IPL 2020 KKR vs KXIP: પંજાબની ગાડી કાંઠે આવીને ડૂબી, કોલકાતાએ 2 રનથી આપી હાર

કોલકાતા સામે જીત માટે 165 રનના લક્ષ્યાંક સામે 20 ઓવરમાં 5 વિકેટના નુકસાન પર પંજાબ 162 રન કરી શકતાં 2 રનથી હાર થઈ હતી.

(તસવીર સૌજન્યઃ IPL ટ્વિટર)

IPL 2020 KKR vs KXIP: ઈન્ડિયન પ્રીમિયર લીગમાં આજે 24મો મુકાબલો કોલકાતા નાઇટ રાઇડર્સ અને કિંગ્સ ઇલેવન પંજાબ વચ્ચે રમાયો હતો. મેચમાં કોલકાતાએ ટોસ જીતીને પ્રથમ બેટિંગનો નિર્ણય લીધો હતો. જીત માટે 165 રનના લક્ષ્યાંક સામે 20 ઓવરમાં 5 વિકેટના નુકસાન પર પંજાબ 162 રન કરી શકતાં 2 રનથી હાર થઈ હતી. લોકેશ રાહુલ-મયંક અગ્રવાલની બેટિંગ પર સુનીલ નરેને ફેરવ્યું પાણી પંજાબ તરફથી લોકેશ રાહુલ અને મયંક અગ્રવાલની જોડીએ શાનદાર શરૂઆત અપાવી હતી. બંનેએ પ્રથમ વિકેટ માટે 14.2 ઓવરમાં 115 રન ઉમેર્યા હતા. મયંક અગ્રવાલે 39 બોલમાં 6 ચોગ્ગા અને 1 છગ્ગા સાથે 56 રન, નિકોલસ પૂરને 10 બોલમાં 16 રન બનાવ્યા હતા. સુનીલ નરેને ચેન્નઈ સામેની મેચની જેમ આ વખતે પણ અંતિમ ઓવરોમાં બોલિંગ કરીને બે વિકેટ ઝડપી હતી. કાર્તિકની કેપ્ટન ઈનિંગ

આ પહેલા કોલકાતાએ 20 ઓવરમાં 6 વિકેટના નુકસાન પર 164 રન બનાવ્યા હતા. ટોસ જીતીને બેટિંગમાં ઉતરેલી કોલકાતાની શરૂઆત નબળી રહી હતી. 14 રનના સ્કોર પર રાહુલ ત્રિપાઠી અને નીતિશ રાણાની વિકેટ ગુમાવી દીધી હતી. જે બાદ ઈયોન મોર્ગન અને શુબમન ગિલે બાજી સંભાળી હતી. મોર્ગને 23 બોલમાં 24 રન બનાવ્યા હતા. શુબમન ગિલ 47 બોલમાં 5 ચોગ્ગા સાથે 57 રન બનાવી આઉટ થયો હતો. કેપ્ટન દિનેશ કાર્તિકે 29 બોલમાં 58 રન ફટકાર્યા હતા.

કોલકાતાની પ્લેઈંગ 11: રાહુલ ત્રિપાઠી, શુભમન ગિલ, નીતીશ રાણા, સુનિલ નારાયણ, ઓઇન મોર્ગન, આન્દ્રે રસેલ, દિનેશ કાર્તિક, પેટ કમિન્સ, કમલેશ નાગરકોટી, પ્રસિદ્ધ કૃષ્ણ અને વરુણ ચક્રવર્તી પંજાબની પ્લેઈંગ 11: લોકેશ રાહુલ, મયંક અગ્રવાલ, મંદીપ સિંહ, નિકોલસ પૂરન, સિમરન સિંહ, ગ્લેન મેક્સવેલ, મુજિબ ઉર રહેમાન, ક્રિસ જોર્ડન, રવિ બિશ્નોઇ, મોહમ્મદ શમી અને અર્શદીપ સિંહ