IPL હરાજી બાદ CSK એ તૈયાર કરી પોતાની એક ચેમ્પિયન ટીમ, આ છે સંભવિત પ્લેઇંગ-11

CSK Possible Playing XI IPL 2025: આઈપીએલ 2023માં ઋતુરાજ ગાયકવાડ અને ડેવૉન કૉનવેની ઓપનિંગ જોડીએ વિરોધી બૉલરોને ભૂત બનાવી દીધા હતા

(તસવીર- એબીપી લાઇવ)

Source : એબીપી લાઇવ

CSK Possible Playing XI IPL 2025: IPL 2025 ની મેગા હરાજી શરૂ થતાની સાથે જ ચેન્નાઈ સુપર કિંગ્સની રણનીતિ સ્પષ્ટ દેખાઈ રહી હતી કે તે તેના જૂના ખેલાડીઓને ફરીથી ખરીદવા માંગે છે. CSK એ રવિચંદ્રન અશ્વિન, રચિન રવિન્દ્ર, ડેવૉન કૉનવે અને સેમ કરનને પણ ખરીદ્યા છે. કેટલાક એવા ખેલાડીઓ હતા જેમને ચેન્નાઈ પાછા ખરીદી શકી ન હતી, પરંતુ ઋતુરાજ ગાયકવાડની આગેવાની હેઠળની આ ટીમના પ્લેઈંગ ઈલેવનને કમ્પૉઝ કરવું મુશ્કેલ કામ નથી, કારણ કે આ ખેલાડીઓ પહેલા પણ સાથે રમી ચૂક્યા છે. સંભવતઃ આગામી સિઝનમાં ટીમના કૉમ્બિનેશનમાં બહુ બદલાવ જોવા મળશે નહીં.

આવી હોઇ શકે છે CSK ની પ્લેઇંગ ઇલેવન 
આઈપીએલ 2023માં ઋતુરાજ ગાયકવાડ અને ડેવૉન કૉનવેની ઓપનિંગ જોડીએ વિરોધી બૉલરોને ભૂત બનાવી દીધા હતા. IPL 2023માં ગાયકવાડ અને કૉનવેએ અનુક્રમે 590 અને 672 રન બનાવ્યા હતા. હવે IPL 2025માં આ બંને ખેલાડીઓ CSK માટે ઓપનિંગ કરતા જોવા મળી શકે છે. વિશ્વ ક્રિકેટમાં રચિન રવિન્દ્રનું કદ વધ્યું છે અને ગયા વર્ષે પણ તેણે ત્રીજા નંબર પર બેટિંગ કરતા 10 મેચમાં 222 રન બનાવ્યા હતા.

આ વખતે CSK એ રાહુલ ત્રિપાઠીને 3.40 કરોડ રૂપિયામાં ખરીદીને મોટો જુગાર રમ્યો છે. ત્રિપાઠી મીડલ ઓર્ડરમાં બેટિંગ કરતા જોવા મળી શકે છે. અહીં રવિન્દ્ર જાડેજા અને શિવમ દુબે ઓલરાઉન્ડરોની યાદીમાં આવે છે, જેમને CSK દ્વારા અનુક્રમે રૂ. 18 કરોડ અને રૂ. 12 કરોડમાં જાળવી રાખવામાં આવ્યા હતા. ચેન્નાઈની ટીમ પણ મજબૂત બની છે કારણ કે 'પ્રૉફેસર' રવિચંદ્રન અશ્વિન 10 વર્ષ પછી આ ટીમમાં વાપસી કરવા જઈ રહ્યો છે. આ દરમિયાન એમએસ ધોની પણ છે, જેણે ગત સિઝનમાં 220થી વધુના સ્ટ્રાઈક રેટ સાથે રમીને બધાને ચોંકાવી દીધા હતા.

અશ્વિન પછી ટીમનો બીજો મુખ્ય સ્પિન બૉલર અફઘાનિસ્તાનનો નૂર અહેમદ બની શકે છે, જેને ચેન્નાઈએ 10 કરોડ રૂપિયામાં ખરીદ્યો છે. ખલીલ અહેમદ અને મથિશા પથિરાના ફાસ્ટ બૉલિંગને સંભાળી શકે છે. ઝડપી બૉલિંગમાં CSK પાસે કમલેશ નાગરકોટી, અંશુલ કંબોજ અને નાથન એલિસ સહિત ઘણા સારા વિકલ્પો હશે.

IPL 2025 માટે CSK ની સંભવિત પ્લેઈંગ XI: - 
ઋતુરાજ ગાયકવાડ, ડેવૉન કૉનવે, રચિન રવિન્દ્ર, રાહુલ ત્રિપાઠી, શિવમ દુબે, રવિન્દ્ર જાડેજા, એમએસ ધોની, રવિચંદ્રન અશ્વિન, મથિશા પાથિરાના, ખલીલ અહેમદ, નૂર અહેમદ.

આ પણ વાંચો