‎Womens IPL Auction 2023: પહેલી જ હરાજીમાં આ ભારતીય મહિલા ખેલાડી બની કરોડપતિ, મળશે અધધ કરોડ

‎Womens IPL Auction 2023: વિમેન્સ પ્રીમિયર લીગ માટે હરાજી શરૂ થઈ ગઈ છે. ભારતની સ્ટાર ઓપનર સ્મૃતિ મંધાના પહેલા સેટની સૌથી મોંઘી ખેલાડી બની છે. તેને આરસીબીએ 3.40 કરોડ રૂપિયામાં ખરીદી છે.

સ્મૃતિ મંધાના

‎Womens IPL Auction 2023: વિમેન્સ પ્રીમિયર લીગ માટે હરાજી શરૂ થઈ ગઈ છે. ભારતની સ્ટાર ઓપનર સ્મૃતિ મંધાના પહેલા સેટની સૌથી મોંઘી ખેલાડી બની છે. તેને આરસીબીએ 3.40 કરોડ રૂપિયામાં ખરીદી છે. તમને જણાવી દઈએ કે સ્મૃતિની બેઝ પ્રાઈસ 50 લાખ રુપિયા હતી. 

 

.@mandhana_smriti

Base Price: INR 50 Lakh

Goes to @RCBTweets: INR 3.40 Crore

How about that for the first-ever Player Bid in the history of the #WPLAuction! 👏 👏 pic.twitter.com/TYo51Auiz4

— Women's Premier League (WPL) (@wplt20) February 13, 2023

BCCIએ મહિલા હરાજી કરનારની પસંદગી કરી છે

ભારતીય ક્રિકેટ બોર્ડે મહિલા પ્રીમિયર લીગની હરાજી માટે મહિલા હરાજી કરનારની પસંદગી કરી છે. મહિલા IPLની પ્રથમ સિઝનની હરાજીમાં મલાઈકા અડવાણી હરાજી કરાવી રહ્યા છે. મલાઈકા અડવાણી વિશે વાત કરીએ તો, તે મુંબઈની રહેવાસી છે અને આર્ટ કલેક્ટર કન્સલ્ટન્ટ સાથે ઈન્ડિયા કન્સલ્ટન્ટ્સ ફર્મમાં ભાગીદાર તરીકે પણ કામ કરે છે.

એક ફ્રેન્ચાઇઝી વધુમાં વધુ 18 ખેલાડીઓની પસંદગી કરી શકશે

WPLની પ્રથમ સિઝનમાં 5 ટીમો હશે. આવી સ્થિતિમાં આ વખતે હરાજીમાં આ પાંચ ટીમોની ફ્રેન્ચાઈઝી પોતપોતાની ટીમ પસંદ કરશે. દરેક ફ્રેન્ચાઈઝી પોતાની ટીમમાં 15 થી 18 ખેલાડીઓ રાખી શકે છે. આવી સ્થિતિમાં ઓછામાં ઓછા 75 અને વધુમાં વધુ 90 ખેલાડીઓની હરાજી થશે. દરેક ફ્રેન્ચાઇઝી તેની ટીમમાં વધુમાં વધુ 6 વિદેશી ખેલાડીઓ ખરીદી શકે છે

પર્સમાં કુલ 60 કરોડ રૂપિયા

દરેક ફ્રેન્ચાઇઝીના પર્સમાં હરાજી માટે 12-12 કરોડ રૂપિયા હશે. એટલે કે કુલ 60 કરોડ રૂપિયા દાવ પર લાગશે. દરેક ફ્રેન્ચાઈઝી માટે હરાજીમાં ઓછામાં ઓછા 9-9 કરોડ રૂપિયા ખર્ચવા ફરજિયાત છે.  એવી અપેક્ષા રાખવામાં આવે છે કે હરાજી દરમિયાન તમામ ફ્રેન્ચાઇઝીઓના પર્સ સંપૂર્ણપણે ખાલી થઈ શકે છે. આ હરાજીમાં 24 ખેલાડીઓની મૂળ કિંમત 50 લાખ રૂપિયા છે. તે જ સમયે, 30 ખેલાડીઓની મૂળ કિંમત 40 લાખ રૂપિયા રાખવામાં આવી છે. આ પછી 30, 20 અને 10 લાખની બેઝ પ્રાઈઝ ધરાવતા ખેલાડીઓ પણ છે.

હરાજીમાં સૌથી વધુ ઓલરાઉન્ડર

આ હરાજીમાં ઓલરાઉન્ડરોની સંખ્યા સૌથી વધુ છે. ભારતના 127 ઓલરાઉન્ડર અને 73 વિદેશથી આ હરાજીમાં ભાગ લેશે. આ પછી બોલરોનો નંબર આવે છે. ભારતના 51 બોલરો અને વિદેશના 42 બોલરોને હરાજી માટે શોર્ટલિસ્ટ કરવામાં આવ્યા છે. બેટ્સમેનોમાં ભારતના 42 ખેલાડીઓ અને વિદેશના 29 ખેલાડીઓ અને વિકેટકીપર્સમાં ભારતના 26 અને વિદેશના 19 ખેલાડીઓનું નામ હરાજીની યાદીમાં છે.