IPL પહેલા આ દિગ્ગજ ખેલાડી આવ્યો ફોર્મમાં, 12 છગ્ગા ફટકારી બનાવ્યા 120 રન

છેલ્લા ઘણા સમયથી યુવરાજ ભારતીય ટીમની બહાર છે. એક સમયે ટીમનો આધારસ્તંભ ગણાતા યુવી માટે છેલ્લા કેટલાક વર્ષો ખૂબ જ કપરાં રહ્યાં છે. IPLની એક સીઝનમાં તેના માટે 16 કરોડ રૂપિયાની બોલી લાગી હતી જ્યારે આ વખતે તે માત્ર 2 કરોડ રૂપિયામાં વેચાયો છે. આવામાં, યુવરાજ પાસે પોતાને પૂરવાર કરવા માટેની આ છેલ્લી તક છે.

ઉલ્લેખનીય છે કે, યુવરાજ અત્યાર સુધી કિંગ્સ ઈલેવન પંજાબ, પુણે વૉરિયર્સ, રૉયલ ચેલેન્જર્સ બેંગ્લોર, દિલ્હી ડેરડેવિલ્સ અને સનરાઈઝર્સ હૈદરાબાદ માટે રમી ચૂક્યો છે. આ વખતે તે પોતાની હોમ ટીમ કિંગ્સ ઈલેવન પંજાબ માટે રમતો દેખાશે. આ સીઝનમાં તેને પંજાબ 2 કરોડ રૂપિયામાં ખરીદ્યો છે.

યુવીએ પોતાની આ ઈનિંગમાં 12 જોરદાર છગ્ગા ફટકાર્યા તે IPL પહેલા કિંગ્સ ઈલેવન માટે સારા સંકેત છે કે, તેમનો ધુરંધર બેટ્સમેન પોતાના જૂના અંદાજમાં દેખાઈ રહ્યો છે. યુવીનો આ વીડિયો સોશિયલ મીડિયા પર ખૂબ જ વાયરલ થઈ રહ્યો છે.

નવી દિલ્હીઃ IPL 2018માં ટીમ ઇન્ડિયાના સિક્સર કિંગ યુવરાજ સિંહ આ વખતે કિંગ્સ ઇલેવન પંજાબ માટે રમતા જોવા મળશે. યુવરાજ સિંહની કિંગ્સ ઇલેવન પંજાબની ટીમમાં વાપસી થઈ છે અને આ વખતે ધમાકેદાર બેટિંગ કરતો જોવા મળશે. તેનો પુરાવો યુવરાજ સિંહે પ્રેક્ટિસ મેચમાં જ આપી દીધો છે. યુવરાજ સિંહે પ્રેક્ટિસ મેચમાં 12 છગ્ગા ફટકારતા 120 રન બનાવ્યા હતા.