તેની ટીમનું એક્સ ફેક્ટર જણાવ્યું હતું. આ મેચમાં પણ જોવા મળ્યું હતું. જેમાં બોલેન્ડે આ મેચ દરમિયાન ભારતીય બોલરોને સૌથી વધુ પરેશાન કર્યા હતા. બોલેન્ડે આ મેચમાં કુલ 5 વિકેટ લીધી હતી. જેમાં તેણે પ્રથમ દાવમાં ગિલ અને ભરતને બોલ્ડ કર્યા હતા. બીજા દાવમાં ગિલ સિવાય વિરાટ કોહલી અને રવીન્દ્ર જાડેજાને પોતાનો શિકાર બનાવ્યા હતા.
5 – નાથન લિયોન (કુલ 5 વિકેટ)
આ મેચમાં ઓફ સ્પિનર નાથન લિયોને ભારતીય ટીમના પ્રથમ દાવના નિર્ણાયક સમયે રવિન્દ્ર જાડેજાની વિકેટ મેળવીને તેની ટીમને સંપૂર્ણ રીતે મેચમાં પરત લાવી હતી. બીજી ઈનિંગમાં લિયોને એવા સમયે રોહિત શર્માની વિકેટ લીધી જ્યારે તે ખતરનાક દેખાઈ રહ્યો હતો. આ સિવાય લિયોને બીજી ઇનિંગમાં ભરત, શાર્દુલ અને મોહમ્મદ સિરાજને પણ પોતાનો શિકાર બનાવ્યા હતા.
ટ્રેન્ડિંગ સમાચાર
ટોપ સ્ટોરી
