Hockey World Cup: નેધરલેન્ડે બનાવ્યો વર્લ્ડ રેકોર્ડ, ચિલીને 14-0થી કચડ્યુ
નેધરલેન્ડ્સ, ઈંગ્લેન્ડ અને મલેશિયાએ ગુરુવારે (19 જાન્યુઆરી) હોકી વર્લ્ડકપમાં પોતપોતાની મેચ જીતી લીધી.
નેધરલેન્ડ્સ, ઈંગ્લેન્ડ અને મલેશિયાએ ગુરુવારે (19 જાન્યુઆરી) હોકી વર્લ્ડકપમાં પોતપોતાની મેચ જીતી લીધી. નેધરલેન્ડ્સે પુલ Cમાં ચિલીને 14-0થી કચડી નાખ્યું હતું. મલેશિયાએ આ જ ગ્રુપમાં ન્યૂઝીલેન્ડને 3-2થી હરાવ્યું હતું. આ સાથે જ પુલ ડીમાં ઈંગ્લેન્ડે સ્પેનને 4-0થી હરાવ્યું હતું. નેધરલેન્ડે પુલ-સીમાં જોરદાર જીત મેળવીને સીધા ક્વાર્ટર ફાઇનલમાં પહોંચી ગયું હતું. જ્યારે, મલેશિયા અને ન્યૂઝીલેન્ડને ક્રોસઓવરમાં રમવાનું રહેશે.
⚠️ 𝐒𝐭𝐚𝐭 𝐀𝐥𝐞𝐫𝐭 ⚠️
— International Hockey Federation (@FIH_Hockey) January 19, 2023
𝐅𝐮𝐥𝐥-𝐓𝐢𝐦𝐞: 𝐍𝐞𝐭𝐡𝐞𝐫𝐥𝐚𝐧𝐝𝐬 𝟏𝟒-𝟎 𝐂𝐡𝐢𝐥𝐞
Netherlands register the biggest ever win at an FIH Hockey Men's World Cup by scoring 14 unanswered goals against Chile. #HWC2023
📱- Download the @watchdothockey app for all updates. pic.twitter.com/Cad4sCZ5C7
વર્લ્ડકપના ઈતિહાસની સૌથી મોટી જીતમાં નેધરલેન્ડે ચિલીને 14-0થી હરાવ્યું હતું. તેણે ઓસ્ટ્રેલિયાનો રેકોર્ડ તોડ્યો હતો. કાંગારૂ ટીમે 2010માં નવી દિલ્હીમાં દક્ષિણ આફ્રિકા સામે 12-0થી જીત મેળવી હતી. મલેશિયાએ ન્યૂઝીલેન્ડ સામેની જીત સાથે ગ્રુપમાં બીજા સ્થાને રહી. કિવી ટીમ ત્રીજા સ્થાને રહી હતી. પ્રથમ વખત વર્લ્ડ કપમાં ભાગ લેનાર ચિલીની ટીમ ટૂર્નામેન્ટમાંથી બહાર થઈ ગઈ હતી.
Check out the current points table and team's standings of FIH Odisha Hockey Men's World Cup 2023 Bhubaneswar - Rourkela.#HockeyComesHome #HockeyHaiDilMera #OdishaForHockey #HWC2023 #HockeyWorldCup2023 pic.twitter.com/2peLtbRJmq
— Odisha Sports (@sports_odisha) January 20, 2023
નેધરલેન્ડને મેચમાં 18 પેનલ્ટી કોર્નર મળ્યા જેમાંથી છને ગોલમાં ફેરવ્યા હતા. ચિલીને બે પેનલ્ટી કોર્નર આપવામાં આવ્યા હતા. મેચના હીરો જીપ જાનસેન હતો જેણે નેધરલેન્ડ માટે ચાર ગોલ સાથે સૌથી વધુ ગોલ કર્યા હતા. તેણે આ તમામ ગોલ (6, 29મી, 34મી, 44મી મિનિટે) પેનલ્ટી કોર્નર પર કર્યા હતા. તેના સિવાય બ્રિંકમેન થિએરીએ (25મી, 33મી, 58મી મિનિટે) ત્રણ ગોલ કર્યા હતા અને બાઇજેન કોઈને (40મી, 45મી મિનિટે) બે ગોલ કર્યા હતા, જ્યારે વિલ્ડર ડેરિક (22મી મિનિટે), વેન ડેમ થિસ (23મી મિનિટે), પ્રિટર્સ ટેરેન્સ (23મી મિનિટે) 37મી મિનિટે) ), બ્લોક જસ્ટિન (42મી મિનિટ), બેનિસ ટુઈને (48મી મિનિટ) એક-એક ગોલ કર્યો હતો.
નેધરલેન્ડ પુલ સીમાં ત્રણ જીત અને નવ પોઈન્ટ સાથે આગળ છે, જ્યારે મલેશિયા બે જીત, એક હાર અને છ પોઈન્ટ સાથે બીજા ક્રમે છે. ન્યૂઝીલેન્ડ (ત્રણ પોઈન્ટ) ત્રીજા સ્થાને અને ચિલી (0 પોઈન્ટ) ચોથા સ્થાને છે.
ટોપ સ્ટોરી
ટ્રેન્ડિંગ સમાચાર
