Commonwealth Games 2026: દિલીપ ગાવિતે જીત્યો ગોલ્ડ, શ્રીશંકરે લાંબીકૂદમાં જીત્યો સિલ્વર મેડલ

એથ્લેટિક્સમાં ભારતના સ્ટાર લોંગ જમ્પર મુરલી શ્રીશંકરે 8.09 મીટરના કૂદકા સાથે સતત બીજા કોમનવેલ્થ ગેમ્સમાં સિલ્વર મેડલ જીત્યો.

ભારતે પેરા-એથ્લેટિક્સમાં ઇતિહાસ રચ્યો હતો

Source : ANI

Show Quick Read

Key points generated by AI, verified by newsroom

• મુરલી શ્રીશંકરે લોંગ જમ્પમાં સતત બીજો સિલ્વર જીત્યો.
• પેરા-એથ્લેટિક્સમાં દિલીપ-બાસિલે ઐતિહાસિક ગોલ્ડ-સિલ્વર મેડલ મેળવ્યા.
• ભારતીય બોક્સરોએ સેમિફાઇનલમાં પહોંચી 10 મેડલ પાક્કા કર્યા.

ગ્લાસગો કોમનવેલ્થ ગેમ્સ 2026માં ભારત માટે સિદ્ધિઓનો દિવસ હતો. એથ્લેટિક્સમાં ભારતના સ્ટાર લોંગ જમ્પર મુરલી શ્રીશંકરે 8.09 મીટરના કૂદકા સાથે સતત બીજા કોમનવેલ્થ ગેમ્સમાં સિલ્વર મેડલ જીત્યો. પેરા-એથ્લેટિક્સમાં ભારતે પુરુષોની 100 મીટર T47 ઇવેન્ટમાં ગોલ્ડ અને સિલ્વર બંને જીતીને ઇતિહાસ રચ્યો. વધુમાં ભારતીય બોક્સરોએ તેમના અગાઉના શ્રેષ્ઠ પ્રદર્શનને પાછળ છોડી દીધું અને રિંગમાં ઓછામાં ઓછા 10 મેડલ પાક્કા કર્યા હતા. 

27 વર્ષીય મુરલી શ્રીશંકર કોમનવેલ્થ ગેમ્સના ઇતિહાસમાં લાંબી કૂદમાં સતત બે મેડલ જીતનાર પ્રથમ ભારતીય ખેલાડી બન્યો હતો. તેણે  2022 બર્મિંગહામ ગેમ્સમાં પણ સિલ્વર મેડલ જીત્યો હતો. ગ્લાસગોમાં જમૈકાના તાજે ગેલે 8.15 મીટરના કૂદકા સાથે ગોલ્ડ મેડલ જીત્યો, જ્યારે સ્કોટલેન્ડના સ્ટીફન મેકેન્ઝી (8.08 મીટર) એ બ્રોન્ઝ મેળવ્યો. ઇવેન્ટમાં અન્ય એક ભારતીય લોકેશ સત્યનાથન 7.97 મીટરના શ્રેષ્ઠ પ્રયાસ સાથે પાંચમા સ્થાને રહ્યો હતો. 

"Today is Guru Purnima...": Dilip Gavit dedicates CWG gold medal to his coach Vaijanath Kale

Read @ANI Story | https://t.co/1gMvoikJ2u#CWG #DilipGavit #GuruPurnima #VaijanathKale pic.twitter.com/5zaVuNBDCj

— ANI Digital (@ani_digital) July 29, 2026

પેરા-એથ્લેટિક્સમાં ઐતિહાસિક ગોલ્ડ મેડલ

શ્રીશંકરના સિલ્વર મેડલ પછી તરત જ ભારતે પેરા-એથ્લેટિક્સમાં ઇતિહાસ રચ્યો હતો. દિલીપ મહાદુ ગાવિતે પુરુષોની 100 મીટર T47 ઇવેન્ટમાં 10.71 સેકન્ડના નવા ગેમ્સ રેકોર્ડ સાથે ગોલ્ડ મેડલ જીત્યો. ભારતના જ મોહમ્મદ બાસિલ મોરસિંગાનકથે પણ 10.83 સેકન્ડના સમય સાથે સિલ્વર મેડલ જીત્યો હતો.

આ કોમનવેલ્થ ગેમ્સમાં આ ભારતનો ત્રીજો ગોલ્ડ મેડલ છે. અગાઉ મીરાબાઈ ચાનુ (વેઈટલિફ્ટિંગ) અને શર્મિલા ઢાકા (મહિલા શોટપુટ F57) ભારત માટે ગોલ્ડ મેડલ જીતી ચૂકી છે. આ ત્રણ મેડલ સાથે ભારતનો કુલ મેડલ ટેલી 15 (3 ગોલ્ડ, 9 સિલ્વર, 3 બ્રોન્ઝ) પર પહોંચી ગયો છે. ભારત મેડલ ટેબલમાં આઠમા ક્રમે છે.

બોક્સરોએ 10 મેડલ પાક્કા કર્યા 

ભારતીય બોક્સરોએ પણ શાનદાર પ્રદર્શન કર્યું, સેમિફાઇનલમાં સ્થાન મેળવીને ઓછામાં ઓછા 10 મેડલ મેળવ્યા હતા. સાક્ષી ચૌધરી (51 કિગ્રા), અરુંધતી ચૌધરી (70 કિગ્રા), સચિન સિવાચ (60 કિગ્રા), અંકુશ પંઘાલ (80 કિગ્રા), નરેન્દ્ર બરવાલ (+90 કિગ્રા) અને વિશ્વ ચેમ્પિયન જેસ્મીન લાબોરિયા (57 કિગ્રા) અંતિમ ચારમાં પ્રવેશી છે. લવલીના બોરગોહેન (75 કિગ્રા), પ્રિયા ઘંઘાસ (60 કિગ્રા), પ્રીતિ પવાર (54 કિગ્રા) અને જાદુમણી સિંહ (55 કિગ્રા) પણ સેમિફાઇનલમાં પ્રવેશી છે.

દિવસના અંતિમ મુકાબલામાં જૈસ્મીને ઇંગ્લેન્ડની એલિસ ગ્લિનને 4-1થી હરાવીને 57 કિગ્રા સેમિફાઇનલમાં પ્રવેશ કર્યો. છ જીત સાથે સેમિફાઇનલમાં પહોંચનારા ભારતીય બોક્સરોની સંખ્યા 10 પર પહોંચી ગઈ છે. આ બર્મિંગહામ 2022માં જીતેલા ભારતના અગાઉના સાત મેડલના રેકોર્ડને વટાવી ગયો છે.

આ પણ વાંચો

Commonwealth Games 2026: શર્મિલા ધનખડે રચ્યો ઈતિહાસ, પૈરા શૉટ પુટમાં જીત્યો ગોલ્ડ

Commonwealth Games 2026: હરજિંદરનું રેકોર્ડબ્રેક પ્રદર્શન, ગુલવીરની ઐતિહાસિક દોડ, ભારતે જીત્યા વધુ બે સિલ્વર મેડલ