IPL 2024: CSK-RCB મેચ અગાઉ યોજાશે ઓપનિંગ સેરેમની, અક્ષય-ટાઇગર સહિત આ સ્ટાર્સ કરશે પરફોર્મ
IPL 2024 Opening Ceremony:આ મેચ ચેન્નઈના એમએ ચિદમ્બરમ સ્ટેડિયમમાં રમાવાની છે. સૌપ્રથમ તો ઓપનિંગ સેરેમનીમાં હાજરી આપવા માટે ઘણા ફિલ્મ સ્ટાર્સ મેદાનમાં હાજર રહેશે
IPL 2024 Opening Ceremony: ઈન્ડિયન પ્રીમિયર લીગની 17મી સીઝન 22 માર્ચથી શરૂ થઈ રહી છે, પરંતુ પ્રથમ મેચ રમાય તે પહેલા રંગારંગ કાર્યક્રમ મેદાનમાં દર્શકોનો ઉત્સાહ વધારવામાં મદદ કરશે. પ્રથમ મેચ રોયલ ચેલેન્જર્સ બેંગ્લોર (RCB) અને ચેન્નઈ સુપર કિંગ્સ (CSK) વચ્ચે રમાશે. આ મેચ ચેન્નઈના એમએ ચિદમ્બરમ સ્ટેડિયમમાં રમાવાની છે. સૌપ્રથમ તો ઓપનિંગ સેરેમનીમાં હાજરી આપવા માટે ઘણા ફિલ્મ સ્ટાર્સ મેદાનમાં હાજર રહેશે. કહેવામાં આવી રહ્યું છે કે આ સમારોહ 30 મિનિટ સુધી ચાલશે.
The stage is set, the lights are bright, and the stars are ready to shine at the #TATAIPL 2024 Opening Ceremony! 🎉🥳
Get ready for an unforgettable fusion of cricket and entertainment ft. a stellar lineup! ✨
🗓22nd March
⏰6:30 PM onwards pic.twitter.com/7POPthFITx— IndianPremierLeague (@IPL) March 20, 2024
ઉદ્ઘાટન સમારોહમાં કયા ફિલ્મ સ્ટાર્સ પરફોર્મ કરશે?
IPL 2024ની ઓપનિંગ સેરેમનીમાં અક્ષય કુમાર અને ટાઇગર શ્રોફ પણ હાજર રહેશે. આ બંને કલાકારોની નવી ફિલ્મ 'બડે મિયાં છોટે મિયાં' 10 એપ્રિલે રિલીઝ થવાની છે. અક્ષય અને ટાઈગર તેમની ફિલ્મના પ્રમોશન માટે સાથે પરફોર્મ કરતા જોવા મળશે.
આ ઉદ્ઘાટન સમારોહમાં તેમના સિવાય ભારતના પ્રખ્યાત સંગીતકાર એઆર રહેમાન અને સોનુ નિગમ પણ ભાગ લેવાના છે.. સોશિયલ મીડિયા પર સ્ટેડિયમની તસવીરો સામે આવી રહી છે કે મેદાનમાં રંગબેરંગી લાઈટો લગાવવામાં આવી છે. આ તમામ ફિલ્મ સ્ટાર્સ સ્ટેડિયમમાં હાજર હજારો દર્શકો માટે પ્રદર્શન કરવા માટે સંપૂર્ણ રીતે તૈયાર હશે.
ક્યારે અને ક્યાંથી થશે IPL 2024નું ઉદઘાટન સમારોહ ?
IPL 2024 ની ઓપનિંગ સેરેમની MA ચિદમ્બરમ સ્ટેડિયમમાં CSK vs RCB મેચની શરૂઆતના થોડા સમય પહેલા 22 માર્ચે સાંજે 6:30 વાગ્યે શરૂ થશે.
IPL 2024ની મેચ કયા સમયે શરૂ થશે ?
IPL 2024 ની ઓપનિંગ મેચ 22 માર્ચે ચેન્નાઈના MA ચિદમ્બરમ સ્ટેડિયમમાં યોજાવા જઈ રહી છે, જે રાત્રે 8 વાગ્યે શરૂ થશે. અન્ય મેચોની વાત કરીએ તો બપોરની મેચ ભારતીય સમય અનુસાર બપોરે 3.30 વાગ્યે શરૂ થશે અને સાંજની મેચ સાંજે 7:30 વાગ્યે શરૂ થશે.
ટ્રેન્ડિંગ સમાચાર
ટોપ સ્ટોરી
