IPL ઓક્શનઃ 20 લાખ રૂપિયાની બેસ પ્રાઇઝ ધરાવતો ખેલાડી વેચાયો 5 કરોડમાં, 5 બોલમાં 5 છગ્ગા મારીને આવ્યો હતો ચર્ચામાં

જયપુરઃ આઈપીએલ 2019માં તમામ ટીમો વધારે મજબૂત બનાવવા માટે આજે જયપુરમાં હરાજીમાં હિસ્સો લઈ રહી છે. રોયલ ચેલેન્જર્સ બેંગ્લોરની ટીમે મુંબઈના યુવા બેટ્સમેન શિવમ દુબેને 5 કરોડ રૂપિયાની જંગી રકમમાં ખરીદ્યો છે. તેની બેસ પ્રાઇઝ માત્ર 20 લાખ રૂપિયા હતી.

શિવમે અત્યાર સુધીમાં 6 ફર્સ્ટ ક્લાસ મેચમાં 63ની સરેરાશથી 567 રન બનાવ્યા છે. ઉપરાંત 22 વિકેટ પણ ઝડપી છે. તેણે 13 ટી 20 મેચમાં 189 રન અને 10 વિકેટ પણ ઝડપી છે.

થોડા દિવસો પહેલા રણજી ટ્રોફી મેચમાં રમતા ઓલરાઉન્ડર શિવમ દુબેએ બરોડાના ડાબોડી સ્પિનર સ્વપનિલ સિંહની એક ઓવરમાં 5 બોલ પર 5 છગ્ગા માર્યા હતા.