GT vs RR Final: દમદાર બોલિંગથી પંડ્યાએ પોતાના નામે કર્યો મોટો રેકોર્ડ, ફાઈનલમાં આમ કરનાર બીજો કેપ્ટન બન્યો

IPL 2022ની ફાઈનલ મેચ આજે અમદાવાદના નરેન્દ્ર મોદી સ્ટેડિયમમાં રમાઈ રહી છે.

હાર્દિક પંડ્યા

GT vs RR: IPL 2022ની ફાઈનલ મેચ આજે અમદાવાદના નરેન્દ્ર મોદી સ્ટેડિયમમાં રમાઈ રહી છે. ગુજરાત ટાઇટન્સ અને રાજસ્થાન રોયલ્સ વચ્ચેની આ મેચ રાત્રે 8 વાગ્યે શરૂ થઈ હતી. ટોસ જીતીને પ્રથમ બેટિંગ કરવા ઉતરેલી રાજસ્થાનની શરૂઆત ખાસ રહી ન હતી. ગુજરાતના કેપ્ટન હાર્દિક પંડ્યાએ રાજસ્થાનના 3 મુખ્ય બેટ્સમેનોને પેવેલિયન મોકલ્યા હતા. આ સાથે તેણે એક ખાસ રેકોર્ડ પણ પોતાના નામે કર્યો. IPLની ફાઇનલમાં આવું કરનાર તે બીજો કેપ્ટન બન્યો છે.

સંજુ સેમસનને પેવેલિયન મોકલ્યો:
હાર્દિક પંડ્યાએ 9મી ઓવરના બીજા બોલ પર રાજસ્થાનના કેપ્ટન સંજુ સેમસનની વિકેટ લીધી હતી. સંજુએ 11 બોલમાં 14 રન બનાવ્યા હતા. આ ઇનિંગમાં તેણે 2 ચોગ્ગા ફટકાર્યા હતા. આ પછી ગુજરાતના કેપ્ટન પંડ્યાએ રાજસ્થાનના ઓપનર જોસ બટલરને 39ના સ્કોર પર પેવેલિયન મોકલી દીધો હતો. રિદ્ધિમાન સાહાએ વિકેટની પાછળ બટલરનો શાનદાર કેચ પકડ્યો હતો. બટલર આ સિઝનમાં શાનદાર ફોર્મમાં હતો જોકે આજે ફાઇનલ મેચમાં સારી શરૂઆત બાદ પણ તે મોટો સ્કોર કરી શક્યો ન હતો. પંડ્યાએ તેને વધુ રન બનાવે તે પહેલાં આઉટ કર્યો હતો.

4 ઓવરમાં 17 રન આપ્યાઃ
પંડ્યાની બોલિંગ અહીં અટકી ન હતી અને તેણે 15મી ઓવરના છેલ્લા બોલ પર શિમરોન હેટમાયરને પેવેલિયન મોકલી દીધો હતો. હેટમાયરે 12 બોલમાં 11 રન બનાવ્યા હતા. પંડ્યાએ તેનો શાનદાર કેચ લીધો હતો. આ સાથે હાર્દિક IPLની ફાઇનલમાં શાનદાર બોલિંગ કરનાર બીજો બોલર બની ગયો છે. તેણે 4 ઓવરમાં 17 રન આપીને 3 વિકેટ લીધી હતી. આ તેની આઈપીએલ કારકિર્દીનું સર્વશ્રેષ્ઠ પ્રદર્શન છે. અગાઉ IPL 2009માં અનિલ કુંબલેએ 16 રન આપીને 4 વિકેટ લીધી હતી.

Caught & bowled! 👏 👏

Wicket No. 3⃣ for the @gujarat_titans captain @hardikpandya7! 👌 👌

What an outstanding #TATAIPL 2022 Final he is having! 👍 👍 #GTvRR#RR lose their fifth wicket as Shimron Hetmyer gets out.

Follow The Final ▶️ https://t.co/8QjB0b5UX7 pic.twitter.com/BI1jXHLXCd

— IndianPremierLeague (@IPL) May 29, 2022