PM Modi Cabinet: અનુરાગ ઠાકુરની છુટ્ટી બાદ ગુજરાતના આ નેતાને મળી રમતગમત મંત્રાલયની જવાબદારી
PM Modi Cabinet Ministry: જાણો મોદી 3.0 સરકારમાં રમતગમત મંત્રાલય કોને સોંપવામાં આવ્યું છે. રમત મંત્રાલય પહેલા અનુરાગ ઠાકુરના હાથમાં હતું.
PM Modi Cabinet Ministry: લોકસભા ચૂંટણી 2024માં એનડીએની જીત પછી, નરેન્દ્ર મોદીએ 9 જૂનની સાંજે સતત ત્રીજી વખત વડા પ્રધાન તરીકે શપથ લીધા. તે પછી સૌથી મોટો સવાલ એ હતો કે મોદી 3.0માં કયું મંત્રાલય કોને સોંપવામાં આવશે. હવે સમાચાર સામે આવ્યા છે કે મનસુખ માંડવિયાને રમતગમત મંત્રાલય સોંપવામાં આવ્યું છે. અગાઉ, માંડવિયા વર્ષ 2021 થી અગાઉની મોદી સરકારમાં આરોગ્ય મંત્રાલય સંભાળી રહ્યા હતા. મનસુખ માંડવિયા આ વખતે પોરબંદર બેઠક પરથી ચૂંટણી લડ્યા હતા અને હવે અનુરાગ ઠાકુરના સ્થાને રમતગમત મંત્રીનું પદ સંભાળશે.
નોંધનીય છે કે, આ વખતે મનસુખ માંડવિયાને ભાજપે પોરબંદરથી ટીકીટ આપી હતી. અહીં તેમની સાથે કોંગ્રેસે લલિત વસોયાને મેદાનમાં ઉતાર્યા હતા. આ સીટ પર મનસુખ માંડવિયાની 383360 મતોથી જીત થઈ હતી. તેમને કુલ 633118 મત મળ્યા હતા જ્યારે કોંગ્રેસના લલિત વસોયાને કુલ 249758 મત મળ્યા હતા.
કોણ છે મનસુખ માંડવિયા?
મનસુખ માંડવિયાનો જન્મ 1 જુલાઈ, 1972ના રોજ ભાવનગર, ગુજરાત ખાતે થયો હતો. તે એક સામાન્ય પરિવારમાંથી આવતા હતા અને તેના પિતા વ્યવસાયે ખેડૂત હતા. માંડવીયા પાટીદાર સમાજના લેઉઆ સમુદાયના છે, જેને ગુજરાતના રાજકારણમાં મહત્વની ભૂમિકા માનવામાં આવે છે. મનસુખભાઈ શરૂઆતથી જ સારો અભ્યાસ કર્યો છે અને તેના પરિવારમાં સૌથી નાના છે. તેને કુલ ચાર ભાઈઓ છે. બીજેપીના અન્ય નેતાઓની જેમ મનસુખભાઈએ પણ પ્રારંભિક જીવન એબીવીપી અને સંઘ સાથે વિતાવ્યું છે.
જેઓ તેમને ઓળખે છે તેઓ કહે છે કે માંડવિયાએ ભાજપની યુવા પાંખ, સંઘ અને એબીવીપી સાથે કામ કર્યું છે. એવું માનવામાં આવે છે કે તેમણે તેમની રાજકીય સફર પણ અહીંથી શરૂ કરી હતી. એક સમયે માંડવિયા ગુજરાત એગ્રો ઈન્ડસ્ટ્રીઝ કોર્પોરેશન લિમિટેડના ચેરમેન પણ રહી ચૂક્યા છે. માંડવિયા માત્ર 28 વર્ષની ઉંમરે પાલીતાણા મતવિસ્તારમાંથી ચૂંટણી જીત્યા અને સૌથી યુવા ધારાસભ્ય બન્યા હતા. જાણકારોનું કહેવું છે કે મનસુખ માંડવિયાને પદયાત્રાઓ કાઢવાનો ઘણો શોખ છે, તેઓ રાજકારણમાં યાત્રાઓનું મહત્વ સારી રીતે સમજે છે. આ કારણોસર, તેમણે 2005માં ધારાસભ્ય તરીકે તેમની પ્રથમ 123 કિલોમીટર લાંબી પદયાત્રા કાઢી હતી. આ પછી પણ આ સિલસિલો ચાલુ રહ્યો અને માંડવીયાએ અનેક પદયાત્રાઓ કાઢી. ગત લોકસભા ચૂંટણી દરમિયાન માંડવિયાએ 150 કિલોમીટર લાંબી યાત્રા કરી હતી.
એક રીતે મનસુખ માંડવિયાને મોદી સરકારના સંકટ મોચક તરીકે પણ જોવામાં આવે છે. જ્યારે દેશમાં કોરોનાનો પ્રકોપ હતો અને હર્ષવર્ધન સિંહને રાજીનામું આપવાની ફરજ પડી હતી, ત્યારે મુશ્કેલ સમયમાં પીએમ મોદીએ માંડવિયામાં વિશ્વાસ વ્યક્ત કર્યો હતો અને તેમના દ્વારા આવા ઘણા પગલાં લેવામાં આવ્યા હતા જેની આજે પણ પ્રશંસા થાય છે. પછી તે ઘણી જરૂરી દવાઓના દરમાં ઘટાડો કરવા અથવા સ્ટંટના ભાવમાં ઘટાડો કરવા.
પોરબંદર બેઠક
રાજકીય સમીકરણની વાત કરીએ તો આ બેઠક ભાજપનો ગઢ માનવામાં આવે છે, 1991થી અત્યાર સુધી કોંગ્રેસ અહીં માત્ર 2009માં જ જીતી શકી હતી. હાલમાં અહીંથી સાંસદ રમેશ ભાઈ ધડુક હતા જેમણે કોંગ્રેસના લલિત વસોયાને હરાવ્યા હતા. 1977માં પહેલીવાર અહીં ચૂંટણી યોજાઈ હતી, પહેલીવાર જનતા પાર્ટીના ઉમેદવાર આ બેઠક પરથી જીત્યા હતા. આ પછી 1980 અને 1984માં અહીંથી કોંગ્રેસના ઉમેદવારો જીત્યા હતા. આ બેઠક 1991માં ભાજપે કબજે કરી હતી અને અત્યાર સુધી આ બેઠક પર છે, 2009માં કોંગ્રેસના વિઠ્ઠલ રાદડિયા અહીંથી જીત્યા હતા, પરંતુ 2013માં તેઓ ભાજપમાં જોડાયા હતા અને પેટાચૂંટણીમાં ભાજપની ટિકિટ પર જીત્યા હતા. આ બેઠક ગોંડલ, જેતપુર ધોરાજી, પોરબંદર કુતિયાણા માણાવદર અને કેશોદ વિધાનસભા બેઠકોની બનેલી છે. અહીંની વસ્તી 21 લાખ છે, જેમાંથી 60 ટકા શહેરોમાં રહે છે. આ બેઠક પાટીદાર મતદારોની છે. તેઓ નક્કી કરે છે કે આ સીટ કયો ઉમેદવાર જીતશે. એવું માનવામાં આવે છે કે અહીં પાટીદાર મતદારો પર ભાજપની પકડ વધુ છે.
ટ્રેન્ડિંગ સમાચાર
ટોપ સ્ટોરી
