KKR માટે 200 વિકેટ લઈને આ ખેલાડીએ રચ્યો ઇતિહાસ, IPLમાં આવું કારનામું કરનાર વિશ્વનો એક માત્ર બોલર
KKR vs SRH: ગુરુવારે સનરાઇઝર્સ હૈદરાબાદ સામે કમિન્ડુ મેન્ડિસની વિકેટ લઈને કોલકાતા નાઈટ રાઇડર્સ માટે આ ખેલાડીએ 200 વિકેટ પૂર્ણ કરી. KKR એ આ મેચ 80 રનથી જીતી લીધી.
Sunil Narine IPL Record: ગુરુવારે રાત્રે રમાયેલી IPL મેચમાં, કોલકાતા નાઈટ રાઇડર્સે સનરાઇઝર્સ હૈદરાબાદને 80 રનથી હરાવ્યું. કેકેઆરના બોલર સુનીલ નારાયણે મેચમાં એક વિકેટ લઈને ઇતિહાસ રચ્યો. તેણે આ ફ્રેન્ચાઇઝી માટે 200 વિકેટ પૂર્ણ કરીને એક મોટો રેકોર્ડ બનાવ્યો છે. લીગ ક્રિકેટમાં એક જ ફ્રેન્ચાઇઝી માટે 200 વિકેટ લેનાર તે વિશ્વનો માત્ર બીજો બોલર છે.
SUNIL NARINE COMPLETED 200 WICKETS FOR KKR...!!!
— Johns. (@CricCrazyJohns) April 3, 2025
- One of the Greatest ever. 🐐 pic.twitter.com/jJOfbU7P19
201 રનના લક્ષ્યાંકનો પીછો કરવા ઉતરેલી સનરાઇઝર્સ હૈદરાબાદની ટીમ 120 રનમાં ઓલઆઉટ થઈ ગઈ હતી. વૈભવ અરોરાએ ટ્રેવિસ હેડ (4) અને ઇશાન કિશન (2) ના રૂપમાં શરૂઆતમાં બે વિકેટ લીધી. અભિષેક શર્મા પણ 2 રન બનાવીને હર્ષિત રાણાનો શિકાર બન્યો. ટીમે ફક્ત 9 રનમાં તેના ટોચના 3 બેટ્સમેનોની વિકેટ ગુમાવી દીધી. આક્રમક બેટિંગ માટે જાણીતી ટીમનો ગુરુવારે KKR સામે ખરાબ પરાજય થયો. આ મેચમાં સ્પિનર સુનીલ નારાયણે એક મોટો રેકોર્ડ પોતાના નામે કર્યો.
સુનીલ નારાયણ આવું કરનાર પ્રથમ બોલર બન્યો
સુનીલ નારાયણે મેચમાં પોતાની એકમાત્ર વિકેટ કમિન્ડુ મેન્ડિસના રૂપમાં 10મી ઓવરના ત્રીજા બોલ પર લીધી. મેન્ડિસે 20 બોલમાં 27 રન બનાવ્યા. આ વિકેટ સાથે, સુનીલ નારાયણે KKR ફ્રેન્ચાઇઝ માટે 200 વિકેટ પૂર્ણ કરી છે. સુનીલ નારાયણે IPLમાં KKR માટે 182 વિકેટ લીધી છે જ્યારે ચેમ્પિયન્સ લીગ T20 માં આ જ ફ્રેન્ચાઇઝ માટે 18 વિકેટ લીધી છે.
સુનીલ નારાયણ વિશ્વ ક્રિકેટમાં આ સિદ્ધિ મેળવનાર બીજો બોલર બન્યો
સુનીલ નારાયણ એક જ ફ્રેન્ચાઇઝી ટીમ માટે 200 વિકેટ લેનાર વિશ્વ ક્રિકેટમાં બીજા બોલર બન્યા છે. પટેલે આ પહેલા આ કારનામુ કર્યું છે. તેણે નોટિંગહામશાયર ટીમ માટે 208 વિકેટ લીધી છે. આ શાનદાર જીત બાદ, કોલકાતા નાઈટ રાઈડર્સ પોઈન્ટ ટેબલમાં 5મા સ્થાને પહોંચી ગયું છે જ્યારે અગાઉ તેઓ સૌથી નીચે (10મા) સ્થાને હતા. આ KKRનો 4 મેચમાં બીજો વિજય છે. KKRનો આગામી મુકાબલો 8 એપ્રિલે લખનૌ સુપર જાયન્ટ્સ સામે છે.
T20 માં ટીમ માટે સૌથી વધુ વિકેટો
વિકેટ બોલર્સ ટીમ
208 સમિત પટેલ નોટિંગહામશાયર
200* સુનિલ નારાયણ કેકેઆર
199 ક્રિસ વુડ હેમ્પશાયર
195 લસિથ મલિંગા મુંબઈ ઈન્ડિયન્સ
193 ડેવિડ પાયને ગ્લુસ્ટરશાયર
ટોપ સ્ટોરી
ટ્રેન્ડિંગ સમાચાર
