અનોખી મેચઃ માત્ર 2 રનમાં ઓલઆઉટ થઈ ટીમ, 1 બોલમાં મળી જીત

આવી રીતે કેરળને જીતવા માટે માત્ર 3 રન બનાવવાની જરૂર હતી. જેને તેમણે પહેલા જ બોલ પર બનાવી લીધા. ઈનિંગની શરૂઆત કરવા આવેલી દીપિકાએ પહેલા જ બોલ વાઈડ રહી, જ્યારે બીજા બોલ પર ઓપનર અંશુ એસ. રાજૂએ શોટ લગાવીને બોલ બાઉન્ડ્રી બહાર પહોંચાડી દીધો. આ પહેલા નાગાલેન્ડની ટીમે બીસીસીઆઈના પૂર્વોત્તર અંડર-19 વન-ડે કોમ્પિટિશનમાં મણિપુર વિરુદ્ધ 42 વાઈટ બોલ ફેંક્યા હતા. આ મુકાબલામાં 94 વાઈડ બોલ ફેંકાયા હતા.

કેરળ તરફથી અલીના સુરેન્દ્રન જ એકમાત્ર બોલર હતી, જેને વિકેટ નહોતી મળી. તેણે 3 ઓવરમાંથી 2 મેડન અને 2 રન આપ્યા. કેપ્ટન મિન્નૂ માનીએ 4 ઓવરમાં કોઈપણ રન આપ્યા વિના જ 4 વિકેટ ઝડપી. તો સૌરભ્યાએ પણ 6 ઓવર મેડન કર્યા અને 2 વિકેટ ઝડપી.

બીસીસીઆઈ વુમન અંડર-19 વન-ડે લીગ એન્ડ નોકાઆઉટ ટૂર્નામેન્ટમાં આ મેચમાં નાગાલેન્ડની ટીમના બેટ્સમેન કેરળની ધાતક બોલિંગનો સામનો ન કરી શકી. કેરળની ધાતક બોલિંગનો અંદાજો આ વાત પરથી જ લગાવી શકાય છે કે નાગાલેન્ડના 9 ખેલાડીઓ ખાતુ ખોલ્યા વિના જ આઉટ થઈ ગયા. 2માંથી 1 રન ઓપનર બેટ્સમેન મેનકાએ બનાવ્યો અને તેના માટે 18 બોલ રમી.

નવી દિલ્હીઃ બીસીસીઆઈ મહિલા અન્ડર 19 ક્રિકેટ મેચ દરમિયાન એક અનોખો રેકોર્ડ બન્યો છે. કેરળ વિરૂદ્ધ અંડર 19 વન ડે લીગ મેચ રમતા નાગાલેન્ડની ટિમ માત્ર 2 રનમાં જ ઓલ આઉટ થઈ ગઈ હતી. મેચમાં નાગાલેન્ડની ટીમ માત્ર 17 ઓવર જ રમી હતી. મજાની વાત એ છે કે આ દરમિયાન ટીમના 9 બેટ્સમેન 0 પર આઉટ થયા હતા. 2 રનમાંથી એક રન તો વાઈડ બોલના કારણે બન્યો. આ મુકાબલો જેકેસી કોલેજ ગ્રાઉન્ડ, ગુંટૂરમાં રમાયો હતો.