પંજાબ સામે જીત પર શાહરૂખે આ ખેલાડી માટે કર્યો ખાસ મેસેજ, જાણો વિગતે

શાહરૂખે પોતાના ટ્વિટર એકાઉન્ટ પર પોતાની એક તસવીર પોસ્ટ કરતાં લખ્યું, મારા કેપ્ટન દિનેશ કાર્તિકે મને હસવા માટે કહ્યું હતું, કારણ કે મેચ પહેલા હું ખૂબ જ નિરાશ હતો. આ તસવીર તેના માટે છે. સાથે જ શાહરૂખે પોતાની ટીમ અને ખેલાડીઓનો આભાર માન્યો. સ્પષ્ટ છે કે કોલકાતાના ફેન્સ તેનાથી ખૂબ જ ખુશ થયા હશે, કારણ કે આશા હજુ જીવંત છે.

કોલકાતા માટે આ જીત અનેક રીતે મહત્ત્વપૂર્ણ હતી, કારણ કે તેનાથી એક તો કોલકાતાના પ્લેઓફમાં પહોંચવાની આશા જળવાઈ રહી છે. બીજુ આ જીતથી ટીમના માલિક શાહરૂખ ખૂબ જ ખુશ થયા. કોલકાતાની જીત અને તેની સ્પિરિટથી ખુશ શાહરૂખ ખાને સોશિયલ મીડિયા પર પોતાની ટીમના કેપ્ટન દિનેશ કાર્તિકને ડેડિકેટ કરતાં એક ખાસ મેસેજ પોસ્ટ કર્યો.