IPL: ગુજરાતની હાર છતાં હાર્દિક પંડ્યાના નામે નોંધાયો આ ખાસ રેકોર્ડ, ધોની-પોલાર્ડના લિસ્ટમાં થયો સામેલ

ગુજરાતની ઇનિંગમાં કેપ્ટન હાર્દિક પંડ્યા ફરી એકવાર શાનદાર ફોર્મમાં જોવા મળ્યો, તેને બેંગ્લૉર સામે તાબડતોડ ઇનિંગ રમતા 62 રનોની ઉપયોગી બેટિંગ કરી હતી.

ફાઇલ તસવીર

Hardik Pandya Record Royal Challengers Bangalore vs Gujarat Titans IPL 2022: રૉયલ ચેલેન્જર્સ બેંગ્લૉર અને ગુજરાત ટાઇટન્સ વચ્ચે ગઇરાત્રે રોમાંચક મેચ જોવા મળી, ગુજરાતને બેંગ્લૉરે 8 વિકેટે હરાવીને પ્લેઓફમાં પહોંચવાની પોતાની આશાને જીવંત રાખી છે, તો વળી બીજુબાજુ ગુજરાત ટાઇટન્સ પહેલાથી જ પ્લેઓફમાં પહોંચી ચૂક્યુ છે.

ગુજરાતની ઇનિંગમાં કેપ્ટન હાર્દિક પંડ્યા ફરી એકવાર શાનદાર ફોર્મમાં જોવા મળ્યો, તેને બેંગ્લૉર સામે તાબડતોડ ઇનિંગ રમતા 62 રનોની ઉપયોગી બેટિંગ કરી હતી. આ દરમિયાન તેને 3 છગ્ગા ફટકાર્યા હતા. પોતાની આ ઇનિંગની મદદથી હાર્દિકે પોતાના નામે એક ખાસ રેકોર્ડ કરી લીધો છે. તેને મહેન્દ્ર સિંહ ધોની અને કીરોન પોલાર્ડ સાથે જોડાયેલા એક લિસ્ટમાં જગ્યા મળી છે. હાર્દિક આઇપીએલની 20મી ઓવરમાં સૌથી વધુ છગ્ગા ફટકારવાના મામલામાં ચોથા નંબર પર પહોંચી ગયો છે. 

આઇપીએલમાં 20મી ઓવરમાં સૌથી વધુ છગ્ગા ફટકારવાનો રેકોર્ડ મહેન્દ્ર સિંહ ધોનીના નામે છે, ધોનીએ છેલ્લી એવોરમાં અત્યાર સુધી 52 છગ્ગા ફટકાર્યા છે, જ્યારે કીરોન પોલાર્ડ આ મામલામાં બીજા નંબર પર છે, તેને 33 છગ્ગા ફટકાર્યા છે. રવિન્દ્ર જાડેજા આ મામલામાં ત્રીજા નંબર પર છે તેને 26 છગ્ગા ફટકાર્યા છે. આ મામલામાં હાર્દિક, રોહિત શર્માને પાછળ પાડીને ચોથા નંબર પર પહોંચી ગયો છે, હાર્દિક પંડ્યાએ 25 અને રોહિત શર્માએ 23 છગ્ગા ફટકાર્યા છે.

આઇપીએલની 20મી ઓવરમા સૌથી વધુ છગ્ગા -
52 - મહેન્દ્ર સિંહ ધોની
33 - કીરોન પોલાર્ડ
26 - રવિન્દ્ર જાડેજા
25 - હાર્દિક પંડ્યા
23 - રોહિત શર્મા

આ પણ વાંચો..........