ભારતના આ સ્ટાર ક્રિકેટરે મેચ રેફરીને રૂમમાં જઈને આપી ગાળો, કહ્યું- ભલે સજા આપો પણ મને.....

AB de Villiers of Royal Challengers Bangalore during match 7 of the Vivo Indian Premier League Season 12, 2019 between the Royal Challengers Bangalore and the Mumbai Indians held at the M Chinnaswamy Stadium in Bengaluru on the 28th March 2019 Photo by: Ron Gaunt /SPORTZPICS for BCCI

નવી દિલ્હીઃ હાલમાં અશ્વિનની માંકડિંગ વિવાદ ઠંડો પણ પડ્યો નથી કે ઇન્ડિયન ટી20 લીગમાં વધુ એક મેચ ખોટા નિર્ણને કારણે ચર્ચામાં આવ્યો છે. ગુરુવારે રાત્રે બેંગલોર અને મુંબઈની ટીમ આમને સામને હતી. ધારણા અનુસાર જ મેચ ખૂબ જ રોમાંચક રહ્યો. અંતિમ બોલ સુધી રોમાચ રહ્યો પરંતુ ખત્મ વિવાદ સાથે થયો. 6 રને પરાજય મળ્યા પછી રોયલ ચેલેન્જર્સ બેંગલોરનો કેપ્ટન વિરાટ કોહલી મેચ રેફરીના રૂમમાં ઘુસી ગયો હતો. રૂમમાં જઈને કોહલીએ રેફરીને ગાળો આપી હતી. અંગ્રેજી ન્યૂઝ ચેનલ ટાઇમ્સ નાઉએ રિપોર્ટ આપ્યો છે. જેમાં કહેવામાં આવ્યું છે કે મેચની પ્રેઝનટેશન સેરેમની પૂરી થતા જ કોહલી મેચ રેફરી મનુ નાયરના રૂમમાં ગયો હતો અને ખરાબ અમ્પાયરિંગને લઈને ગાળો આપી હતી. તેણે એમ પણ કહ્યું હતું કે જો આચાર સંહિતા તોડવાના ગુનામાં મને સજા પણ મળે તો તેની ચિંતા નથી.

બેંગલોરને અંતિમ બોલે જીતવા માટે 7 રનની જરૂર હતી. મલિંગાએ અંતિમ ઓવર ફેંકી હતી. મલિંગાના અંતિમ બોલે એક જ રન બન્યો હતો. આ પછી બોલનો રિપ્લે દેખાડવામાં આવ્યો તો ખબર પડી હતી કે મલિંગાનો પગ લાઇનથી આગળ હતો અને બોલ નો બોલ હતો. જેના ઉપર અમ્પાયર એસ રવિનું ધ્યાન ગયું ન હતું અને નો બોલ આપ્યો ન હતો. જો અમ્પાયરે નો બોલ આપ્યો હોત તો બેંગલોરને એક રન વધારાનો મળત અને બોલ પણ ફ્રી હીટ થઈ જાત. આવા સમયે બેંગલોર પાસે જીતવાની તક હતી. જોકે આમ બન્યું ન હતું અને કોહલીની ટીમનો 6 રને પરાજય થયો હતો.