મુંબઈ ઈન્ડિયન્સને લાગ્યો મોટો ઝટકો, બહાર થયો મેચ વિનર ખેલાડી
મુંબઈ ઈન્ડિયન્સને IPL 2025 સીઝનમાં મોટો ઝટકો સ્પિનર વિગ્નેશ પુથુરના રુપમાં લાગ્યો છે, જે ઈજાને કારણે બાકીની સીઝનમાંથી બહાર થઈ ગયો છે.
મુંબઈ ઈન્ડિયન્સને IPL 2025 સીઝનમાં મોટો ઝટકો સ્પિનર વિગ્નેશ પુથુરના રુપમાં લાગ્યો છે, જે ઈજાને કારણે બાકીની સીઝનમાંથી બહાર થઈ ગયો છે. આ વિગ્નેશ પુથુરની પહેલી IPL સીઝન હતી, જેમાં તેણે પોતાની પહેલી જ મેચમાં શાનદાર બોલિંગ પ્રદર્શનથી બધાને પ્રભાવિત કર્યા. વિગ્નેશ પુથુર બહાર થયા બાદ મુંબઈ ઇન્ડિયન્સે તેના સ્થાને રિપ્લેસમેન્ટ ખેલાડીનું નામ પણ જાહેર કર્યું છે.
મુંબઈ ઈન્ડિયન્સ ટીમમાં વિગ્નેશની જગ્યાએ રઘુ શર્માનો સમાવેશ
વિગ્નેશ પુથુર બહાર થતાં, મુંબઈ ઈન્ડિયન્સે હવે IPL 2025 સીઝનના બાકીના સમય માટે લેગ-સ્પિનર રઘુ શર્માને તેમની ટીમમાં સ્થાન આપ્યું છે. રઘુએ પંજાબ અને પુડુચેરી માટે ઘરેલુ ક્રિકેટ રમ્યું છે, જેમાં તેણે 11 ફર્સ્ટ ક્લાસ મેચોમાં 19.59 ની સરેરાશથી કુલ 57 વિકેટ લીધી છે, જેમાં તેનું શ્રેષ્ઠ પ્રદર્શન 56 રનમાં 7 વિકેટ છે. જ્યારે રઘુ શર્માએ લિસ્ટ-એ ક્રિકેટમાં 9 મેચોમાં 14 વિકેટ લીધી છે. રઘુએ અત્યાર સુધીમાં ત્રણ ટી20 મેચ પણ રમી છે અને તેમાં ત્રણ વિકેટ લેવામાં સફળ રહ્યો છે. મુંબઈ ઈન્ડિયન્સ ટીમે રઘુ શર્માને તેની બેઝ પ્રાઈસ 30 લાખ રૂપિયા પર પોતાની ટીમનો ભાગ બનાવ્યો છે. જો આપણે વિગ્નેશ પુથુરની વાત કરીએ તો, તેણે કુલ 5 મેચ રમી જેમાં તેણે 18.17 ની સરેરાશથી 6 વિકેટ લેવામાં સફળ રહ્યો.
મુંબઈનો આગામી મુકાબલો રાજસ્થાન રોયલ્સ સામે છે
હાર્દિક પંડ્યાની કેપ્ટનશીપ હેઠળ IPL 2025 સીઝનમાં રમી રહેલી મુંબઈ ઈન્ડિયન્સ માટે શરૂઆતની કેટલીક મેચો અપેક્ષા મુજબ ન રહી હોય, પરંતુ છેલ્લી 5 મેચોમાં સતત જીત સાથે, મુંબઈની ટીમે શાનદાર વાપસી કરી છે, જેમાં તેને પ્લેઓફમાં પહોંચવાનું મજબૂત દાવેદાર માનવામાં આવે છે. મુંબઈ ઈન્ડિયન્સ આ સિઝનમાં પોતાની આગામી મેચ રાજસ્થાન રોયલ્સ સામે રમશે જે 1 મેના રોજ જયપુરના સવાઈ માનસિંહ સ્ટેડિયમમાં રમાશે. મુંબઈ ઈન્ડિયન્સની ટીમ હાલમાં 10 મેચમાં 12 પોઈન્ટ સાથે પોઈન્ટ ટેબલમાં ત્રીજા સ્થાને છે.
મુંબઈ ઈન્ડિયન્સની ટીમ પણ આ ટુર્નામેન્ટમાં શાનદાર પ્રદર્શન કરી રહી છે. હાર્દિકની ટીમ હાલમાં 10 મેચમાંથી છ જીત સાથે પોઈન્ટ ટેબલમાં ત્રીજા સ્થાને છે. તેઓએ તેમની છેલ્લી મેચ લખનૌ સુપર જાયન્ટ્સ સામે રમી હતી, જ્યાં તેઓએ 54 રનથી જીત મેળવી હતી. આ મેચમાં પણ મુંબઈ ઈન્ડિયન્સની ટીમ પોતાની જીતનો સિલસિલો જાળવી રાખવા માંગશે.
ટોપ સ્ટોરી
ટ્રેન્ડિંગ સમાચાર
