IPL 2026: ધોની બાદ CSK ને વધુ એક મોટો ફટકો, ટીમનો સ્ટાર યુવા બેટ્સમેન થયો ઇજાગ્રસ્ત

સોમવારે રાજસ્થાન રોયલ્સ સામેની પહેલી મેચ પહેલા જ ચેન્નાઈ સુપર કિંગ્સની મુશ્કેલીઓ વધી; ડેવાલ્ડ બ્રેવિસ 'સાઈડ સ્ટ્રેન'ના કારણે શરૂઆતની 2 થી 3 મેચ ગુમાવી શકે છે.

IPL 2026, CSK Blow as Dewald Brevis & MS Dhoni Set to Miss Initial Games

Source : PTI

Show Quick Read

Key points generated by AI, verified by newsroom

• ડેવાલ્ડ બ્રેવિસને સાઈડ સ્ટ્રેનની ઈજા, ૨-૩ મેચ નહીં રમે.
• નાથન એલિસ અને ધોની પણ ઈજાગ્રસ્ત, ટીમની ચિંતા વધી.
• બ્રેવિસની ગેરહાજરી મિડલ ઓર્ડર માટે મોટો ઝટકો.
• મેટ્યુ શોર્ટ બ્રેવિસની જગ્યા લઈ શકે, મેથ્યુ શોર્ટ વિકલ્પ.

CSK Injury Update: ઇન્ડિયન પ્રીમિયર લીગ (IPL) 2026 ની 19મી સિઝનની શરૂઆત પહેલા જ ચેન્નાઈ સુપર કિંગ્સ (CSK) ને એક પછી એક મોટા આંચકા લાગી રહ્યા છે. ટીમ મેનેજમેન્ટ હજુ નાથન એલિસ અને ભૂતપૂર્વ કેપ્ટન એમએસ ધોનીની ઇજાના સમાચારમાંથી બહાર આવ્યું ન હતું, ત્યાં હવે ટીમના વિસ્ફોટક યુવા બેટ્સમેન ડેવાલ્ડ બ્રેવિસના રૂપમાં વધુ એક ખરાબ સમાચાર સામે આવ્યા છે. અહેવાલો મુજબ, સાઉથ આફ્રિકાનો આ યુવા ખેલાડી 'સાઇડ સ્ટ્રેન'ની ઇજાથી પીડાઈ રહ્યો છે, જેના કારણે તે આગામી 2 થી 3 મેચ રમી શકશે નહીં. સોમવારે રમાનારી પહેલી જ મેચ પહેલા આવેલા આ સમાચારે ફેન્સ અને ફ્રેન્ચાઇઝી બંનેની ચિંતા વધારી દીધી છે.

CSK પોતાની આ સિઝનની પહેલી મેચ 30 માર્ચ, સોમવારના રોજ રાજસ્થાન રોયલ્સ સામે રમવા મેદાનમાં ઉતરશે. પરંતુ આ મેચ પહેલા જ ચેન્નાઈની છાવણીમાં ઇજાગ્રસ્ત ખેલાડીઓની યાદી લાંબી થઈ રહી છે. સૌથી પહેલા ઓસ્ટ્રેલિયન ફાસ્ટ બોલર નાથન એલિસ ઇજાના કારણે આખી ટૂર્નામેન્ટમાંથી બહાર થઈ ગયો હતો. ત્યારપછી શુક્રવારે (27 માર્ચ) CSK એ સત્તાવાર નિવેદન આપીને જણાવ્યું કે ધોની ઇજાગ્રસ્ત છે અને તેને સાજા થવામાં 15 દિવસ (બે અઠવાડિયા) જેટલો સમય લાગી શકે છે. હવે સ્પોર્ટ્સ વેબસાઈટ 'રેવ સ્પોર્ટ્સ'ના રિપોર્ટ અનુસાર, ડેશિંગ બેટ્સમેન ડેવાલ્ડ બ્રેવિસ પણ ઇજાગ્રસ્ત છે. જોકે, ફ્રેન્ચાઇઝી દ્વારા હજુ સુધી બ્રેવિસની ઇજા કે તેની ગેરહાજરી અંગે કોઈ સત્તાવાર જાહેરાત કરવામાં આવી નથી.

ચેન્નાઈ માટે કેમ મહત્વનો છે ડેવાલ્ડ બ્રેવિસ?

ડેવાલ્ડ બ્રેવિસની ગેરહાજરી ચેન્નાઈના મિડલ ઓર્ડર માટે મોટો ઝટકો સાબિત થઈ શકે છે. ગયા વર્ષે જ CSK સાથે જોડાયેલા આ યુવા બેટ્સમેને પોતાની પહેલી જ સિઝનમાં શાનદાર બેટિંગ કરીને ટીમના બેટિંગ ઓર્ડરને મજબૂત ટેકો આપ્યો હતો. તેણે માત્ર 6 ઇનિંગ્સમાં 37.50 ની શાનદાર સરેરાશ અને 180 ના તોફાની સ્ટ્રાઇક રેટથી 225 રન ફટકાર્યા હતા. આ દરમિયાન તેણે બે શાનદાર અડધી સદી પણ લગાવી હતી, જેમાં તેનો હાઇએસ્ટ સ્કોર 57 રન હતો.

બ્રેવિસની જગ્યા કોણ લેશે?

ટીમમાં કેપ્ટન ઋતુરાજ ગાયકવાડ અને સંજુ સેમસન જેવા આક્રમક બેટ્સમેનો છે, પરંતુ તેઓ ટોપ ઓર્ડરમાં રમે છે. આવી સ્થિતિમાં મિડલ ઓર્ડરમાં બ્રેવિસ ન હોવાથી આક્રમક બેટિંગ અને રનરેટ વધારવાનો બધો જ ભાર ડાબા હાથના બેટ્સમેન શિવમ દુબે પર આવી જશે. હવે સૌથી મોટો સવાલ એ છે કે જો બ્રેવિસ મેદાનમાં નહીં ઉતરે તો પ્લેઇંગ ઇલેવનમાં તેની જગ્યાએ કયા વિદેશી ખેલાડીને રમાડવામાં આવશે? ટીમના સ્ક્વોડ પર નજર કરીએ તો ઓસ્ટ્રેલિયાનો મેથ્યુ શોર્ટ એકમાત્ર એવો વિકલ્પ દેખાય છે જે બ્રેવિસનું સ્થાન લઈ શકે. અત્યારે તો તમામ CSK ચાહકો બસ એ જ આશા રાખી રહ્યા છે કે આ સ્ટાર બેટ્સમેન વહેલી તકે ફિટ થઈને મેદાનમાં પરત ફરે.

IPL 2026 માટે ચેન્નાઈ સુપર કિંગ્સ (CSK) ની ટીમ:

ઋતુરાજ ગાયકવાડ (કેપ્ટન), ડેવાલ્ડ બ્રેવિસ, એમએસ ધોની, ઉર્વીલ પટેલ, સંજુ સેમસન, શિવમ દુબે, રામકૃષ્ણ ઘોષ, આયુષ મ્હાત્રે, શ્રેયસ ગોપાલ, જેમી ઓવરટોન, ખલીલ અહેમદ, અંશુલ કંબોજ, ગુરજાપનીત સિંહ, મુકેશ ચૌધરી, નૂર અહેમદ, પ્રશાંત અહેમદ, શૌર્ય અહેમદ, અમન ખાન, સરફરાઝ ખાન, મેટ હેનરી, રાહુલ ચહર, ઝકેરી ફોલ્કેસ, સ્પેન્સર જોન્સન અને કાર્તિક શર્મા.

આ પણ વાંચો

IPL 2026 ની પહેલી જ મેચમાં ફિલ સોલ્ટ બન્યો 'સુપરમેન': હવામાં ડાઈવ લગાવી પકડ્યા 2 અદ્ભુત કેચ!