વેસ્ટ ઇન્ડીઝ સામે વિરાટ કોહલી પાસે છે ધોનીનો આ સૌથી મોટો રેકોર્ડ તોડવાની તક, જાણો વિગતે

વિરાટ કોહલીએ અત્યાર સુધીમાં 46 ટેસ્ટ મેચોમાં ટીમ ઇન્ડિયાની આગેવીની કરી છે અને તેમાથી 26માં જીત મેળવી છે.

નવી દિલ્હીઃ ટીમ ઇન્ડિયાના પૂર્વ કેપ્ટન મહેન્દ્ર સિંહ ધોનીએ 2014ના અંતમાં ટેસ્ટ ક્રિકેટમાંથી નિવૃત્તીની જાહેરાત કરી હતી, પરંતુ ટેસ્ટ ક્રિકેટમાં કેપ્ટ તરીકે ભારત તરફથી સૌથી વધારે જીતનો રેકોર્ડ આજે પણ ધોનીના નામે જ નોંધાયેલ છે. વેસ્ટ ઇન્ડિઝ વિરૂદ્ધ બે મેચની ટેસ્ટ સીરીઝના પ્રથમ ટેસ્ટમાં ટીમ ઇન્ડિયા જીતી જાય તો વિરાટ કોહલી ધોનીની બરાબરી કરી લેશે અને જો ટીમ ઇન્ડિયા સીરીઝ 2-0થી જીતી જાય તો વિરાટ સૌથી સફળ ભારતીય કેપ્ટન બની જશે. વિરાટ કોહલીએ અત્યાર સુધીમાં 46 ટેસ્ટ મેચોમાં ટીમ ઇન્ડિયાની આગેવીની કરી છે અને તેમાથી 26માં જીત મેળવી છે. વિન્ડિઝને હરાવતાની સાથે જ વિરાટ કોહલી કેપ્ટન તરીકે 28 મેચ જીતાડનાર કેપ્ટન બની જસે. હાલમાં આ રેકોર્ડ ધોનીના નામે છે. તેની કેપ્ટનશીપમાં ભારતે 60 ટેસ્ટમાંથી 27માં જીત મેળવી છે. આમ સીરીઝ જીતવા પર વિરાટ ધોનીને પછાડીને સફળ ટેસ્ટ કેપ્ટન બની જશે કારણ કે આ મુકામ પર તેણે ઓછી મેચોમાં કેપ્ટનશીપ કરીને આગળ આવ્યો છે. વિરાટ આ સિરીઝ દરમિયાન ભારત માટે સૌથી વધારે ટેસ્ટ મેચોમાં કેપ્ટનશીપ કરવાના મામલે પણ ત્રીજા ક્રમે પહોંચી જશે. મહેન્દ્ર સિંહ ધોની (60) અને સૌરવ ગાંગુલી (49) છે વિરાટ આ સિરીઝ બાદ તેમનાથી આગળ નિકળી જશે. વિરાટ આ સિરીઝ બાદ મોહમ્મદ અઝરૂદ્દીન અને સુનીલ ગાવસ્કરને પણ પછાડી દેશે. બંન્ને 47-47 ટેસ્ટ મેચોમાં ટીમ ઇન્ડિયાની કમાન સંભાળી હતી.