IPLની આ સિઝનમાં ફાક ડુ પ્લેસીસ દમદાર કેપ્ટન સાબિત થયો, જાણો કોણ કોણ છે ટૉપ પર........

આઇપીએલમાં એક કેપ્ટન તરીકે સૌથી વધુ રન બનાવવાના મામલામાં કેએલ રાહુલ પહેલા નંબર પર છે, લખનઉ સુપર જાયન્ટ્સના કેપ્ટન રાહુલે અત્યાર સુધી 537 રન બનાવ્યા છે.

ફાઇલ તસવીર

Faf du Plessis, IPL 2022: રૉયલ ચેલેન્જર્સ બેંગ્લૉરે મુંબઇના વાનખેડે સ્ટેડિયમમાં ગઇકાલ રમાયેલી મેચમાં ગુજરાત ટાઇટન્સને હરાવી દીધુ. આ મેચમાં આરસીબીની કેપ્ટને ફાક ડુ પ્લેસીસે 44 રનની ઉપયોગી ઇનિંગ રમી. ડુ પ્લેસીસે એક ઉપલબ્ધિ પોતાના નામે કરી લીધી છે. તે આ સિઝનમાં એક કેપ્ટન તરીકે સૌથી વધુ રન બનાવવાના મામલામાં બીજા નંબર પર પહોંચી ગયો છે. ડુ પ્લેસીસની ટીમ આરસીબીએ આઇપીએલ 2022માં અત્યાર સુધી દમદાર પ્રદર્શન કર્યુ છે.  

આઇપીએલમાં એક કેપ્ટન તરીકે સૌથી વધુ રન બનાવવાના મામલામાં કેએલ રાહુલ પહેલા નંબર પર છે, લખનઉ સુપર જાયન્ટ્સના કેપ્ટન રાહુલે અત્યાર સુધી 537 રન બનાવ્યા છે. જ્યારે ડુ પ્લેસીસ 443 રન સાથે બીજા નંબર પર પહોંચ્યો છે. તેને આઇપીએલમાં 2022 માં 3 ફિફ્ટી ફટકારી છે, તેનો સર્વશ્રેષ્ઠ સ્કૉર 96 રનનો છે. આઇપીએલ 2022 માં એક કેપ્ટન તરીકે સૌથી વધુ રન બનાવવાના મામલામાં હાર્દિક પંડ્યા ત્રીજા નંબર પર છે. ગુજરાત ટાઇટન્સના કેપ્ટન હાર્દિક પંડ્યાએ 413 રન બનાવ્યા છે. 

ઉલ્લેખનીય છે કે બેંગ્લૉરની ટીમ ગુજરાત સામે મેચ જીત્યા બાદ પૉઇન્ટ ટેબલમાં ચોથા નંબર પર પહોંચી ગઇ છે. આરસીબીએ આ સિઝનમાં 14 મેચો રમતા 8 માં જીત હાંસલ કરી છે, જ્યારે તેને 6 મેચોમાં હારનો સામનો કરવો પડ્યો છે. આ જીત બાદ ટીમની પ્લેઓફનાં પહોંચવાની આશા જીવંત રહી છે. જોકે તેને રનરેટ સારો નથી. આરસીબીનો રનરેટ -0.253 છે.

આ પણ વાંચો..........