ICC ટેસ્ટ રેન્કિંગમાં કોહલી સિવાય આ ભારતીય બેટ્સમેનો પણ રહી ચુક્યા છે નંબર 1, જાણો વિગત

નવી દિલ્હીઃ ઈંગ્લેન્ડ સામે ભારતીય ટીમ બર્મિંઘમ ટેસ્ટ ભલે 31 રને હારી ગઈ હોય પરંતુ મેચમાં ટીમ ઈન્ડિયાના કેપ્ટન વિરાટ કોહલીએ કરેલા શાનદાર પ્રદર્શનના કારણે એક મોટી ઉપલબ્ધિ હાંસલ કરી લીધી છે. આઈસીસીના તાજા ટેસ્ટ રેન્કિંગમાં કોહલી 934 રેટિંગ પોઈન્ટ સાથે વિશ્વનો નંબર એક બેટ્સમેન બની ગયો છે. આઈસીસીના નંબર 1 ટેસ્ટ બેટ્સમેન બનનારો કોહલી 7મો ભારતીય છે.

ભારતના વિસ્ફોટક ઓપનર વિરેન્દ્ર સેહવાગે 2010માં સાઉથ આફ્રિકા સામે ફટકારેલી સદીના કારણે નંબર 1નું સ્થાન મેળવ્યું હતું. શ્રીલંકા સામેની શ્રેણીમાં પણ શાનદાર પ્રદર્શન કરવા બદલ તેણે કરિયરના સર્વાધિક 866 પોઈન્ટ મેળવી નંબર 1 બેટ્સમેન બન્યો હતો.