LSG vs MI Head to Head: લખનઉમાં સામે ખરાબ છે મુંબઈનો રેકોર્ડ, અહીં જુઓ હેડ ટૂ હેડ આંકડા
IPL 2025ની 16મી મેચ આજે લખનઉ સુપર જાયન્ટ્સ અને મુંબઈ ઈન્ડિયન્સ વચ્ચે રમાશે. ઈકાના ક્રિકેટ સ્ટેડિયમમાં રમાનાર આ મેચ સાંજે 7.30 કલાકે શરૂ થશે.
LSG vs MI Head to Head: IPL 2025ની 16મી મેચ આજે લખનઉ સુપર જાયન્ટ્સ અને મુંબઈ ઈન્ડિયન્સ વચ્ચે રમાશે. ઈકાના ક્રિકેટ સ્ટેડિયમમાં રમાનાર આ મેચ સાંજે 7.30 કલાકે શરૂ થશે. લખનઉ સામે 5 વખતની ચેમ્પિયન મુંબઈના આંકડા ઘણા ખરાબ છે, જેના કારણે આજની મેચમાં ઋષભ પંત અને ટીમ માનસિક રીતે મજબૂત રહેશે.
હાર્દિક પંડ્યા મુંબઈ ઈન્ડિયન્સની બીજી મેચ રમી રહ્યો છે, પ્રથમ મેચમાં સૂર્યકુમાર યાદવની કેપ્ટન્સીમાં ટીમ ચેન્નાઈ સામે હારી ગઈ હતી. હાર્દિક બીજી મેટમાં આવ્યો હતો પરંતુ અહીં પણ તેને ગુજરાતના હાથે હારનો સામનો કરવો પડ્યો હતો. મુંબઈ ઈન્ડિયન્સે ત્રીજી મેચમાં પ્રથમ જીત નોંધાવી હતી. લખનઉ સુપર જાયન્ટ્સની વાત કરીએ તો, ટીમ આ જ મેદાન (ઈકાના ક્રિકેટ સ્ટેડિયમ, લખનઉ) પર છેલ્લી મેચમાં હારી ગઈ છે. એલએસજીની 3 મેચમાં આ બીજી હાર હતી.
આજે લખનઉમાં કેવું રહેશે હવામાન ?
મેચની દૃષ્ટિએ આજે લખનઉનું હવામાન સારું રહેશે. વરસાદની કોઈ શક્યતા નથી, જો કે સાંજે કેટલાક વાદળો આવી શકે છે પરંતુ વરસાદની અપેક્ષા નથી. 19 ટકા ભેજ રહેશે અને 11 કિલોમીટર પ્રતિ કલાકની ઝડપે પવન ફૂંકાશે. મેચ દરમિયાન તાપમાન 29 ડિગ્રી સેલ્સિયસ સુધી રહેશે.
લખનઉ સુપર જાયન્ટ્સ વિ મુંબઈ ઈન્ડિયન્સ હેડ ટૂ હેડ રેકોર્ડ
મુંબઈ ઈન્ડિયન્સ અને લખનઉ સુપર જાયન્ટ્સ બંને વચ્ચે અત્યાર સુધીમાં કુલ 6 મેચ રમાઈ છે, જેમાં મુંબઈનો રેકોર્ડ ખૂબ જ ખરાબ છે. લખનઉએ 6માંથી 5 મેચ જીતી છે જ્યારે મુંબઈ માત્ર એક જ વાર લખનઉને હરાવી શક્યું છે.
MI સામે LSGનો સૌથી વધુ ટોટલ- 196
MI સામે LSGનો સૌથી વધુ ટોટલ- 132
LSG સામે MIનો સૌથી વધુ ટોટલ - 214
LSG સામે MIનો સૌથી વધુ ટોટલ - 101
ઈકાના ક્રિકેટ સ્ટેડિયમમાં IPL રેકોર્ડ
લખનઉના આ મેદાન પર કુલ 15 આઈપીએલ મેચ રમાઈ છે. આમાં, પ્રથમ બેટિંગ કરનાર ટીમે 7 વખત જીત મેળવી છે અને પ્રથમ બોલિંગ કરનારી ટીમ એટલી જ વખત જીતી છે. અહીં સૌથી વધુ વ્યક્તિગત સ્કોર 89 છે, જે 2023માં મુંબઈ ઈન્ડિયન્સ વિરુદ્ધ માર્કસ સ્ટોઈનિસે બનાવ્યો હતો. અહીં સૌથી મોટો ટીમનો કુલ સ્કોર 235 છે, જે KKR દ્વારા છેલ્લી સિઝનમાં લખનઉ સામે જ બનાવ્યો હતો. અહીં સૌથી મોટો રન ચેઝ 177 છે, જે પંજાબ કિંગ્સે એલએસજી સામે કર્યો હતો.
ટોપ સ્ટોરી
ટ્રેન્ડિંગ સમાચાર
