PBKS vs CSK Playing 11: શું ધોનીને બહાર કરશે ચેન્નઇ સુપરકિંગ્સ, પંજાબ પણ કરી શકે છે ફેરફાર

પહેલા ચેન્નઈને ચેપોકમાં આરસીબી સામે હારનો સામનો કરવો પડ્યો હતો અને પછી દિલ્હીએ પણ ચેન્નઈને તેના હોમ ગ્રાઉન્ડમાં હરાવ્યું હતું

એમએસ ધોની

Source : Social Media

પાંચ વખતની ચેમ્પિયન ચેન્નઈ સુપર કિંગ્સ માટે IPLની વર્તમાન સીઝન સારી ચાલી રહી નથી. તેણે ચારમાંથી ત્રણ મેચ હારી છે, જેમાંથી તેને તેના હોમ ગ્રાઉન્ડમાં બે વખત હારનો સામનો કરવો પડ્યો છે. હવે આ ટીમ તેમના ઘરઆંગણે પંજાબ કિંગ્સનો સામનો કરશે અને આ મેચમાં ટીમ મેનેજમેન્ટ મોટો નિર્ણય લઈ શકે છે.

પહેલા ચેન્નઈને ચેપોકમાં આરસીબી સામે હારનો સામનો કરવો પડ્યો હતો અને પછી દિલ્હીએ પણ ચેન્નઈને તેના હોમ ગ્રાઉન્ડમાં હરાવ્યું હતું. જો ચેન્નઈ જીતની લય મેળવવા માંગે છે તો તેમના માટે તે ખૂબ જ મુશ્કેલ બની જશે અને પ્લેઓફમાં તેમનું સ્થાન પણ જોખમમાં મુકાઈ શકે છે.

શું ધોનીને બહાર કરશે ચેન્નઇ?

છેલ્લી બે મેચમાં એમએસ ધોનીની બેટિંગ ટીમ માટે ચિંતાનો વિષય રહી છે. અંતમાં આવ્યા પછી પણ તે જરૂરી જાદુ બતાવી શકતો નથી. તે દિલ્હી સામે 12મી ઓવરમાં આવ્યો હતો અને જો તે પોતાના જૂના ફોર્મમાં હોત તો તે મેચ જીતાડી શક્યો હોત પરંતુ તે 26 બોલમાં ફક્ત અણનમ 30 રન જ કરી શક્યો છે. આનાથી ટીમને નુકસાન થયું હતું. આગામી મેચમાં ધોની આરામ કરી શકે છે અને વંશ બેદી, શેક રશીદ, રાહુલ ત્રિપાઠી અથવા આન્દ્રે સિદ્ધાર્થમાંથી કોઈ એકને તક આપી શકે છે.

ડેવોન કોનવે વિકેટકીપિંગની જવાબદારી સંભાળી શકે છે. આનાથી ટીમને ફાયદો થશે અને ધોનીને પણ આરામ મળશે. કોનવે અને કેપ્ટન ઋતુરાજ ગાયકવાડ ઇનિંગની શરૂઆત કરી શકે છે. રચિન રવિન્દ્ર ત્રીજા નંબરે આવી શકે છે. વિજય શંકરે છેલ્લી મેચમાં અડધી સદી ફટકારી હતી. તેના પછી રવિન્દ્ર જાડેજા બેટિંગમાં આવે છે.

બોલિંગની વાત કરીએ તો નૂર અહેમદ, રવિન્દ્ર જાડેજા અને રવિચંદ્રન અશ્વિનનું રમવું નિશ્ચિત છે. મુકેશ ચૌધરીને છેલ્લી મેચમાં તક મળી પરંતુ તે મોંઘો સાબિત થયો. તેના સ્થાને અંશુલ કંબોજને તક મળી શકે છે. આ ઉપરાંત ખલીલ અહેમદનું પણ રમવું નિશ્ચિત છે.

શું પંજાબ કરશે ફેરફાર?

પંજાબને તેની છેલ્લી મેચમાં હારનો સામનો કરવો પડ્યો હતો. રાજસ્થાન રોયલ્સે તેમને તેમના હોમ ગ્રાઉન્ડમાં હરાવ્યા. આ પંજાબની પ્રથમ ઘરઆંગણે મેચ હતી જેમાં તેને જીતની અપેક્ષા હતી. આનું કારણ એ પણ હતું કે પંજાબે તેની પાછલી બંને મેચ જીતી હતી અને હેટ્રિક પર નજર રાખી રહી હતી, જે થઈ શક્યું નહીં.

આ હાર પછી પણ પંજાબ કોઈ ફેરફાર કરે તેવી શક્યતા દેખાતી નથી. પ્રભસિમરન સિંહ અને પ્રિયાંશ આર્યની ઓપનિંગ જોડી ચેન્નઈને મુશ્કેલીમાં મૂકી શકે છે. કેપ્ટન શ્રેયસ ઐયર અને માર્કસ સ્ટોઈનિસ પણ અજાયબીઓ કરી શકે છે. છેલ્લી મેચમાં નેહલ વાઢેરાએ શાનદાર બેટિંગ કરી અને 62 રન ફટકાર્યા હતા. તેનું રમવું પણ નિશ્ચિત છે.

ગ્લેન મેક્સવેલ અને શશાંક સિંહ ફિનિશરની ભૂમિકા ભજવવાની જવાબદારી સંભાળશે. બોલિંગમાં અર્શદીપ સિંહ, માર્કો યાનસેન, યુઝવેન્દ્ર ચહલ અને લોકી ફર્ગ્યુસનના નામ પણ પ્લેઇંગ-11માં કન્ફર્મ થયા છે. ટીમ પ્રિયાંશ અને ચહલનો ઇમ્પેક્ટ પ્લેયર તરીકે ઉપયોગ કરી શકે છે.

બંને ટીમોની સંભવિત પ્લેઇંગ-11

ચેન્નઈ સુપર કિંગ્સઃ ઋતુરાજ ગાયકવાડ (કેપ્ટન), રચિન રવિન્દ્ર, ડેવોન કોનવે, વિજય શંકર, વંશ બેદી, રવિન્દ્ર જાડેજા, રવિચંદ્રન અશ્વિન, નૂર અહેમદ, અંશુલ કંબોજ, ખલીલ અહેમદ

પંજાબ કિંગ્સ: શ્રેયસ અય્યર (કેપ્ટન), પ્રભસિમરન સિંહ, માર્કસ સ્ટોઇનિસ, નેહલ વઢેરા, ગ્લેન મેક્સવેલ, શશાંક સિંઘ, માર્કો યાનસેન, અર્શદીપ સિંહ, લોકી ફર્ગ્યુસન, યુઝવેન્દ્ર ચહલ, સૂર્યાંશ શેડગે.